عايز مركز لظبط زوايا البيتلز ؟

**El.Hossieny** · 11-11-2008 09:54 AM

لو سمحت يا رجالة انا عايز اظبط زوايا في عربيتي البيتلز ال 1300 ...بس يا ريت لو مركز ظبط زوايا كويس و بيشتغلو بامانة ...و يكون قريب من مصر الجديدة او مدينة نصر ... و لو في فكرة عن الاسعار يبقي خدمتوني بجد

و الف الف شكر علي المساعدة

**أحمد سالم** · 11-11-2008 01:23 PM

السلام عليم
انا كان ليا تجربه من اكثر من سنه فى ظبط الزوايا
المهم هو الراجل بعيد شويه عنك لاكنه محترف
هو فى السيده عائشه
وانت رايح من السيده عائشة على ميدان القلعه
بتعدى على سنترال القلعه بيبقى على يمينك
بعديه بشويه فى كام ورشه منهم واحد بتاع ظبط زوايا وواحد جنبه بتاع عدادات
طبعا هما كده خلف حديقة مصطفى كامل
هو راجل مشهور جدا هناك
بس والله انا نسيت اسمه
لو لقيت الكارت بتاعه هبقى احطه فى المنتدى

**El.Hossieny** · 11-11-2008 01:35 PM

الف شكر ليك يا احمد باشا ...بس انت عارف ان ده مشوار عليا ...اكيد في ناس كويسة في مصر الجديدة و مدينة نصر ؟؟

**Karim_Monir** · 11-11-2008 03:16 PM

ايون روح مركز بريدجستون بتاع عباس العقاد اللي جوة بنزينة كالتكس
وهما عندهم ظبط زوايا هايل
ولو معاك استيكر نايل موتورز تاخد خصم 25 % كمان
عربيتك دنجل ولا عفشة
موديل كام يعني

**ahit** · 12-11-2008 09:23 PM

السلام عليكم
معلش ماشوفتش الرسالة إلا دلوقتى

ايون روح مركز بريدجستون بتاع عباس العقاد اللي جوة بنزينة كالتكس
وهما عندهم ظبط زوايا هايل

فعلاً دا قريب منك و هما عندهم أجهزة حديثة و فنيين ممتازين
و ياريت تقولينا عملت إيه و التكلفة كام

ولو معاك استيكر نايل موتورز تاخد خصم 25 % كمان

يرجى من الأخ و الأستاذ المحترم جداً كريم منير ( جزاه الله كل خير ) يدلنا على طرق شراء الإستيكر و ثمنه و هل بيتم تغييره كل فتره

و شكراً

**ahit** · 10-01-2009 03:34 AM

المشاركة الأصلية كتبت بواسطة karim_monir

ايون روح مركز بريدجستون بتاع عباس العقاد اللي جوة بنزينة كالتكس
وهما عندهم ظبط زوايا هايل
ولو معاك استيكر نايل موتورز تاخد خصم 25 % كمان
عربيتك دنجل ولا عفشة
موديل كام يعني

السلام عليكم و رحمة الله و بركاته

و الله أنا من أسبوعين تقريباً روحت مركز بريدجستون أنا و واحد صاحبى بعربيتو البيتل بردو و قابلنا المهندس المحترم / نجاد شريف و للأسف ما حستش بفرق و الحدفة اليمين ( هى بسيطة ) بس زى ما هيا و لما قولتولهم قالولى دا اللى قدرنا عليه لأن المساعد الشمال ملووح من مطب جامد ( طب أنا كنت جيلكو ليه !!! ) و مال المساعد الشمال بالحدفة اليمين و كمان لاحظت إن الفردة اليمين مفتوحة عن الطبيعى و ماكنش فيها الموضوع دا .
بس يمكن هما مش خبرة فى البيتل و ظبط زواياها و يمكن يكون العيب عندى و الله أعلم.
و مشاركتى السابقة كنت بشكر فيهم لأنى شوفت عندهم و انا بمون بنزين قبل كدا أجهزة حديثة فى ظبط الزوايا , و حبيت أقول تجربتى عشان الأمانة و يمكن أحد الأعضاء يفدنى بردو لو كلامى غلك أو صحيح.

**El.Hossieny** · 10-01-2009 10:24 AM

اكيد كلامك صح يا ابو حميد . للامانة الشديدة ..انا روحتلهم من فترة عشان كان عندي حدفة يمين مع الفرامل و هم عندهم فعلا اجهزة حديثة بس لما مشيت من عندهم لقيت الحدفة موجودة .. رجعتلهم تاني يوم , الفني اللي هناك قالي مفيش اي غلط في ظبط الزوايا .. قاللي انت اكيد عندك فردة بتمسك فرامل قبل التانية ... طبعا بصتله و حسيت اني كنت غلطان ... دة حته مكلفش نفسة يراجع علي شغله اوي يبص عليها تاني
المهم :
احسن مركز روحته لظبط الزوايا في محطة البنزين اللي في ميدان اسماعيلية ... فعلا فعلا ناس لا يعلي عليها

**أحمد سالم** · 10-01-2009 01:39 PM

السلام عليكم
انا فعلا روحت مع الاستاذ احمد حسن لما كان بيظبط الزوايا فى كالتكس هى فيها توكيل بريد جستون طبعا قابلنا الباش مهندس نجاد وكان فعلا انسان فى غاية الاحترام ولما اخبرناه اننا عرفناة عن طريق نايل موتورز رحب بينا جدا
المهم بعد ظبط عربيتى وانا فى طريقى للبيت لاحظت برده ان العربيه بتحدف يمين بس مش مع الفرامل
وانا ماشى لو سبت الدركسيون الاحظ ان العربيه بتروح ناحية اليمين
طبعا كبرت دماغى وقلت هبقى اروح مركز تانى بره وخلاص
كمان اليوم ده حصل موقف مع اخونا احمد حسن مش هيخلينا ننسى البنزينه دى ابدا
بس مش هقدر اتكلم عن الموقف غير لما استأذن الاخ احمد حسن
المختصر المفيد
ان مهندسين ظبط الزوايا فى توكيل بريد جستون اللى فى بنزينة كالتكس على حسب رئي وتجربتى والله وبكل امانه
مش محترفين قوى فى ظبط الزوايا
كمان فى حاجه انا لاحظتها ان فى اصلا تسعيره متعلقه فى البنزينه
احنا دفعنا زى مامكتوب فى التسعيره برغم ان اللى مكتوب هنا فى المنتدى ان فى خصم لاعضاء نايل موتورز
اللى مش مصدق التسعيره متعلقه على اليمين وانت داخل مكتب الباش مهندس نجاد
طبعا انا لا اقصد ان اتسبب فى الزعل لاحد
لاكن نحن هنا نتكلم عن تجاربنا بكل امانه
وطبعا دى صوره لاستاذنا الكبير احمد حسن
مع الباش مهندس نجاد
انا صورتها بتليفونى يوم ظبط الزوايا

**ahit** · 10-01-2009 07:25 PM

المشاركة الأصلية كتبت بواسطة أحمد سالم

السلام عليكم
انا فعلا روحت مع الاستاذ احمد حسن لما كان بيظبط الزوايا فى كالتكس هى فيها توكيل بريد جستون طبعا قابلنا الباش مهندس نجاد وكان فعلا انسان فى غاية الاحترام ولما اخبرناه اننا عرفناة عن طريق نايل موتورز رحب بينا جدا
المهم بعد ظبط عربيتى وانا فى طريقى للبيت لاحظت برده ان العربيه بتحدف يمين بس مش مع الفرامل
وانا ماشى لو سبت الدركسيون الاحظ ان العربيه بتروح ناحية اليمين
طبعا كبرت دماغى وقلت هبقى اروح مركز تانى بره وخلاص
كمان اليوم ده حصل موقف مع اخونا احمد حسن مش هيخلينا ننسى البنزينه دى ابدا
بس مش هقدر اتكلم عن الموقف غير لما استأذن الاخ احمد حسن
المختصر المفيد
ان مهندسين ظبط الزوايا فى توكيل بريد جستون اللى فى بنزينة كالتكس على حسب رئي وتجربتى والله وبكل امانه
مش محترفين قوى فى ظبط الزوايا
كمان فى حاجه انا لاحظتها ان فى اصلا تسعيره متعلقه فى البنزينه
احنا دفعنا زى مامكتوب فى التسعيره برغم ان اللى مكتوب هنا فى المنتدى ان فى خصم لاعضاء نايل موتورز
اللى مش مصدق التسعيره متعلقه على اليمين وانت داخل مكتب الباش مهندس نجاد
طبعا انا لا اقصد ان اتسبب فى الزعل لاحد
لاكن نحن هنا نتكلم عن تجاربنا بكل امانه
وطبعا دى صوره لاستاذنا الكبير احمد حسن
مع الباش مهندس نجاد
انا صورتها بتليفونى يوم ظبط الزوايا

السلام عليكم و رحمة الله و بركاته

شكراً للأستاذ/ أحمد الحسينى و الأستاذ/ أحمد سالم ... على التوضيح
أحمد باشا سالم ... و الله كويس إنك لسه فاكر الصورة و الموقف اللى حصل معايا فى اليوم دا

و الموقف اللى حصلى يا جماعة فى الرابط دا و قدر الله و ما شاء فعل و الحمد لله على كل شىء
http://www.nilemotors.net/Nile/showthread.php?t=52127

و بصراحة المهندس / نجاد شريف راجل فى منتهى الزوق و التعاون و بصراحة لما سألتو على ضغط الكاوتش للمقاس بتاعى قعد يدور و يبحث لغاية لما أفدنى و الحمد لله.
و فعلاً إحنا يوميها دفعنا 20 جنية لكل عربية ثمن ظبط زوايا أمامى و هى دى كانت التسعيرة اللى مكتوبة و متعلقة و ما خدناش أى تخفيض نهائى.

و بصراحة أنا كان شكلى وحش جداً فى الصورة و كنت جايب ألوان و مش مركز خالص بسبب الموقف اللى حصل معايا و ماكنتش متوقعه خالص و بصراحة أحمد سالم كان متنرفز جداً و كأن الموبايل دا بتاعو و الله.
بس اللى كان مضايقنى أكتر من إنه موبايل غالى و كان عزيز عليا جداً إنه كان عليه صور إبنى موره ( عمر ) و للأسف ما كنتش لسه نقلتها على اللاب توب و كمان كان فيه كمية كبيرة من الأرقام الجديدة و كنت بردو لسه ما عملتلهاش Backup ، ربنا يعوض عليا و الحمد لله على كل شىء و قدر الله و ما شاء فعل.

شكراً

الموضوع: عايز مركز لظبط زوايا البيتلز ؟

LinkBack

أدوات الموضوع

عرض

-

-

-

-

المواضيع المتشابهه

عايز مركز ضبط زوايا فى مصر الجديده او مدينة نصر او فى وسط البلد

زوايا البيتلز ؟؟؟

مركز خدمة هيونداي معتمد من غير جهاز لظبط الزوايا ...؟؟؟ تصدق !!!!؟؟

يا شباب المنصورة : حد جرب مركز ابو حطب لظبط الزوايا و الترصيص ؟

انتهاء عرض مركز درش لظبط الزوايا

الكلمات الدلالية لهذا الموضوع

المفضلات

المفضلات

ضوابط المشاركة