حضرتك التوكيل محترم جدا واحنا بقالنا تلات سنين بنتعامل معاه وهم ناس محترفة للغاية ماتقلقش من التوكيل
عرض للطباعة
مهو مش معقول ابو غالى اخطأ ومغيرليش زيت فى صيانة الالف بتاعة اللانوس وشركة النصر اخطأت ومغيرتليش زيت فى صيانة الألف للشاهين ومودرن موتوز اخطأوا ومغيروليش زيت فى صيانة الألف للصنى وزميلى اللى شارى افيو جديد شركة منصور اخطأت وقالت له ان مالهاش صيانة ألف اصلا، ده يبقى اتفاق جمعاى على الخطأ من كل توكيلات السيارات :)
يا استاذ سبعاوى انا مش بتكلم عن توكيل منصور ولا النصر انا باقول ان توكيل مودرن موترز بيعمل لاول الف صيانة ولما قلت انهم غلطوا كنت اقصد نفس التوكيل مش توكيلات تانية وبعدين احنا عندنا لانسر ويارس ومرسيدس وكلهم اتعملهم صيانة الالف وانا عربيتى سوزوكى واتعملها صيانة الالف
والله العظيم، وحياه ولادى اللى لسة مشفتهمش ، انشالله يا رب تنزل عليا المطرة بالليل وانا ماشى ان عربيتى النيسان صنى 2007 عملت لها صيانة الألف فى نفس ذات عين التوكيل بتاع مودرن موتورز بتاع جوزيف تيتو، وقالولى صيانة الالف بدون تغيير زيت، وانا متأكد انهم مغلطوش لأن كل الناس اللى اعرفهم اللى جابو صنى فى هذا التوقيت وعملوا صيانة فى مودرن موتورز مغيروش زيت فى الألف، يعنى انا بتكلم عن نفس التوكيل ونفس مركز الصيانة ونفس الورشة وعدد لا بأس به من سيارات معارفى ،وحياه عينيا وللا مااوعى اشوف الألفية الرابعة، انا جبت امثلة عن توكيلات اخرى علشان اوضح ان الموضوع مش اختراع يعنى ولا حاجة، وهم نفسهم بيغيروا الزيت لعربيات نيسان صنى فى الألف ديلوقتى، اللى عايز اقوله ان زمان كانت الدنيا ماشية طبقا للجدول وكتاب الصيانة اللى مبيقولش تغيير زيت فى الألف وده انا متأكد منه، لكن ديلوقتى لقو سكة لسبوبة لا مانع من استغلالها، ارجو ان فكرتى تكون وضحت
بعد الشر عنك من المطرة وغيره براحة شوية يا استاذ سبعاوى انا لاسمح الله مش باكدبك والله انا باقول اللى حصل برده ووالدى عربيته 2006 صنى وغير الزيت فى اول الف هنا فى اسكندرية وعموما حتى لو ماكنش ده بيتعمل زمان واصبح بيتعمل دلوقتى فهى مش فارقة لانك كده او كده انت بتدفع تمن الزيت وده زيه زى برا فى معظم التوكيلات وان شاء الله تشوف ولادك على خير ونفرح فيك قصدى نفرح بيك :devil::devil::devil::devil:
انا عملت صيانة الالف كيلو فى مودرن موتورز شبين الكوم و غيروا لى الزيت و عرفت ان دة طبيعى فى صيانة الالف كيلو
يا جماعة موضوع الصيانة في ال1000 وله امتي ده بيتوقف علي نوع العربية وسنة الصنع
مش نوع التوكيل
وي فعلا الماروتي ال1000 فيه تغير زيت وفلتر بس ممكن تعملهم بره التوكيل عاددددددددددددددى وروح قول انك غيرت الزيت بره التوكيل وبس عايز تعمل باقي الصيانة
أنا بعمل كدة وي في توكيل مودرن موتوز المطار وعادددددددددددددددي جدا بيختم الدفتر بتاع الصيانة
وي فبل كده البوبينة جابت زيت مرتين
وغيرهملي تبع الضمان
ومرة اصلان فاوت صيانة 25000 وعملت بعد كده ال 30000 عادي خالص
بس انا دائما بغير الزيت بره التوكيل في SHELL بحس انه احسن من موبيل
التوكيل فعلان بقي زحمة أوي عن 2007
وفعلا من كتر الناس والعربيات أصبح في اهمال وي لازم تاكد عليهم أكثر من مرة
خصصصصصصصصصصصصوصا الحاجات الروفيعة زي المياه بتاعت البطارية وصيانتها
وي كمان الماروتي فيها عيب انا دائما بشتيكي منه بس في التوكيل قلولي هيا كده
العيب ده عيب صناعة
وبيبان في السرعة علي 1 2
وهو عبارة عن صوت بيطلع وي انت دايس بنزين وبتحس كأن قعدت الماتور بتيتحرك :k17:
وي ده بيقواوا عيب صناعة فيهههههههههههههها
حدددددددددددددددددددددددد حس بيههههههههههههههههههههههه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
بس فيه ميزه انهم بيعملوا follow up by phone لو لييك شكوى
عموما دى مشكلة زحمة أكتر من قلت خبرة
أنا لسه عامل صيانة الــ 10 الاف فى مودرن موتورز الدقى - بصراحة معجبنيش شغلهم خالص
أولاً : المواعيد زى الزفت وصلت الساعة 11 والحجز كان 11.15 قاللى الأستلام الساعة 1.30 طبعاً ماحصلش وأستلمت الساعة 5 المغرب!!!!
ثانياً : الأسعار عالية جداً 3 لتر زيت موبيل XHP ج90 جنيه وفلتر 45 جنيه والمصنعية لتغييير زيت وفلتر 100جنيييييييييييييه !!!!!!!!!!
ثالثاً : طلبت الكشف على أتزان العجل قاللى 70 جنيه ، فهمته أن فى صيانه الــ 5000 كم طلبت الكشف عليهم من مهندس تانى كان موجود وتقريباً مشى من عندهم ، قاللى معلهش أستأذن حضرتك نأجلها الصيانه الجاية ( 10000) لأن النهاردة زحمة جدا ً ووافقته ، طبعاً قعدنا فى مفاوضات طيب نخليها 50 جنيه علشان خاطر حضرتك قللتله ولا مليم ضبط الزوايا عندكم مجانى عند الــ5000 كم وفى النهاية وافق ، شفت العربية وهية على الكمبيوتر وفى الاخر متعملش أى حاجة وقال أيه العجلة الأمامية محتاجة تتفتح درجة وهما معندهومش زرجينة وأثبت كده فى الفاتورة وقاللى روح فرع الهايكستب أو أبو رواش وهما يعملوهالك ، طبعاً أنفجرت فى الأستاذ اللى هناك اللى هوه (شبه مهندس) مش ممكن يكون مهندس مش فاهم حاجة طبعاً ومقضيها أبتسامات وتحت أمر سعادتك وسلملى على الفهلوة ، أزاى توكيل طويل عريض مفيهوش زرجينة ؟!قاللى اه عادى جداً معندناش نعمل أيه طيب
رابعاً: قلت أركب جهاز أنذار من عندهم علشان الضمان ، أخترت واحد قاللولى لأ لازم معاه سنترلوك أخترت التانى ، ودفعت 570 ج للأتنين وبعد تركيبهم ، الراجل المسئول بيسلمنى المفتاح ومبروك يابيه ، لاحظت أن مش ده المفتاح بتاع النوع اللى أنا أخترته ، راجعت المسئول قاللى لأ المفتاح بس اللى متغير لأن أنا لقيت فيه ميزة تانية أحسن مش موجودة فى المفتاح التانى وهيه إمكانية التوصيل لقفل الشنطة أوتوماتيكيا ً ، أنما هوه نفس الجهاز اللى سعادتك مختاره طبعاً لم أقتنع أزاى مفتاح تانى يشتغل على جهاز مش بتاعه ، وبعد مناقشات ومداولات أعترف المسئول أنه غير الجهاز بواحد تانى فى رأيه أحسن من اللى أنا مختاره ( حاجة كده مجهوله الهوية تماماً ومفيش عليها أى بيانات وفى علبة بيضاء سادة تماماً وملزوق عليه ورقة مكتوبه على الكمبيوتر بمعرفتهم مكتوب عليها Specially for Suzuki وسلملى على الفهلوة ) طبعاً رفضت وصممت على النوع اللى أنا مختاره ، وتم التبديل والتغيير !!!!!!!!!!
وبالمناسبه قلت أركب كاسيت CD ، عندهم طبعاً أنواع زباله كلها صينى وتايوانى وماركات غير معروفة وأسعار نار ، قلت أجيب واحد من برة وهما يركبوه علشان الضمان وياخدوا المصنعية بتاعتهم رفضوا !!!
الأنطباع الأخير طبعاً زى الزفت وقررت :
الأول أشتكى لما يعملوا معايا متابعة بالتليفون ، ولكن حصل الاتى : أتصلوا بيا وكنت فى محاضرة بالجامعة ومبردش على أى تليفون وأنا فى المحاضرة وبعد ماخلصت أنا عارف نمرتهم ، حاولت الأتصال ولكن هيهات لامجيب
ثانياً قررت عدم التعامل نهائياً مع التوكيل الزفت ده وهاعمل كل حاجة بره وملعون أبو الضمان ومستنى بس من الأخوة الأفاضل بالمنتدى أعرف عناوين ميكانيكية كويسيسن فى الماروتى حبييبة قلبى
ي كمان الماروتي فيها عيب انا دائما بشتيكي منه بس في التوكيل قلولي هيا كده
العيب ده عيب صناعة
وبيبان في السرعة علي 1 2
وهو عبارة عن صوت بيطلع وي انت دايس بنزين وبتحس كأن قعدت الماتور بتيتحرك :k17:
وي ده بيقواوا عيب صناعة فيهههههههههههههها
حدددددددددددددددددددددددد حس بيههههههههههههههههههههههه ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
-------------------------------------------------------
السلام عليكم
انا كمان لاحظت نفس الحكاية دي علي الاول وعلي التاني حاسس ان الماتور مفكوك لدرجة اني اول مرة حست بيها ركنت ونزلت اشوف لو في حاجة مفكوكة في العربية ولحد ما قريت الموضوع دا كنت هاجنن بس واضح فعلا انها عيب في الصناعة مع ان عربيتي 2008