السلام عليكم
احنا عندنا عربية شاهين واشتريناها وانا صغير ومكنتش أفهم فی أی حاجة فی العربيات ولا والدی كان يعرف غير ان بيتحطلها بنزين ولحد دلوقتی بس بقيت افضل نسبيا يعنی اخوكم ميح المهم انا معنديش ليها ای معلومات ومش لاقی كتالوج ليها وكل اللی اعرفه عنها من الرخصة انها 1400 موديل 2002 وكنت عايز اعرف من حضراتكم شوية حاجات :
1_هی باور ولا لأ وأنا باحس ان الدريكسيون مقبول بالنسبالی.
2_بالنسبة للتكييف الراجل اللی بعهالنا قال ان التكييف شغال وتلاجة والكلام الفاضی ده ومن ساعتها وهو بيطلع هواء سخن زی المروحة واهملت الموضوع ونسيته السنة اللی فاتت بقی علشان الحر وكدة روحت لواحد وقالی الدورة شغالة بس عايز يشحن فريون ب250 فمعملتوش مش عارف هل لو اتشحن هيشتغل كويس ولا يمكن يكون بايظ اصلا وبرضه السحب هياثر جامد ويخنق العربية ولا ايه؟رأيكم يعنی اعمله ولا اسيبه؟وكمان بيشتغل علی 1 و2 اما 3 فبيعلق ساعات يشتغل وساعات كتير لا.
3_بخصوص العداد:هو احنا اشتريناها من اول مالك وكانت عبارة عن شركة وبتسخدم لتوصيل مهندس لبيته وهی معانا بقالها ست سنوات وكانت بتتحرك فی الاسبوع يمكن مرتين كل مرة 15 كيلو وده كان فی اغلب الاوقات بجانب بعض المشاوير الصغيرة داخل المدينة المشكلة ان العداد 20 الف هل ده ممكن يكون طببعی لعربية بقالها 13 سنة ماشية ولا الراجل كان لاعب فی العداد
4_ايه الحاجات اللی بتتغير بصفة دورية؟اقصد كل كام الف ايه يتغير انا بغير الزيت والفلتر بصفة دورية اما باقی الحاجات معرفش بتتغير كل اد ايه وتقريبا مبتتغيرش الا لو باظت والزيت انا بغيره كل الفين بس كل الصنايعية بيقولوا كل 1000 او 1500 بس حاسسهم عايزين ياخدوا فلوس وبس فرايكم اغيره كل اد ايه؟وايه افضل نوع؟
5_الانتظار لما بشغله الكونتاكت بيفتح هل ده طبيعی؟وان عايز اتعلم فی الميكانيكا والحاجات ده اعمل ايه علشان اتعلم واصلا لما بروح لحد يصلح حاجة واساله بيجاوب باختصار جدا كانه مش عايز يقول .
عذرا علی الاطالة واللی يعرف حاجة ما يبخلش وجزيتم خيرا.
المفضلات