رخصتي ورخصة العربيه لسه هاينتهو في شهر اكتوبر القادم بس نظرا لاني هاكون مسافر بالعربيه وهاتيجي فترة انتهاء الرخص ومش هاقدر اجددهم في معاده لاني ترخيص اسوان وهاكون في القاهره فهل ممكن اجدد عادي ؟
رخصتي ورخصة العربيه لسه هاينتهو في شهر اكتوبر القادم بس نظرا لاني هاكون مسافر بالعربيه وهاتيجي فترة انتهاء الرخص ومش هاقدر اجددهم في معاده لاني ترخيص اسوان وهاكون في القاهره فهل ممكن اجدد عادي ؟
والله بالنسبه لرخصتك ممكن حضرتك تروح تجددها في أي وقت ..وخصوصا إن مصاريف تجديدها حوالي 120 جنيه ..هتعمل ورقك عادي جدا وتروح تطلب تجديد الرخصه ..واحد رايح بيقول للحكومه خدوا 120 جنيه ..يقولوا لا؟؟..بالنسبه بقى لرخصة العربيه تجدد عادي برضه بس الفرق هنا إن المده الباقيه في الرخصه هتضاف لصالحك في التجديد الجديد
ممكن بالفعل تجددهم
لكن
كمبيوتر المرور بيعطى 3 سنوات من العام الحالى كحد اقصي
يعنى اخر تجديد هيكون 2018
حتى لو رخصة السيارة تنتهى فى 2016 مش هينفع يكتب الفحص 2019 وهيكتبه 2018 وبكده هتضيع عليك سنة فحص
اما لو رختصتك تنتهى 2015 فافحص في اى وقت زى ما انت عايز قبل الميعاد
هذا ما اعرفه و الله اعلم
ملحوظة رخصة عربيتى
كانت تنتهى يناير 2013
وكان مفروض تجدد الى يناير 2016
ولكنى استعجلت ودخلت فحص اخر ديسمبر 2012 فتم تجديد الفحص الى يناير 2015 وخسرت السنة
ملحوظة شهر التجديد ثابت من بدأ عمل ملف للسيارة
التجديد بيكون فى السنين لكن اليوم و الشهر ثابت
اقتباس:
المشاركة الأصلية كتبت بواسطة abokoko
يعني ايه
رخصة العربيه هاتنتهي في 31\10\2015
ورخصتي 30\9\2015
وعايز اجدد دالوقتي هل لازم استني والا ممكن حاليا؟
تجدد عادى جدا
الكلام اللى قلته كله خاص بيناير و ديسمبر
معذرة ان كنت تسببت فى اى لخبطة افكار
لكن انا اتكلمت للنصيحة ولتجنب ما حدث معى
عندما كانت رخصة السيارة تنتهى اول يناير
وانا طلبت الفحص والتجديد اخر ديسمبر
على اعتبار ان الفرق اسبوع قبل الميعاد مش هيعمل حاجه
لكن اى اشهر تانية مش هتعمل اى مشكلة او فرق
تقبل تحياتى
لو هتنقل ملكية اوعى تجدد بعد الانتهاء هيطلع عينك الحقها قبل ما تنتهي وبمدة كافية كمان شهر ولا حاجه
اما لو العربية باسمك فجدد بأي وقت عادي سواء رحت متأخر او بدري هيجدد من تاريخ تجديدك بالملف ملهاش دعوه رحت امتى
بس لو اتمسكت بالرخصة وهي منتهية فبتسحب منك وبتتقدر غرامة من 20 الى 150 جنيه حسب مزاج النيابة
واه ياجماعة الحد الاقصى 150 جنيه للسير برخصة منتهية لان في ناس بطبعها بتحب تفتي وتقول اي كلام
منه ان الغرامة ممكن تبقى 600 جنيه وده كلام للاسف غلط تماما
أنا جددت رخصة تسيير المركبة قبل انتهائها بأكثر من شهر وانضافت المدة الجديده عادى جدا
للاسف قالولي لا عشان الضريبه السنويه متغيره فاممكن تجدد قبلها بشهر مش اكتر من كده
لكن الرخصه الشخصيه عادي