السادة المحترمين
انا سقط موتور بولو 2001 1400cc فى عربيتي اﻻبيزا 2000 1000cc ، السؤال هوا هل هتواجهنى مشكله لما اجى ارخص لو اﻻفراج الجمركي مكتوب فيه فولكس أو بولو ؟ وﻻ هيتم الترخيص عادى على أساس إن اﻻبيزا و البولو عائلة واحده لفولكس فاجن ؟
أرجو الإفادة للأهمية
طيب اللي باعلك المكنه وكان عارف انك هتسقطها في ابيزا قالك إيه ؟؟؟...وبعدين حصل تعديل في القواعد ولا لأ؟؟
مافيش مشكلة إن شاء الله .
ماهما كان بينزل نفس المواتير في جولف 2 و 3 وإبيزا 94 لحد أبيزا 2000 تقريبا .
ولا اي حاجة ان شاء الله
هتروح ترخص عادي وياخد بصمة وتخلص الفحص وتثبته علي الرخصة
تحياتي والف مبروك المحرك الجديد
لأ مش حتفرق فى اى حاجه انا مسقط موتور ابيزا سيجنو كوبيه 2000 لقرطبه 94 وكان مكتوب فى صوره الافراج موتور فولكس 1600 وصوره طبعا لان اصل الافراج بيكون موجه للمرور التابع له
جميع مواتير سيات ما هى الا فولكس
لا تقلق كله حيعدى على خير
بالتوفيق ولو عايز اصورلك افراج عربيتى عشان تتطمن انا تحت امرك
شكرا يا جماعة لسرعة الرد ، ربنا يكرمكم انا كنت قلقان و ربنا يتمها على خير و أرخص.
الراجل البياع قالي أنه مش هيفرق و هترخص عادي بس أنا كنت شاكك في كلامة الصراحة ، ولم يحدث اى تعديل في قواعد الموتور ولا اى حاجه خالص الموتور واحد للعربيتين .
طيب خلاص ..قلقان ليه بقى ..ده كفاية كلام التاجر ..ما يقدرش يكذب عليك عشان لو حصل مشكلة هترجعلهاقتباس:
المشاركة الأصلية كتبت بواسطة el-hamamsy