-
بصوا يا جماعة من الاخر يعنى انا مقررانى اشترى عربية وتكون فى حدود 100 الف متزدش يعنى وكنت مقرر انى اختار الافيو وبعد ما دخلت منتداكم العظيم فوجئت بسيل من العيوب داخل العربية وان تقفيلها زبالة بخلاف عيوب لا تنتهى ده الاكتر من كدة انى سألت عن العربية المانيوال عند احد موزعى شيفروليه بالاقصر قالى دى بقالها اكتر من 7 شهور منصور منزلهاش يعنى رضينا بالهم والهم مش راضى بينا انا مش هجيب الفيرنا الجديدة انا بكره شكلها اصلا ومش هجيب نيسان صنى بردوا من كلامكم انا اتعقدت كل شوية ادخل على صفحات المنتدى تعجبنى متسوبيشى اتراج الاقى حد يقول موتورها 1200 مش اد كدة عجبتنى عربية بريليانس s30 دخلت على صفحة العربيات البريليانس لقيتها مش موجودة اصلا فى السوق المصرى مع انها بتظهر فى كل المنتديات وضيف لذلك انها صينى انا زهقت شكلى مش هشترى ومحدش يقولى اشترى مستعمل على جثتى قولولى اعمل ايه بجد جبت اخرى وشكرا واسف للاطالة
تم تعديل العنوان ودمج المواضيع المكررة والنقل للمقارنات
م.ع 7
-
-
انا لسه بفكرلك وان شاء الله هرد عليك اليوم او غدا
-
لو حضرتك من الاقصر
لو أقامة حضرتك فى الاقصر يبقى هيحد من اختيارتك يعنى لازم تشوف ايه انواع السيارات اللى منتشرة فى البلد و وفرة قطع الغيار و شطارة الصنيعية و وجود توكيل محترم لا تنسى هذه العوامل لأن السيارة مش شراء و بس و لكن من المهم خدمة ما بعد الشراء .....بعد كده تشوف احتياجك للسيارة هل مسافات بعيدة و لا قريبه طرق ممهدة ولا صعبة و مطبات , لفرد او اتنين او لاسرة كبيرة , الخ.... و بعد كده فى الاخر تفكر فى اى نوع بعد ما ترسى على الخطوط العريضة و بالتوفيق ان شاء الله
-
أهلا بيك أخى الكريم. انا كنت قريب عندك فى الأقصر ولاحظت انتشار الصنى الشكل القديم و ده بالتالى يفهم منه انتشار فطع الغيار و وجود الورش أو مراكز الصيانة اللى بتشتغل فى الصنى. انا عندى صنى الشكل القديم موديل 2009. و ساكن فى اسكندرية. سافرت بالسيارة من اسكندرية للأقصر كذا مرة فى الصيف و الشتا. ولله الحمد لايوجد أى مشاكل.طريق السفر هو اسكندرية - القاهرة الصحراوى ثم الصحراوى الشرقى لحد اسيوط ثم وصلة اسيوط - سوهاج - قنا ثم الصحراوى الشرقى قنا- الأقصر.ربنا يهديك للخير و ماتستعجلشو خد قرارك و انت مقتنع تماما.انا بس حبيت انقل لك تجربتى مع الصنى حبيبتى.
-
يا اما تدبرلك 20 الف كمان وتجيب كيا ريو او تجيب اميجراند هي صيني صحيح لكن الناس بتشكر فيها
-
عندك اللوجان أو السانديرو
وعندك سوزوكي سويفت
فكر كويس حتلاقي حاجة كويسة تناسبك.
-
-
بس دى عاملة 116,000
كمان قطع الغيار مش متوفرة وغالية
-
أشكرك ,انا مستنى رد حضرتك ويارب يكون خير ان شاء الله
-
العضو hotmail شكرا للردك واتمنى الاقى الخير فى اهتمامك ان شاء الله
-
hotmail شاكر لحضرتك ومستنى ردك
-
ali ashraf شكرا للرد حضرتك بس المشكلة ان اغلب العربيات هنا افيو ولانوس وفيرنا ومنها اللى تفقيله مصرى وعيوب الصناعة ومشاكلها اللى اصحابها بيحكولى عليها عشان كدة كتبت الموضوع ده وانا فى حيرة فعلا لكن بوجودكم مش قلقان ونصايحكم بستفيد منها
-
شكرا ليك أبو ادهم على ردك بس حضرتك لو دخلت على صفحة عربيات النيسان هتلاقى مواضيع كتير عن الصنى 2015 وكلها مرعبة يكفى انها تقفيل مصرى وفراملها مش مرتاحة اما الشكل القديم فأنا مش بثق فى المستعمل لانها لو كويسة مع صاحبها طب ليه يبيعها بس عايز أسألك فى حاجة هو أنا لو رحت معرض دلوقتى ممن أطلب منه نيسان صنى الشكل القديم على الزيرو وتبقى موجودة طب والشكل القديم ده موديل سنة كام وشكرا ليك
-
دكتور عمر شكرا للردك بس انا مش هجيب صينى ابن عمى جايبها والناس كلها مكرهاه فى العربية مش عشان شئ الا انها صينى وبالنسبة انى ازود فى تمن العربية مش عارف اللى بسمعه اليومين دول عن سرقة العربيات يخللينى مخاطرش بأكتر من كدة فى عربية وشكرا ليك
-
أستاذ فارس شكرا للردك طب فكر انت معايا اللوجان والسانديرو 115,000 وبالنسبة للسوزوكى سويفت ممكن بس السويفت ديزاير على ما اعتقد وان كان موتورها بردوا مشكلة 1200 سى سى
-
أستاذ حسام أشكرك على الرد بس ياريت تدينى معلومى كاملة عن توقف الافيو اللى اعرفه ان المانيوال متوقف وعاوز اعرف لامتى من حضرتك واشكرك
-
هات سوزوزكي سياز الجديدة و كمل باقي تمنها بالتقسيط
-
صعب اوي عربية فيها immobilizer تتسرق الا اذا مفتاحها نفسه اتسرق منك
دا غير انك تقدر تركب لها ملحقات ضد السرقة
-
يوجد صنى شكل قديم موديل 2015 و سعرها من 108 الى 112 حسب المكان اللى حاتشترى منه.بس خللى بالك السيارة بدون abs.فيه حد من اعضاء القسم لسه شارى و كان عامل تقرير.ياريت تراجع الموضوعات الموجودة
-
شكرا أبو أدهم بس فى رأى حضرتك النيسان صنى الشكل القديم 2015 واللا رينو ستيب واى المانيوال والاتنين فى نفس السعر تقريبا اللى حضرتك بتتكلم فيه تنصحنى بأيه من حيث وفرة البنزين وقطع الغيار والأوبشن الموجود فى العربية
-
أستاذ أحمد شكرا على الرد بالنسبة للتقسيط لو انا رحت توكيل او معرض ودفعتلوا المبلغ الاكبر من تمن العربية واتبقى عليا مثلا سبع الاف هيضيف عليا فوائد واللا هيدينى العربية ويبقى المبلغ اللى عليا بس لانه حرام ادفع فوايد على مبلغ زى ده يا ريت اسمع رأيك ورأى أى حد من الملمين بالموضوع ده
-
هو طبعا اي معرض حيضيف عليك فوائد بس حتكون بسيطة يعني 9% تقريبا على المبلغ المتبقي في السنة يعني لو زي ما حضرتك قلت المبلغ المتبقي 7 ألاف حنضربهم في 9% فائدة يبقى المبلغ 7630 نقسمهم على 12 شهر يبقى القسط الشهري تقريبا 636 جنيه. بسيطة ان شاء الله و ربنا يوفقك للخير
-
شكرا أستاذ احمد على الرد السريع بس هياخد منى القسط منى له كدة مباشر واللا بردوا هيحولنى على بنك وافتح حساب والقصة دى وهل لو منى له كدة امان ومعلش بزعجك باسألتى
-
ممكن تدخل على قسم رينو و تشوف المداخلات الخاصة بها من ملاكها و رايهم فيها بعد الاستخدام. حاجة ثانية لازم تخلى بالك منها و هى انتشار الرينو فى الاقصر و وجود مراكز الخدمة و الصيانة.لكن انا باكلمك عن الصنى لانها معايا من الزيرو و لمدة 6 سنوات.ربنا يوفقك للخير
-
المعرض ما بيقسطش
هو بياخد فلوسه كاملة او البنك بيكملهاله وانت تدفع بعد كدة للبنك
وخلي بالك لو هتقسط هيشترطوا عليك تدفع تأمين شامل على العربية في حدود الفين او 4 الاف جنيه حسب تمنها
-
شوف اذا كنت بتسافر يبقا تختار بين العربيات 1500 سي سي او 1600 سي سي
وهنا ارشح ليك لوجان او زود شوية الجين2 احسن بكتير
وعمل حسابك انك تعمل الصيانة في القاهرة مثلا
واذا كنت لا تسافر 1200 سي سي جيده جيدا في المدينة
سوفت او اتراج او اي 10 مايجن كله محصل بعض
وحط معيار الوكيل الاقرب ليك
وشكرا
-
شكرا ابو ادهم على مشاركاتك بس ليا ملاحظة بالنسبة لنيسان صنى واضح ان حضرتك مرتاح فيها وكنت رشحتلى النيسان بس الشكل القديم سؤالى لو رحت لاى معرض يقدر يوفرلى العربية لانى اعتقد مفيش توكيل لنيسان بالأقصر وكمان ازاى اعرف ان دى الشكل القديم مش الجديد وكمان انها موديل 2015 ومعلش عاوز اسألك هى الشركة تنتج نوعين شكل قديم وجديد لنفس العام ده عادى يعنى واشكرك لاهتمامك
-
شكرا دكتور عمر على المعلومة شكلى كدة افضل احاول اوفر المبلغ اللى فاضل بعيد عن التقسيط والعك ده
-
شكرا استاذ زهدى انا مشاويرى هتبقى داخل الاقصر اغلبها بس يمكن افكر اروح اسوان مرة فى السنة او الغردقة هل عربية موتورها 1200 سى سى تبقى بردوا مناسبة
-
بص انا كنت واقع في نفس حيرتك, وكنت عايز نفس متطلباتك كدة, وبعد ما قرأت كتير وكتير وعايز عربية في حدود ال 100 الف اوتوماتيك, فحصرت الاختيار ما بين عربيتين:
1- الرينو لوجان او السانديرو, ودول فئة تانية اوتوماتيك عاملين 103 و 104 الف جنيه, وفيهم اوبشنز كتير, زجاج كهربا ومريات كهربا و abs واتنين ايرباج وكومبيوتر رحلات
2- السوزوكي سويف الهاتشباك او الديزاير, سعرها في التوكيل عامل 103 الف, والناس بتشكر فيها وموفرة في البنزين وشكلها حلو وعربية ياباني تقفيل هندي وفيها معظم الاوبشنز زي اللوجان ومحركها 1200 سي سي والناس بتقول عليه حلو ومش مقصر معاهم
فشوف انت اني احسنلك فيهم, وبالنسبة لنقطة التوكيل بقي في الاقصر فدي معرفهاش بصراحة انت اسأل فيها
-
شكرا على الرد باشمهندس مصطفى انا هحاول اتاكد مين من دوول انسب ليا وان كنت انا بدور على العربية اللى توفرلى بنزين وقطع غيار متوفرة اتمنى تكون عربية من دوول فيها المواصفات دى واشكرك لاهتمامك
-
كل المناطق ده قريبة ولا تعتبر سفر ممكن تقول الغردقة بس مش متعب ل ١٢٠٠ سي سي
في برضو عربية ممكن تضعها في الحسابك byd f3 عربية اثبتت انها بدون مشاكل
-
شكرا استاذ زهدى بس انا العربية دى صينى سبق فى مشاركة ليا وضحت ان ليا قريب جايب اميجراند جيلى وكل اللى حواليه معقدينوا منها مش لشئ غير انها بس صينى بس انا لو فكرت فى الصينى بفكر بس فى اسييرانزا تيجو وبردوا حاليا بعيد عن حساباتى انا على فكرة كان كل تفكيرى فى الاول منصب على العربية الافيو بس من كلام حضرتك والاخوة فى المنتدى الرائع غيرت رأيى ادعيلى بقى يهدينى ربنا فى حاجة كويسة وشكرا ليك وللجميع كتر خيركم
-
فى النهاية حضرتك رسيت على ايه لانى محتارة انا كمان
Content Relevant URLs by
vBSEO 3.6.0 PL2