روح عند ال 1000 افضل . و قول كل ملاحظاتك و خليهم يربطولك العفشه . كل اللى بتطلبه فى الالف من صيانات خفيفه بيعملوه بدون مقابل .
عرض للطباعة
انا مش عايز ادخل فى تفاصيل علشان حبايبى هههه . بس الفرق فعلا كبير لزوجة ال 5w40 تقريبا cst 84 و لزوجة ال 5w30 تقريبا cst 70 . الفرق كبير .
و انه صوت الخشونه اللى بنسمعه و السحب التقيل ناتج عن مقاومة البساتم للزوجه العاليه فى ال 5w40 لانه الخلوصات ضيقه فى موتور الفلوينس الفيس ليفت و دى طبيعة و اتجاهات المواتير اليابانى و الحديث كله . بيضيق خلوصات البساتيم علشان يدى اعلى عزم للموتور يقدر عليه و بالتالى الخلوصات الضيقه محتاجه زيوت لزوجتها اخف علشان تقدر تدخل بسهوله خصوصا فى تشغيل العربيات الصبح و دى اكتر فتره حرجه فى تشغيل العربيه .
الفتره الجايه هانشوف لزوجات غريبه فى السوق زى ال 5w30 و 0w30 و 0w20 و كلها للعربيات الحديثه .
هحاول اجيب 5w30 بس أنا اسمع انه مش موجود غير فى موبيل و شيل تقريباً و احتمال كاسترول هل ده صحيح؟ هو بيتجاب من اى بنزينة ولا فى مكان معين بيبيعه؟ و تقريباً حبقى اعمل الصيانة فى فرع العبور. و شكراً لكم كلكم :)
حضرتك هاتلاقي الزيت في محطات موبيل
هاتجيب علبه ٤ كيلو + علبه ١ كيلو
العربيه هاتاخد ٤.٣ كيلو
هتقل عليكوا بسؤال كمان وانا بسيف محطات الراديو على الست زراير بتوعهم المحتطات كلها اتسيفت ماعادا رقم 2 كل مرة يتسيف و اجيب محطة 1 و بعدين اجيب 2 الاقى 1 و 2 بقوا محطة 1 او اجيب 3 الاقى 2 و 3 بقو محطة 3؟ ده من ايه ده ...
طلع العيب فى محطة راديو مصر الكاسيت قافيش عليها فى اى رقم لكن اى محطة تانية فى رقم مفيهاش مشكلة حد عارف ليه؟
و سؤال كمان هو مفيش ok من دراع النالتى فانكشن من البكرة زى الكاتالوج ما بيقول؟ ولا من الكاسيت بس؟