سيات توليدو 2015 اوتوماتيك
السلام عليكم احلى اعضاء و احلى منتدى. هو ليه مفيش اى تقرير مفصل من ملاك توليدو 2015 أو 2014 الاوتوماتيك؟؟ الناس فى قسم سكودا مغرقين الدنيا تقارير الرابيد و عن السبيس باك و هنا و لا الهوا. فيه تقرير واحد بس عن احد الاعضاء اشترى المانيوال 2014 و بس و طبعاً زى ما انتو عارفين مفيش مانيوال خالص دلوقتى. نفسى اعرف سحبها عامل ازاى بالتكييف و من غير. ثباتها, استهلاكها للبنزين, مشاكلها, مميزاتها, هل تستاهل ثمنها و لأ. هل ملاكها راضيين عنها و لا حاسين انه كان ممكن يجيب حاجة احسن بنفس السعر؟ طبعاً انا طالب التقرير ده من الملاك علشان مواصفات العربية هنا فى مصر غير مواصفاتها بره فى اوروبا فمش بقتنع بالتقارير المعمولة على التوليدو فى اوروبا علشان مش هى اللى بتنزل هنا عكس الليون مثلاً. فيا ريت يا جماعة تفيدونا بتقرير مفصل عنها من احد ملاكها