| تسجيل عضوية جديدة | استرجاع كلمة المرور ؟
Follow us on Twitter Follow us on Facebook Watch us on YouTube
صفحة 3 من 7 الأولىالأولى 1 2 3 4 5 6 7 الأخيرةالأخيرة
النتائج 21 إلى 30 من 67

  1. #21

    الصورة الرمزية exelence

    رقم العضوية : 8881

    تاريخ التسجيل : 13Apr2008

    المشاركات : 638

    النوع : ذكر

    الاقامة : Cairo

    السيارة: لا يوجد

    السيارة[2]: volkswagen polo 98

    دراجة بخارية: لا يوجد

    الحالة : exelence غير متواجد حالياً

    افتراضي -

    hasad">

    إرضى بما قسم الله لك تكن اغنى الناس
    الفكرة عمرها ما كانت فكرة فلوس و الدليل على كده ان اللى معاهم فلوس بردوا مش مرتاحين
    إنما هى القناعة و الرضى


  2. #22

    الصورة الرمزية Mecha

    رقم العضوية : 147115

    تاريخ التسجيل : 10Aug2013

    المشاركات : 4,610

    النوع : ذكر

    الاقامة : توفي الي رحمة الله ايهاب يوم 7 مارس ارجو الدعاء له

    السيارة: mitsubishi Van ,Cherokee

    السيارة[2]: suzuki , lancer 89,charade

    الحالة : Mecha غير متواجد حالياً

    افتراضي -

    مش عارف ليه الناس في مصر ديما عندهم احساس بالحاجه والحرمان .حتي الطبقه المتوسطة منهم يعيشون في سكن معقول ويملكوا سياره ودخل معقول لكن الاحتياج وعدم الرضا موجودين .شعور غير متزن ازعم انه تاصيل لفترة الانفتاح.طموحات و النهم والجشع المسعور بدون توفر المهارات والقدرات لتحقيقها .استحقار الفقر والفقراء. .الفهلوه والانتهازيه والانحطاط . الانفتاح افرز اقذر واحط ما في النفوس قيح وصديد وعفن .ومن الغرايب ان دول الخليج مع انفتاحهم في السبعينات اخلاقياتهم لم تنحط وبردك ليبيا. ربنا يهدي


  3. #23

    الصورة الرمزية mesaharaty

    رقم العضوية : 7200

    تاريخ التسجيل : 09Mar2008

    المشاركات : 2,335

    النوع : ذكر

    الاقامة : القاهرة

    السيارة: مترو الأنفاق

    السيارة[2]: ٍSUZUKI MARUTI 2009

    الحالة : mesaharaty غير متواجد حالياً

    افتراضي -

    ردا على السؤال اللى هو رأس الموضوع ده :
    بالنسبة لى فأنا طول عمرى كنت أردد إنى عاوز بس أعيش مستور ومش محروم من حاجة يعنى شقة عادية حلو ، عربية عادية ألف بركة ، دخل عادى اللهم لك الحمدومش مهم يكون فيه أملاك أو شقق أو عمارات أو فلوس بالبنك أو ..... .
    الفكرة كلها إنى لما أعوز حاجة تبقى موجودة ومافيش مشكلة لو كانت بأقل القليل إتباعا للمقولة ( من رضى بقليله عاش) .
    والحقيقة إنى أحيان كتيييييييير أشعر بالزهد فى الدنيا وباقول لنفسى الحمد لله على كده أنا ماعرفش أعيش عيشة الأغنياء .
    وتستغربوا لو عرفتوا إنى أحيان كتير ممكن أخد بعضى وعلى ترب المجاورين وأقضى بعض الوقت مع نفسى لأهذبها وآخد العبرة من الموت .
    هى دى الحاجة الوحيدة اللى ممكن تخليك تعرف إن (كل حاجة متسابة ومتفاتة) والقناعة بما منحك الله من رزق ونصيب فى الدنيا هو إمتحان لك وبالتالى لازم نفسك تتهذب وتجبرها على التواضع .
    لا أزعم إنى وصلت لأعلى مستويات التواضع النفسى ولكنى لا أزال أحاول وأحاول علشان لو مشيت ورا الدنيا مش حاوصل لحاجة فى الأخرة .
    وقد أتفق أحيانا مع من يقول (إذا لم تكن الفلوس هى كل شىء فهى بداية كل شىء) لكن القدر القليل منها يكفى لنقول الحمد لله الحمد لله .
    تحس فعلا بقيمة الدنيا الضئيلة لما تدخل المسجد وتصلى المغرب وتقعد فى صفاء وإسترخاء فيما بين المغرب والعشاء تذكر الله وتتفكر فى ماهية الدنيا وما ينتظرك بعدها حسبما تعده لنفسك فيها .
    ربنا يهدينا لما فيه الرشد والرشاد .

    لما كلكم عاوزين تبقوا فتوات أمال مين إللى حينضرب


  4. #24

    الصورة الرمزية tkamal

    رقم العضوية : 91

    تاريخ التسجيل : 23Apr2007

    المشاركات : 584

    النوع : ذكر

    الاقامة : الرياض

    السيارة: نيسان

    السيارة[2]: كورولا

    دراجة بخارية: لا

    الحالة : tkamal غير متواجد حالياً

    افتراضي -

    علشان كده اللى مش مبسوط فى العالم هو اللى مش عايز يختار هو عايز يبقى ايه وسايب نفسه للظروف فغالبا بيبقى النموذج اللى هو مش حابه
    كلام من ذهب


  5. #25

    الصورة الرمزية 4fun14

    رقم العضوية : 140160

    تاريخ التسجيل : 10Apr2013

    المشاركات : 976

    النوع : ذكر

    الاقامة : مصر

    السيارة: لانسر شارك

    السيارة[2]: دايو لانوس

    الحالة : 4fun14 غير متواجد حالياً

    افتراضي -

    هحاول اجيب من الاخر عشان لو استرسلت هقلب على نفسى المواجع ويمكن تكسلوا تقروا..
    باختصار كده قله الفلوس هتخصم من السعاده
    لكن وفرتها مش ضرور تضمنلك السعاده
    ربنا خلق مواهب كتيير جدا الفلوس او الغنى احدهم بس عشان هي الحاجه الماديه الوحيده اللى ظاهره للناس فبتحس بالمشكله
    انما المواهب كتير..زى الذكاء-القوة-الصوت الحلو-الجاذبية-النفوذ-الجمال-قوه الشخصية-الذاكرة-الفن-الصفاء النفسي..متعدش يعنى
    بما انى تفكرت كتير جدا ف موضوع السعاده فلقيت انه هناك مثلث ذهبي يضمنلك السعاده الى حد كبير ..لو ضلع واحد من المثلث ده وقع هتعيش ف معاناة..
    الاضلاع بالترتيب:
    1- الصحة
    2- الحب
    3- المال
    لو كانت الحكاية كلها فلوس مكنتش هتلاقى واحد يدفع 1500 جنيه ف كشف طبيب نفسى عشان عنده اكتئاب
    ومكنتش هتلاقى اعلى نسب الانتحار في العالم متواجده في دولة غنية "السويد"


  6. #26

    الصورة الرمزية أبو آسر

    رقم العضوية : 129815

    تاريخ التسجيل : 29Sep2012

    المشاركات : 3,491

    النوع : ذكر

    الاقامة : Earth

    السيارة: Just one car

    السيارة[2]: Renault Logan 2013 Auto

    الحالة : أبو آسر غير متواجد حالياً

    افتراضي -

    اقتباس المشاركة الأصلية كتبت بواسطة mecha مشاهدة المشاركة
    مش عارف ليه الناس في مصر ديما عندهم احساس بالحاجه والحرمان .حتي الطبقه المتوسطة منهم يعيشون في سكن معقول ويملكوا سياره ودخل معقول لكن الاحتياج وعدم الرضا موجودين .شعور غير متزن ازعم انه تاصيل لفترة الانفتاح.طموحات و النهم والجشع المسعور بدون توفر المهارات والقدرات لتحقيقها .استحقار الفقر والفقراء. .الفهلوه والانتهازيه والانحطاط . الانفتاح افرز اقذر واحط ما في النفوس قيح وصديد وعفن .ومن الغرايب ان دول الخليج مع انفتاحهم في السبعينات اخلاقياتهم لم تنحط وبردك ليبيا. ربنا يهدي
    مع كامل احترامي لحضرتك لكن حضرتك عايش في أستراليا زي ما هو باين في بياناتك وبالتالي أدعوك للعيش في مصر لعام واحد فقط وحضرتك هتعرف ليه في مصر عندهم إحساس بالحاجة والحرمان وشعور بعدم الرضا
    الحياة في مصر تفتقر إلى أدنى مقومات الحياة الآدمية وفي نفس الوقت عيشة غالية ودخل محدود ، يعني علشان أركب عربية حقيرة تمنها 100 ألف جنيه محتاج إني أفضل أحوش من مرتبي اللي هنقول 3000 جنيه مثلا هحوش منه 1000 جنيه يبقى محتاج أحوش 100 شهر يعني 8 سنين وشوية ولما ال8 سنين يعدوا وأكون حوشت المبلغ هلاقي إن سعرها وصل ل150 ألف جنيه !! في حين إن العربية دي هي هي برة في دول الخليج مثلا سعرها لا يزيد عن 50 ألف جنيه مصري مثلا وحسب متوسط الدخل ممكن يجيبها خلال أقل من عام واحد
    مش هحكيلك بقى عن إن ال2000 جنيه الباقيين دول مفروض أدفع منهم إيجار شقة لا يقل دلوقتي عن 1500 جنيه في منطقة متوسطة المستوى مش راقية أقرب للمناطق الشعبية هيتبقى 500 جنيه مفروض أدفع منهم فاتورة كهرباء لا تقل عن 150 جنيه دلوقتي لو معنديش أي تكييفات ده غير الأكل والشرب لو قلنا هناكل عيش وجبنة طول الشهر يعني محتاج يوميا ما لا يقل عن 15 جنيه يبقى 450 في الشهر يعني كده المرتب راح وطبعا معملتش حساب لا أدوية ولا مصاريف مدارس ولا لبس ولا بنزين للعربية ولا أي وسيلة من وسائل الرفاهية
    وعلى فكرة أنا ضربت مثل بمرتب 3000 جنيه ده محدش تقريبا بياخده إلا فئة نادرة لكن متوسط المرتبات هنا بتدور ما بين 1000 - 2000 جنيه شوف بقى اللي بياخد المرتب ده بيعمل بيه إيه وبيعيش ازاي
    طبعا مقارنتك بين مصر ودول الخليج غير عادلة بالمرة لأن متوسط دخل الفرد ومستوى المعيشة مختلف كلية وبالتالي القياس فاسد جملة وتفصيلا
    اللي ايده في المية مش زي اللي ايده في النار

    Freelancer Web Designer & E-marketer
    ( --- جــمــيــــع مــوضــوعـــاتـي --- )


  7. #27

    الصورة الرمزية eslamrace

    رقم العضوية : 33348

    تاريخ التسجيل : 18Feb2009

    المشاركات : 1,869

    النوع : ذكر

    الاقامة : alexandria

    السيارة: ........

    السيارة[2]: bmw 318I e46

    دراجة بخارية: ........

    الحالة : eslamrace غير متواجد حالياً

    افتراضي -

    اقتباس المشاركة الأصلية كتبت بواسطة mahmoud naguib مشاهدة المشاركة
    eslamrace طيب حضرتك هنا لي اتكلمت على الناس اللي هي ف الأساس غناها فاحش !!
    ض
    خالص انا اديتك فرضيتين لموظف وصاحب بيزنس مش غنى فاحش ولا حاجه انا بكلمك عن حد اختار كه التجاره والبزنس وهو فى بدايه نجاحه
    لو اتكلمنا على حد مثلا بياخد 8000 جنيه ف الشهر هتلاقيه يقدر يعمل كل ده وأكتر !
    وبرضه هيبقى شغال ف شركة 8 ساعات مثلا وبيتبقاله وقت يعمل فيه اللي هو عايزه مع أسرته وعيلته
    ومعاه يحوش ويعمل مشروع خاص ممكن يجيب محل ويأجره ويريح دماغه من أي مشاكل وهياخد فلوس حلوة من غير ما يتعب !!

    لا اللى بياخد 8000 جنيه مش حيقدر يعمل كل الحاجات دى لانه اللى انت بتتكلم عنه هو النموذج التانى اللى انا كلمتك عنه "الموظف" ولكن بعد مده فى الشغل او صاحب موهبه بتخليه ياخد الرقم ده وده فى خد ذاته اختيار "انه اختار انه يكون موظف " حتقوللى ليه مش حيقدر يعمل كل الحاجات دى اقولك لان اللى انت بتفكر فيه غير الواقع لانه بالمرتب ده حتظهرله احتياجات جديده انت مش واخد بالك منها
    خلينى اديك مثال شخص معرفه شغال قبطان بحرى دخله فوق 15000 جنيه شهريا ومع ذلك بيشتكى ان المرتب ده مبيكفيهوش ازاى ده عنده 3 عربيات "هو وزوجته وواحده للاولاد " والاولاد مدارس انترناشيونال بتتكلم فى ارقام هلاميه كمصروفات احتياجات للاسره من نادى وخلافه ولذلك هو مش بيستمتع باى حاجه لانه شغال على طول وبالرغم من كبر سنه الا انه ميقدرش يسيب الشغل لانه احتياجاته لو توقف الدخل مش حيقدر يسدها
    ففى المثال بتاعك هو اه بياخد 8000 وشغال 8 ساعات وبيقعد مع اسرته واولاده بس مش حيبقى معاه فائض يعمل بيه مشروع او يستثمر فلوسه لان السيوله اللى معاه بتبقى ارثه لاولاده وخايف عليها جدا

    خدها مبدأ محدش حياخد كل حاجه مستحيل لا فى مصر ولا بره مصر


    المشكلة الكبيرة هنا ف التضخم اللي احنا عايشينه استهلاك عالي بأسعار عالية مع مرتبات ضعيفة جدا ولآمبالاة من الحكومة !!
    طيب عندك حق التضخم شئ بشع جدا هنا وبره بس انت ليه مبتفكرش ان "صاحب البيزنس النموذج الاول" بالنسباله التضخم فرصه استثماريه لانه اى حاجه بيجيبها حتى لو سعر شرائها عالى هو فى يوم ما مع التضخم حيكسب فيها وسعرها حيعلى "سواء بضاعه او عقار او مشروع او منقول"
    عارف ايه اللى بيخسر مع التضخم المنتجات الاستهلاكيه وعلشان كده ولان المصريين من اكتر الشعوب استهلاكيه فاحنا من اكتر الشعوب خساره لان كل مشترياتنا استهلاكيه ومع ذلك الخساره دى فيها طرف بيكسب مين "صاحب البيزنس" يبقى هو بيدى الموظف مرتبه باليمين "نظير عمله" ويرجع ياخد جزء منه كمشتريات بالشمال وهكذا

    اما بالنسبه للحكومه عارف مشكله مصر بقالها 50 سنه ايه انها مش مقره نظام يعنى انت تقدر تقول مصر اشتراكيه ولا راسماليه مستحيل وعلشان كده احنا عايزين الحكومه توفر كل حاجه وفى نفس الوقت تسينا نعمل اللى احنا عايزينه ونكسب فلا الحكومه عارفه توفر اللى احنا عايزينه ولا الناس عارفه تكسب
    فالوضع حيفضل كده شويه فحاول تتأقلم وتبص على الفرص فيه واستغلها


    ياريت منربطش بين شخص عايش عيشة كريمة وانه مريض ومش مرتاح ولآ مبسوط وطول الوقت مهموم ومريض وحياته كئيبة !!
    الواحد نفسه يوصل ولو لأقل درجة من الحياة الكريمة يلاقي شقة كويسة ومواصلات حلوة عيشة هادية شوارع نضيفة مستشفيات حلوة مدارس كويسة تعليم جيد !!
    حقك تعيش عيشه كريمه وده تقصير من الدوله ومننا احنا كمان فمتخليش الصوره السوده اللى موجوده واللى كلنا متفقين على وجودها تسيطر على فكرك علشان متيأسش زى الغالبيه العظمى فى مصر
    اخيرا حاول تتأقلم مع اى حاجه حواليك ولعلمك العالم كله متنيل والتحديات هنا حتلاقى غيرها بره والفرص هنا موجوده زى بره بس بره شكلها احلى ولكن اتكلم مع اى شخص نجح بره حتلاقيه اتمرمط بشكل او بأخر عارف الفرق الوحيد ايه بين هنا وبره ان بره الصوره حلوه زى مبيقولو فيو حلو شوارع نظيفه نظام كويس ولكن برضه صعوبات بالهبل فمش بمجرد انك بقيت امريكى ولا كندى ولا استرالى انت بقيت ناجح بالعكس انت ممكن طباعك تخليك تنجح هنا ومتنجحش بره
    حاول تشوف فرصه سفر بره "زى كل الناس" بس وانت بتعمل كده امشي فى سكه تكون انت مختارها ودارس عواقبها والتوفيق بتاع ربنا .
    تحياتى ليك.
    اقتباس المشاركة الأصلية كتبت بواسطة باسم يوسف مشاهدة المشاركة
    لو الواحد معاه فلوس زي الزر ... ايه اللي يقعده في البلد دي اساسا ؟؟؟
    علشان بيعرف يعمل فلوس مبيعرفش يعملها بره وبيقدر بالفلوس دى يعيش هنا عيشه ميقدرش يعيشها بره .

    http://store2.up-00.com/2015-11/1448722430351.jpeg

    my new car


  8. #28

    الصورة الرمزية Mahmoud Naguib

    رقم العضوية : 148195

    تاريخ التسجيل : 06Sep2013

    المشاركات : 451

    النوع : ذكر

    الاقامة : Nasr City

    السيارة: لآ توجد

    السيارة[2]: لآ توجد

    الحالة : Mahmoud Naguib غير متواجد حالياً

    افتراضي -

    Mecha أستاذي الفاضل كلامك هجومي وحاد جدا ولآ أقبل به بحال !!

    أستاذ أحمد كمال كلامك كله أنا مقتنع بيه ونفسي أعمله بس مش عارف !!
    يعني نفسي أبقى قنوع وآخد السلم واحدة واحدة بس مش عارف أطبق ده فى حياتي !!
    ياريت لو تعرفني ازاي !؟

    أستاذ 4fun14 انت ذكرت المال والصحة والحب وأحب أضيف عليهم الإيمان بالله وده أهم عنصر واللي منه بتيجي الإجابة على استنتاجك بمواطني السويد !

    أنا معنديش حاجتين المال والحب بس عندي إيمان بالله وصحتي كويسة الحمد لله ودول أهم عندي من أي حاجة تانية !!

    Real Estate Broker & Agent
    New Cairo & Rehab City
    01111156170 - 01000046107


  9. #29

    الصورة الرمزية 4fun14

    رقم العضوية : 140160

    تاريخ التسجيل : 10Apr2013

    المشاركات : 976

    النوع : ذكر

    الاقامة : مصر

    السيارة: لانسر شارك

    السيارة[2]: دايو لانوس

    الحالة : 4fun14 غير متواجد حالياً

    افتراضي -

    اوكاي بس انت حاسس بمشكله بدليل الموضوع اللي انت كاتبه واحساسك ان الفلوس هي كل حاجه.. بالمناسبه الحب مش بس انت يبقالك بنت تحبك.. احساسك انك محبوب والناس بتسأل عليك ولما تباه ف ضيقه ليك صحاب يسندوك.. لما تغيب الناس تلاحظ غيابك ويحسوا اللمه ناقصها حاجه من غيرك.. كل ده تحت بند الحب..
    بصراحه لا اعتقد ان العامل الايماني يقدر يعوض غياب احد الاضلع التلاته دي وان كان بيقي من حدة الصدمات


  10. #30

    الصورة الرمزية Anaslbda

    رقم العضوية : 136214

    تاريخ التسجيل : 09Mar2013

    المشاركات : 612

    النوع : ذكر

    الاقامة : Agouza

    السيارة: ..

    السيارة[2]: Peugeot 307

    الحالة : Anaslbda غير متواجد حالياً

    افتراضي -

    hasad">

    خلّي عينك على هدفك وان شاء الله هتوصل, بكره يبقى معاك حتّة c180 وتطلع من كايرو جاز على TIU على السخنه في يوم واحد. تشاو.

    http://www.nilemotors.net/Nile/signaturepics/sigpic136214_1.gif
    .Regret Nothing



 
صفحة 3 من 7 الأولىالأولى 1 2 3 4 5 6 7 الأخيرةالأخيرة

المواضيع المتشابهه

  1. $ $ $ $ طالما معاك عربيه يبقى انت اكيد غني ومعاك فلوس كتير $ $ $ $
    بواسطة DODGE2013 في المنتدى المنتــــــدى الاجتمــاعى
    مشاركات: 8
    آخر مشاركة: 13-05-2014, 02:05 PM
  2. لو معاك عربيه ومحتاج فلوس اقرا الاعلان ده
    بواسطة samyamar في المنتدى بيـــع و شــــراء
    مشاركات: 55
    آخر مشاركة: 03-10-2011, 04:30 PM
  3. لو معاك فلوس هتشتري من نفس الشركه ولا هتنوع؟
    بواسطة shaddadfalcon1 في المنتدى المنتــــــدى الاجتمــاعى
    مشاركات: 7
    آخر مشاركة: 22-09-2010, 02:26 PM
  4. لو معاك فلوس تشتري شقه في مكان راقي ولا فيلا في مكان اقل؟
    بواسطة shaddadfalcon1 في المنتدى المنتــــــدى الاجتمــاعى
    مشاركات: 39
    آخر مشاركة: 17-03-2010, 08:14 AM

الكلمات الدلالية لهذا الموضوع

المفضلات

المفضلات

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

Content Relevant URLs by vBSEO 3.6.0 PL2