حد جرب زيت كاسترول ف الافيو ينصحني..؟

**ahmed** · 18-04-2015 09:02 PM

انا عربيتي افيو 2007 عامله 105 الف متعود احط موبيل وان 10000 دايما مغيرتوش خالص
ناس كتير شكرت ف كاسترول ..قريت ولاقيت في كاسترول ايدج وماجينتك ومعرفتش اني الانسب للعربيه واغيره علي كام الف. اللي ليه خبره ياريت يفيدني وشكرا

**hossam_elwani** · 19-04-2015 01:56 AM

احسن مليون مره من موبيل وحتحس بفرق

**tarektop** · 19-04-2015 06:31 AM

طيب كاسترول ولا فالفولين ؟
اية الافضل ؟

**ahmed** · 19-04-2015 06:00 PM

طب احط كاسترول ايدج ولا ماجنتك

**hossam_elwani** · 19-04-2015 07:12 PM

ماجنتيك اعلى على حد علمى

**drmagieed** · 20-04-2015 09:48 PM

المشاركة الأصلية كتبت بواسطة hossam_elwani

ماجنتيك اعلى على حد علمى

إيدج أعلي من ماجنتك لأنه تخليقي بالكامل أما ماجنتك فنصف تخليقي

**hossam_elwani** · 21-04-2015 02:13 AM

المشاركة الأصلية كتبت بواسطة drmagieed

إيدج أعلي من ماجنتك لأنه تخليقي بالكامل أما ماجنتك فنصف تخليقي

شكرا على التصحيح

**borio1704** · 07-05-2015 12:02 AM

l
معلش يا إخواني الأعزاء..

لما بتقولوا كاسترول أحسن من موبيل 1 بمليون و2 مليون مرة... الكلام ده بناء على إيه؟؟؟

تجاربكو الشخصية؟؟.. هو حضراتكو قررتوا إن كاسترول مناسب لعربياتكم كده.. من غير أي مرجع ولا دليل؟؟

ثم حضراتكم بتتكلموا على أنهي موبيل 1 وأنهي كاسترول؟؟

موبيل 1 موجود منه 3 أنواع بشكل رسمي في مصر.
.. وكاسترول فيه منه 3 أنواع GTX معدني .. وماجناتك شبه تخليقي.. وإيدج تخليقي... وكل واحد كنهم تحت منه درجتين تلاتة لزوجة ومستويات خدمة مختلفة.

كل المسألة إن موبيل 1 مش مناسب لعربيات كتير في السوق المصري.. وأغلب العربيات اللي تمشي معاه كويس هي العربيات الألماني

الياباني والكوري مش هيبقوا مستريحين عليه.. طبعا .. المسألة كلها مواصفات مش مناسبة.

المعلومة المؤكدة بالنسبالي إن موبيل 1 يكاد يكون الزيت الوحيد في السوق المصري اللي يعتبر تخليقي فعلا ( من المجموعة 4 ).

باختصار المشكلة فينا ﻹننا بنجرب بدون الرجوع لكتالوج السيارة.. ونرجع نزعل علشان الزيت طلع وحش.

يا ريت نرجع لكتالوج السيارة اللي بيقول لنا إيه مواصفات الزيت المناسب

ولو حضراتكو عايزين تعرفوا كيفية التفريق بين الزيوت وطريقة الاختيار الصح.. أرجو الدخول على الموضوع ده

http://www.nilemotors.net/Nile/341680-a.html

...