تعديل اطار الالتو

**volociximab** · 19-04-2015 01:53 AM

انا جديد فى موضوع السيارات لكنى مهتم

سيارتى التو 2009
هذه السيارة الصغيرة غير ثابته على السرعات فوق 80(هذا واقع) العربية كانت هتطير منى من فوق طريق دائرى بالرغم من انى لا اتعدى بل لا اصل الى سرعة 100 كم فى الساعة
و حدفت منى فى منحنى و ربنا ستر و الحمد لله

طبعا الاطارات صغيرة و الجنط 13

قرأت موضوع هنا عن ثبات السيارة استنتجت منه انى لو رفعت الى جنط 14 فالسيارة سترتفع اكثر عن الارض و بالتالى ثباتها سيقل

فقررت اغير الى نوع اطارات اعرض
عرض الاطار عندى 145 او 155 مش فاكر فقررت ارفع الى 165/65

و بحثت على النت و اعجبت بهذا الاطار خصوصا انه ماركه معروفه و احد التعليقات بالاسفل يقول انه ممتاز لسوزوكى ألتو
http://www.blackcircles.com/catalogu...&tyre=10941263

فيه حاجه قلقانى الا و هو رقم 65 هل هو رقم مقلق بالنسبة لسيارتى؟؟؟--هناك اطار من شركة بيريلى 55 لكنه غالى جدا

و ما رأي خبراء الألتو بفكرة تغيير الاطار؟

و جزاكم الله خيرا

**Abo_Mazen** · 19-04-2015 09:13 AM

نصيحه من أخوك ..أنا لسه مغير كاوتش من شهرين ...ولما جيت أغيره كنت عايز أعرض وأنزل بالإرتفاع شويه ..التاجر اللي انا بشتري منه أو الشركة اللي أنا إشتريت منها إن صح التعبير فيها مهندس شاب محترم قوي ..قالي بص ..المقاسات اللي مكتوبه عندك على القايم هي اللي هنلتزم بيها ومش هنخرج عنها ..المهم بص عندي على القايم ملقاش غير مقاس واحد بس هو اللي المكتوب وهو اللي راكب فيها فعلا ..قالي خلاص ..الصح إنك ما تخرجش عن المقاس ده ..قلتله ماشي ..وقد كان ..وسبحان الله ..بعديها علطول قريت مشاركه هنا لواحد ركب كارتيرات في الألتو والكارتيرات بتحك معاه في الملفات ..وبعدين على صفحه من صفحات الفيس بوك ..صفحه من صفحات السوزوكي التو على الفيس ..واحد برضه غير مقاس الكاوتش وحصل معاه مشكلة إن الكاوتش بيحك في المطبات ..هي العربيه دي مشكلتها إن فخدها ضيقة ..وتحسها معموله يدوب على قد الكاوتش وبس ..عشان كده لا تكبر ولا تصغر ..إسمع مني وده من تجارب ناس تانيه ...وبعدين هي ثباتها مش رايح في مصيبه قوي كده يعني ..يعني هي لغاية 110 أو 120 يعني معقوله ..ماسكه نفسها ..لكن لو على السرعات اللي بتقول عليها دي اللي هي 90 و 100 وبتعوم وبيحصل مشاكل لدرحة إنها تحدف منك ..يبقى أنا شايف إنك تبص بصه على العفشه عندك ..مش هتخسر حاجه برضه

**omar_saad** · 21-04-2015 12:10 PM

سيدي الفاضل -- السيارة التو معي من 3 سنوات تقريبا -- في اسوأ حالات الكاوتشات فهي ثابتة يمكن لحد 120 كمان --
مقاس الكاوتش الاصلي هو 145-70-13
والسيارة بتنزل بكاوتش جوديير وهو كاوتش ثابت فعلا علي السرعات و لكن يعيبه ان ناشف في المطبات وليه صوت عالي علي الطريق اثناء السرعة - انا لسة مغير كاوتش الاسبوع اللي فات:
جي تي 155-65-13 --- طبعا الكاوتش ده اعرض شوية صغيرين - و لما الكاوتش بيكون اعرض بيزيد ارتفاعه -- عشان كده خلينا رقم 70 يبقي 65 -- و بكده ادانا نفس ارتفاع الكاوتش الاصلي بالضبط - و انا حطيت الكاوتش الجديد جنب القديم قبل التركيب و اتاكدت من ده -
المهم -- بعد تركيب الكاوتش تم عمل "ترصيص" -- و بعدها اخدت العربية و روحت عند بتاع زوايا كمبيوتر و ظبط الزوايا -- النتيجة و لله الحمد كما تمنيت -- الكاوتشات دي مرونة افضل -- في المطبات افضل بكتير -- الصوت بتعها مش عالي علي الطريق -- و الاهم و لاول مرة -- جبت بالعربية علي طريق مصر الاسماعيلية الصحراوي منذ ايام سرعة 160 -- وده كان علي سبيل تجربة الاطارات ليس اكثر -- واعتقد كده جابت اخرها في السرعة -- و الحمد لله -- الثبات معقول ايضا.
لو هاتغير كاوتش -- متزودش عن العرض ده -- و كمان خليه 165 و ليس 70
عربية حضرتك محتاجة تظبيط زوايا لان هاتلاقي من قدام العجل مفتوح لبرة بزاوية صغيرة و ده بيعوم العربية علي السرعات --
بالتوفيق ان شاء الله