ابيزا 2009 بـ 60000 أزاى ؟؟

**tad** · 19-04-2015 03:34 AM

قدامى ابيزا 2008 شكلها طبعا من بره هايل مافيهاش غلطه بس طبعا لسه هاكشف عليها هيا سعرها 68 الف.. تنصحونى بيها ولا فيها مشاكل وسعرها كده مناسب ولا لأ وايه احسن الاماكن اللى ممكن اكشف فيها وبالنسبه لـ ابو السعود (الشركه المصريه لفحص وتقيم السيارات) حد سمع عنه وهوه كويس ولا لأ... العربيه من واحد عنده معرض فى المعادى وشفتها معاه فى سوق السيارات ده معناه انه تاجر وممكن يكون في العربيه اى حاجه ومداريها بحرفنه؟؟
اخر سؤال هيه ليه اسعار الابيزا غريبه قوى سعات.. يعنى ممكن الاقى ابيزا 2009 بـ 60000 واحد فى حلميه الزيتون بس انا بصراحه شكيت فا خدتها من قصيرها ومافكرتش فيها حتى بس ايه الحكايه كذا حاجه للابيزا بالذات الاقيها بالشكل ده.. اشمعنا الابيزا؟؟ بيتلعب فيها كتير؟؟ متاخد منها حاجات ومتغيره بتقليد؟؟ انا مش فاهم!! وناس تانيه بتبعها بعد ما قعدت سنه معاها يعنى مالحقتش؟؟
ياريت توضحولى الكلام ده واتمنى ماتزهاقوش من كتر الاسئله وشكرا

**SYD** · 19-04-2015 05:10 PM

بص يا باشا
خلينا نتفق في البداية علي ان العربيات الأوروبي عموماً والألماني تحديداً سعرها بيكون علي حسب الحالة
وكل واحد بيقيم عربيته بالسعر اللي هو شايفه مناسب ليها

الأبيزا 2006 - 09 سعرها بيترواح بين 60 لحد 70 و 75 كمان
حسب الحالة والكماليات وناقل الحركة
العربية نزلت علي 3 فئات
مانيوال 1.6
اوتو 4 غيار 1.6
اوتو 6 غيار تيبترونيك 1.6

وبالتالي هتلاقي تفاوت اسعار كبير بين الـ3 موديلات
الفيصل النهائي هو الحالة حتي لو صاحبها عرضها بـ25 ألف
المهم الحالة ثم الحالة ثم الحالة

تحياتي

**SYD** · 20-04-2015 08:39 PM

بص يا باشا
مفيش حاجة بتستخبي - اقصد كحالة
انت هتكشف كويس اوي علي الحديد والصاج والصالون - والمحرك
مش مهم الكيلو متر لو الحالة العامة نظيفة
هتكشف كمبيوتر ولو لقيت اي ايرور ماتستهونش بيه

اما عن مكان الكشف فبصراحة مش هقدر افيدك
لكن المحطات اللي بتكشف كتير اوي وماتشغلش بالك

تحياتي

**kyrillos** · 27-04-2015 01:17 PM

بص يا باشا أنا معايا ابيزا 2006, مبدئيا بعتذر انى برد متأخر قوى
زى ما أستاذ سيد قال, العربية نزل منها مانيوال وأوتوماتيك 4 نقلات 1400 cc 16 صباب (اللى معايا بقالها سنتين)
وتقريبا نزل بعدين اوتوماتيك 6 نقلات 1600

60 الف ده قليل قوى على 2009, ضرورى فيها حاجة, ونصيحة شخصية بلاش تسترخص فى الالمانى
العربية ممتازة واعتمادية الى ابعد الحدود, بس قطع الغيار مش رخيصة ومش غالية قوى, بس اللى بيفهموا فيها فعلا قليلين جدا وعاملين نفسهم دكاترة
المشكلة الفعلية الصاج والكماليات الاستيراد فى الحرفيين بتتعامل كأنها قطع دهب ومجوهرات, وبتضطر تتعرض لاستغلال بشع ومستفذ, بخلاف كده, العربية دى تعملها صيانة فى المعاد, ومتسألش فيها