ايه رائيكم فى العربية دى بصراحة ؟

السلام عليكم
كنت عايز اعرف بعد اذن حضرتكم رأيكم فى العربية الجراند شيروكى ليمتد موديل 2000
8 سلندر 4700 سى سى خاصة على خلاص على وشك شراءها مع العلم ان سعرها 160 الف وهى هاى لاين فتحة سقف وكافة الامكانيات العربية وصاحبها مغير التارة بـ ابانوس من الخارج ومركب سبويلر ومركب سينسور بارك خلفى ومغير الكاست بكاست سى دى اورجنال
العربية رشة فقط خارج بالكامل ما عدا السقف ........... ومن الداخل العربية فابريكا ومفيهاش الهواء
وكافة الامكانيات شغالة والتكيف ثلاجة ولون السيارة اسود والفرش من الداخل بالكامل بيج
وبها زجاج فاميه " الاسود الاصلى" مثبت على الرخصة والعربية ماشية 155 الف كيلو
هل سيارة دى عموما بها عيوب متنشرة او قطع غيارها غالية ؟ وهل سعرها كده مناسب وهل فعلا هتحرق بنزين بشكل رهيب وتعمل كام كيلو بالتقريب فى الصفيحة مع المشي العادى ومع التكيف ؟ وايه افضل مكان اكشف فيه على العربية فى القاهرة ؟
فى انتظار رد حضرتكم

الموديل ده بالتحديد ملوش مشاكل من افضل ما انتجت جيب المهم تكشف عليها فمركز معتمد لأن الدفع الرباعى لازم متخصص جيب يكشف عليه وقصة البنزين طبعأ بتستهلك زي اي عربيه جيب 8 سلندر بس مش زي ما انت متخيل وطبعآ لا تقارن بال1600 سي سي الاكثر انتشارأ فى مصر لكن هي كعربيه ركوبه بجد

لعربية دى من اقوى العربيات الجيب بس السعر غالى شوية عليها ممكن بالسعر ده تعلى الموديل شوية لـ ٢٠٠٣ مثلاً - بالنسبة لقطع الغيار متوفرة مستعمل وجديد بس اللى ماشى المستعمل خصوصاً فى بعض اجزاء العفشة زى المقصات لأن المقصات الجديدة اللى فى السوق تعبانه قوى - هى بس حاتغلبك شوية فى العفشة بتاعتها فلازم تكشف عليها كويس وخصوصاً العفشة وطبعاً الموتور والكوارين والبودى والكهربا - فيه واحد اسمه محمد عبد الوهاب فى القاهرة ده احسن واحد شغال فى العربيات دى بس بصراحة معرفش مكانه - استهلاكها للبنزين عالى بس تستاهل التضحية بصراحة - بتعمل فى حدود ١٠٠ : ١١٠ كم فى الصفيحة جوه البلد وعلى الطوالى حوالى ١٤٠ كم

باقى قطع الغيار زى تيل الفرامل والطنابير والمساعدين فأسعارهم جديدة كويسة جداً واقل من عربيات كتير