العربية مرة واحدة وانا ماشى وجيت اضرب فرامل لقيت العربية بترعش جامد وهى واقفة وعلى السلانسية وفى بداية الطلعة رحت كشفت عليها لاقيتها موبينة رحت سألت عليها لقيتها ب 580 جنيه انا اول ما سمعت الرقم حصلتلى صدمة سألت فى كذا مكان لقيتها بنفس السعر قولت بقى اجيبها استيراد رحت لواحد اسمه البطل فى شارع العشرين قالى علشان خاطر انت جاى من طرف واحد عزيز عليا ودى ساعة اصباحة يبقى 350 جنيه ....... ايه يا عم الاسعار دى قالى والله علشان ساعة اصباحة لو جتلى شوية كده كنت هحسبهالك ب 400 جنيه قولتله لا يا عم مش عايزها ... رحت بقى اشتريتها من محل نوعها هيونداى موبيس جديدة ب 175 جنيه ... وأنا عارف ان الموبيس برضه حاجته كويسة وتعتبر بعد الأصلى مباشرة .....
دلوقتى لما موبينة توصل وهى استيراد ل 400 جنيه امال لو حد حب يجيب حاجة كبيرة هيبيع اللى وراه وقدامه ؟؟؟؟