الموضوع: حكايتي مع مرور مصر الجديدة لفحص وتجديد رخصة العربية

-[gdwl]

بسم الله الرحمن الرحيم

[/gdwl][bor=#1100ff]

- الموضوع كله من البداية إلى النهاية تم بفضل الله وحده .

[/bor]

- ظبطت العربية بالكامل (شديتها من الألف الى الياء) – (وصرفت دم قلبي )
- اخذت اجازة من شغلى انهارده للانتهاء من الأزمة والصداع اللى كان في دماغى من قلق المرور (كان طالعلى كالووو في دماغى ).

- المشوار بدأ كالتالى :
طلعت على النزهة (المرور القديم ) أطلع شهادة مخالفات 10 ج (يكون معاك أصل الرخصة + البطاقة + عقد البيع )
ذهبت الى مرور مصر الجديدة (المرور بتاعى ) في تمام الساعة 8 ص , وركنت العربية في الفحص الفنى.
دخلت المرور واشتريت ورق الفحص والتجديد بـ 45 ج وركنته معايا ف العربية .
رجعت لمهندس الفحص أخد رقم الشاسيه والماتور .
والمهندس بص على العربية وقاللى روح أدفع التأمين + واعمل استعلام أمنى + واكشف على الطفاية , وهات مثلث وشنطة الاسعافات الأولية وتجيلى تانى .
سمعت كلام المهندس ودخلت المرور :
روحت ادفع التأمين سنتين بـ 220 ج
روحت عملت استعلام أمنى وأخدت ختم قائد الوحدة .
كشفت على الطفاية (سليمة بحمد الله) (هناك بتتباع بـ 148 ج )
المثلث وشنطة الاسعافات الأولية كانوا معايا (هناك بيتباعوا بـ 75 ج )
رجعت للمهندس ختملى على ورقة الفحص , وقاللى كمل ورقك بقي في المرور .
دخلت المرور بقى يارجالة والزحمة بدأت , ماشي موش مهم ,والحر مدهش... ( ربنا معانا )
دخلت على الموظفة الخاصة بتجميع الملف ودفع الضريبة , وسلمتها الآتى : عقد بيع السيارة بإسمي + ورقة التأمين + ورقة الفحص + ورقة الطفاية + ورقة المثلث والاسعافات الأولية + صورة بطاقتى + صورة بطاقة البائع + صورة الرخصة والأصل . وقالتلى روح أدفع الضريبة سنتين وهاتلى الوصل ... روحت دفعت الضريبة 475 ج وسلمتها الوصل , وقالتلى انتظر ياأستاذ .
انتظرت وانتظرت وانتظرت والحمد لله نادوا على اسمي في شباك تسليم الرخص : وأخدت "تصريح تسيير ملاكي " بدلا من "رخصة تسيير ملاكي " , ومكتوب عليه من الخلف ( تصريح للملف الأصلي) .
- أى استفسار .. أنا جاهز للرد .. عقابلكم جميعاً .

تسلم ايدك

تقرير لذيذ ومعلومة جديدة

شكرا