شرفت يا باشا
انا عينيا ليك في اي وقت
عرض للطباعة
شرفت يا باشا
انا عينيا ليك في اي وقت
تسلم عيونك يا باشا ربنا يبارك فيك
أنا سمعت ..ولو أنا غلطان حد يصححلي المعلومة ..سمعت إن عمرة المكنه ال 1000 سي سي فاشله ..وإن المكنه ما بتتعمرش ..وإن اللي ممكن يتعمر المكنه 1400 الإنجيكشن ..الكلام ده كنت قريته هنا في المنتدى
مع احترامي للي كاتب الكلام دة
لا الـ1000 ولا الـ1400 بيعمروا
مكن فولكس لا يحبز فيه التعمير
اللي ممكن تعمر ابتداء من 1.6 البلوكة الزهر
بس بشرط توفر قطع غيار اصلية وصنايعي شاطر وخراط شاطر
خلاف ذلك - يبقي التسقيط هو الحل
تحياتي
السلام عليكم و رحمة الله و بركاته
كيفكم أصدقاء سيات الكرام
طيبتم بكل خير و ود
أحب اعرفكم اني سقطت موتور بولو 1400 سى سى شورت بلوك بس ف الاغلب أخدت كل حاجه ف الموتور الجديد
أخدت ديسك و اسطوانه و بلية الدبرياج و شجره المياه كامله و الرشاشات و حساس المانفو بس
و الكنترول بتاع الموتور 1000 بتاعي اشتغل ع الموتور الجديد و الحمد لله سقطت ف المنصوره عند عبد الله الميكانيكي
و جيبت الموتور من عند محمود السوليه ف نفس الشارع بتاع الميكانيكي و الناس كانت متعاونه معايا لقصي درجه ممكنه
و الحمد لله شغلنا الموتور و صوته جميل بس لما أخدت العربيه و روحت بيها مسافه 35 كم الشد و العزم حلو و العربيه عايزه تجري معايا بس انا مش عايز اضغط عليها و ماشي بيه 75 كم / الساعه بس بطلت معايا 3 مرات و انا ماشي لما كنت بمور عشان المطب بس مش عالطول كانت بتبطل الطريق مليان مطبات م المنصوره لحد ميت غمر بس هي بطلت 3 مرات معايا و كنت عايز أعرف تبطلها دا عادي عشان برضك الموتور مركون م زمان و هايعمل معايا حوارات لحد ما أعمل السيرفيس بتاعه بعد 500 كم و لا الموتور كدا فيه حاجه
الف مبروك يا باشا الموتور الجديد
التبطيل دة عادي
مجرد ظبط
بس مش هتعرف تظبط غير لما تعمل سيرفيس وتغير زيت وبوجيهات وفلاتر وتنظف بوابة وترجع تاني تتشيك كمبيوتر وتعمل ريست للكونترول
تحياتي
الله يبارك فيك يا باشمهندس محمد
و الله انا سفرت اليوم مصر بالعربيه الفرق كبير و ملحوظ
مع اني ماكنتش قارص ع العربيه انا كنت ماشي 75 او 80 كم
بس حاسس ان العربيه فاقت كتييير الحمد لله و انا كلمت
م/ ايهاب منصور فون و شرحت له كل حاجه معايا و الله يبارك فيه
طمني كتير ة ان شاء الله هاعمل السيرفيس بعد 500 كم و نشوف
الدنيا هاتبقي عامله ايه تحياتي لكم جميعا
لو سمحت يا باشمهندس محمد دلوقت بالنسبه لورق الموتور الجديد
الراجل بيقولي هايجهز كمان اسبوعين بس بيقولي ان الافراج الجمركي
جاي ع مرور المنصوره و عشان يتنقل مرورك هاتدفع 150 ج الكلام
ده صح و لا بيشتغلني
و ايه بالضبط اللي اعمله و اخده منه.
هتدفع ال150 جنيه
هتاخد تليفون المخلص الجمركي وتتابعه بالتليفون عشان يديك رقم الصادر
تحياتي
معني كدا انهم مش بيشتغلوني يعني ادفع لهم الفلوس
و هما ينقلوا ورق الموتور م مرور المنصوره لمرور ميت غمر
و بعد كدا اروح مرور ميت لمر و اتعامل معاهم هناك
تمام كدا يا باشا
شكرا لحضرتك يا باشمهندس