العربية كان فيها خبظة في الرفرف رحت عشان اشوفها تتكلف كام قالولي في حدود 400 جنية قولت اوديها التوكيل احسن و شغل انضف المهندس قالي الرفرف لازم يتغير و سعره هيكون في حدود 500 قلت مش مشكلة انا مأمن مع كونتكت فوديت العربية و سألت المهندس العربية هتخلص امتي قالي بالكتير 10أيام الكلام ده كان يوم 19/10 يعني بقالها 23 يوم و كل ما اتكلم اسأل عليها يقولولي الرفرف لسه مجاش لغاية ما رحت النهرده و اتصدمت لقيت العربية راكب فيها الرفرف القديم زي ما هي بس متصلح سمكرة و اخد معجون لما كلمت المهندس قالي انا ما كنتش موجود امبارح تلائيهم صلحوه بالغلط انا هخلي الصنيعيه يشيلو القديم و يركبوا الجديد
و علي فكرة العربية هتتكلف 2000 و شوية عشان خبطة الرفرف دي و كام خربوش تاني
انا بصراحة مش عارف اتعامل معاهم و اعمل ايه وهل هيبان اذا كان الرفرف اللي حظوه الجديد و لا القديم
معلش طولت عليكم بس بجد انا من ساعت ما لقيت الرفرف القديم راكب و متصلح جالي اكتئاب و حسيت ان بيضحك علي
انا مش معترض انه يتصلح انا معترض انه لما هو كان ممكن يتصلح من الاول قالي ما ينفعش لية و استنيت 3 اسابيع علي الفاضي عشان الجديد يوصل