الموضوع: أرجو النصيحة...صني 2015 مؤمن عليها

المشاركة الأصلية كتبت بواسطة mohamedkuwaiti

السلام عليكم...
أنا لسه جديد في المنتدى ، لكن متفائل جدا إني ألاقي المساعدة
معايا nissan sunny 2015 n17
أول يوم ليها نزلت لقيت واحد ربنا يسامحه نازل جايبلي العربية من الباب الأمامي للرفرف الخلفي ،
قولت الحمدلله أخدت العين ، والحمدلله مفيش فيها بوهيه وبسيطة أسيبها شوية...
اليوم بعد مرور 4 شهور العربية أخدت خبطة في الرفرف الخلفي ناحية السواق
الحمدلله على كل حال...
طالب النصيحة أخلي التأمين يصلحلي داخل توكيل أحمد مرعي العالمية في إسكندرية ، والطبيعي طبعا إنه هيستسهل ويغير حاجات والموضوع يكبر ، ولا أوديها ورشة محترمة جدا بره والتكلفة لن تتعدى 5000جنيه سمكرة ودهان ، والتأمين يدفع...
أرجو السرعة في الرد

[b]السلام عليكم
ده يتوقف على شركة التأمين اللى انت مأمن معاها
لو فى نظريتك ال الخبطة هتكلف فوق ال 5000 جنيه ، فاعمل محضر ان العربية اتخبطت و هى واقفة، و اذكر فى المحضر انك كنت راكن فى شارع جانبى عريض علشان الشركة ما تتعللش انك راكن في الممنوع
الشركة هتعاين العربية و تسألك عايز تصلح فين
هتروح طبعا التوكيل ، ابو رواش، هم طبعا غاليين جدا، هتجيب مقايسة و تطلع على شركة التأمين ، هم هيفاصلوا مع التوكيل، و بعدين هيعطوك موافقة بالتصليح، هتحاسب عليه و بعدها بحوالى 3 اسابيع هيطلع لك شيك بالمبلغ، و غالبا هم بيخصموا 10% فى السنة
نقطة تانية
نيسان صنى
ربنا يسترها عليك، ابقى اطمن دايما على تيل الفرامل و الطنابير و علبة الريكسيون، انا ربنا نجدتى من عيب صناعة من شهر فى العربية الزبالة دى.
ربنا يكفيك شرها