فية ناس بتقول الفيرنا بتنزل بفلتر تكييف و ناس بتقول ﻻ انا عاوز اعرف فيها فلتر وﻻ ﻻ و لومفهاش سعرة كام
فية ناس بتقول الفيرنا بتنزل بفلتر تكييف و ناس بتقول ﻻ انا عاوز اعرف فيها فلتر وﻻ ﻻ و لومفهاش سعرة كام
انا من ٦ سنين اشتريت موديل ٢٠٠٩ و مكنش فيها فلتر تكييف، بس اسمع ان في موديلات كانت بتنزل بفلتر تكييف، الموضوع بسيط اخلع الدرج اللي في التابلوه حتلاقي وراه مكان الفلتر شوفه موجود ولا لا
لو مش موجود ممكن تركبه لو حابب و سعره حوالي ٢٠٠ جنيه
انا من 2007 من غير الفلتر ودايما بخلي التكييف يجيب من هواء من جوه العربية فقط ومعنديش اي مشكلة نهائي
Eng. Mina
حضرتك تقصد ان الفلتر مش مهم للى بيستخدم الهواء الداخلي
وان الفلتر مهم للى بيسيب الهوا يجى منبرة اثناء التكييف
ممكن حضرتك توضح ﻻن لو الموضوع كدة مفيش داعى للفلتر شكراً يا باشا
العفو يا فندم بص حضرتك بصراحة انا مش متأكد اذا كان ليه دور ولا لأ لو مخلي التكييف يستخدم الهواء الداخلي بس في اعتقادي ان دوره بيظهر لو بتسحب هواء من بره العربية علشان الاتربة و متهيألي ده المنطقي .اقتباس:
المشاركة الأصلية كتبت بواسطة elgentel
انا دايما من ساعة مجبت العربية وانا بشغل التكييف علي الهواء الداخلي ومعنديش اي مشكلة نهائيا معاه سواء من اتربة او روايح كريهة وخلافه .
وهي بأمانة علي وضعها ده من غير الفلتر تكييفها ممتاز وثلاجة و راضي عنه جدا في الحر الشديد
بص يا سيدي الكلام الاكيد انها بتنزل من غير فلتر تكييف وانا اشتريت الفلتر ب ٦٠ جنيه وبيني وبينك ملوش اي ستين لازمه
وانا شايف انه مع الوقت وبيقلل من قوه الهواء اللي طالع لانه بيتملي تراب
وكل اسبوعين ولا حاجه محتاج يتنضف
ولو عايز اللي معايا لو انت من القاهره ادهولك لاني كده كده شايله راميه ف التابلوه ومش محتاجه
بس السؤال يا شباب
انا عايز اعرف ايه اخبار الهوايه اللي علي شمال السواق
قوه الهواء اللي طالع منها ايه نظامه لان عندي ضعيفه جداااااااااااااااا
يعني لو في حر والعربيه كانت واقفه ف شمس الهوايه الشمال دي ولا كانها شغاله
اقتباس:
المشاركة الأصلية كتبت بواسطة hamada hozein
حمادة باشا شكرا جزيلا للاسف انا من اسكندرية مش هاقدر اخدها بس كمان انا بشغل التكييف تدوير هواد داخلى و كدة شكلى مش محتاجة
اما بالنسبة للهواية الشمال ضغيفه جدا جدا كمان للاسف
انا مبقتش عارف دى مشكلة فريون ولا ضعف عام للتكيف و دتها الصيانه اى هجص و قالو التكييف زى الفل
مش عارف اعمل ايه انا من اسكندرية لو حدي يعرف حد بتاع تكييف كويس يقولى
بتنزل من غير فلتر و يفضل تركيبه بدل متسد التلاجه , تمنه 45 جنيه و بيتغير مره فى السنه انا بعمل كده بقالى 6 سنين
طيب هى فيين التﻻجة دى فى الفيرنا و بتتنضف ازى ﻻن الهوا ضعيف و البرودة ضعيفة رغم تنظيف السربنتينة lost2008
بص يا سيدي لو كان ضعف عام ف التكييف كان يبقى كل الهوايات تعبانهاقتباس:
المشاركة الأصلية كتبت بواسطة elgentel
انما انا عندي الفتحه الهوايه الشمال بس ضعيفه واللي على يميني كويسه
يعني ابقى ماشي ف الحر عامل زي المزدوج بتاع ماذنچر نص وشي اليمين بردان ونص وشي الشمال بيشر عرق
وديتها التوكيل ٣ مرات يقولوا صلحناها وتطلع زي ما هي
ماهو دة العادى بتاع التوكيل انا برضو وديتها بشتكى من التكييف طلعوهو و قالو انه تمام مع انه مش بيسقع غير فى الظل و بسيط
و انا غسلت السربنتينة الحاجة الوحيدة الجديدة اللى سمعتها هو موضوع التلاجة لو حد يعرف هى فيين و بتتنظف ازاى يبقى شكرا جزيلا
الثلاجة دي ورا التابلوه وفكها شغلانة كبيرة وفعلا الفلتر بيحوش التراب عن الثلاجة ------ evaporator
http://i.imgur.com/UcnpRWP.jpg
صورة الثلاجة اهي والتراب ماليها ومع البروده والتنديه مع التراب بيتحول لطين لازق
http://i.imgur.com/WuvESYA.jpg
http://i.imgur.com/mPy4886.jpg
و اعتقد ان ده عيب علشان المروحة موجودة ناحية الشمال خلف درج التابلوه