قرية بلو لاجون راس سدر Blue Lagoon Ras Sedr مساعده ضرورى
لو سمحتم يا جماعه عايزه مساعدتكم ضرورى
هاشترى ان شاء الله شاليه ف راس سدر ف بعد الدراسه و التمحيص و التفحيص وقع الاختيار على قرية بلو لاجون لانها بصراحه سعرها مناسب ليه انا هاشترى ان شاء الله فيها شاليه مساحته ٧٠ م بحوالى ٢٤٠٠٠٠ الف بالتقسيط علشان عملين عروض تقسيط كويسه الايام دى.
دلوقتى عايزه استفسر منكم هل القريه كويسه كا خدمات ما بعد البيع يعنى وديعة الصيانه اللى بيخدوها بيهتموا بالقريه كاحمامات سباحه و لاند اسكيب....الخ
البحر بتاعها حلو للنزول فيه و له المد و الجزر مخليه وحش
بيسلموا ف الميعاد و له بيماطلوا و هل بينفذوا كل اللى بيقلوه و له لا
القريه عموما كويسه و له لا و القائمين عليها ناس محترمه و له بستنزفوا المشترين
القريه متباع فيها ثلاث مراحل و المعروض دلوقتى المرحله الرابعه
يعنى اكيد فى ناس جدعه ف نيل موتورز اشتروا او يعرفوا معلومات مؤكده يسعدونى بيها ( رب يخليكوا يا رب و لكم الاجر و الثواب ههههههه)
اخيرا بقى لو ف اى اقتراحات منكم تانيه او اى قرى تانيه حلوه و تناسب البادچت (الفلوس)بتاعتى ( انا ممكن اشترى لغايه ٣٠٠٠٠٠ الف جنيه بس يكون مش بعيد عن البحر يعنى ف النص مش ف الاخر مطرف كده) ياريت تقترحوا عليه ربنا يخليكوا يا رب احسن انا متلخبطه خالص خالص
جزاكم الله خيرا
و الف شكر مقدما