اسفسارات عن قطع غيار ابيزا 2001

**amr zaid** · 20-04-2015 02:22 PM

السلام عليكم ؛
عندي شوية استفسارات بخصوص قطع غيار ابيزا 2001 ؛
عندي العربية بقت خفيفة ورحت لبتاع العفشة قالي عايزة جوز مساعدين
السؤال ؛
اجيبهم جديد ولا استيراد
وده بكام وده بكام؟
ومنين؟
وايه الانواع المفضلة؟
وياريت تجارب الاعضاء ف الموضوع ده
تاني سؤال ؛
هغير طرمبة الباور
نفس الكلام جديد ولا استيراد والاسعار
ومنين؟
تالت حاجة
عندي الفوج اليمين مكسور
محدش عنده فوج يمين للبيع؟
مشكورين مقدما

**SYD** · 20-04-2015 08:25 PM

المساعدين يفضل تكون جديدة
لأنك لو جبت مساعدين استيراد وطلعوا وحشين (حتي لو واخدهم علي التجربة)
هتفك وتركب علي حسابك
فالجديد احسنلك

اما عن الباور فمش هتلاقي منه جديد ولو لقيت مش هتقل عن 750 - 800 جنيه
هتجيبها استيراد علي التجربة وهتفك وتركب وزيت علي حسابك
وخلي بالك لأن الطرمبات دي من وسط كل 3 او 4 هتقابل واحدة كويسة

تحياتي