هل السوزوكي فان (التمناية) ترخيصها مفتوح في اسكندرية؟!! +طلب نصيحة

السلام عليكم
السادة الأفاضل أعضاء ومشرفي المنتدي... تحية طيبة وبعد،،

أنا كنت متابع للمنتدى من فترة بدون تسجيل... ولكن دي أول مشاركة لي

أولا: سؤال:

أنا هشتري إن شاء الله عربية سوزوكي فان 7 راكب جديدة كنت عايز أعرف هل ممكن أرخصها ملاكي في الإسكندرية (محل إقامتي لكن أنا متواجد في محافظة تانية) ولا ترخيصها موقوف؟!!

... وهل لو شغال بيحتاجوا إيصال كهرباء أو مية باسمي؟ (لأن مفيش)

ثانيا: طلب:

تنصحوني اتعامل مع العربية دي ازاي في سواقتها وصياناتها وخلافة؟؟ لأن دي أول مرة أسوق العربية التمناية... ناوي إن شاء الله أشيل الكراسي واوزع بالعربية بضاعة.... +وتبقى لمشاويري وأركب الكراسي لو احتجتهم في المشاوير

وشكرا مقدما لكل من أضاف لي

121 مشاهدة مفيش واحد من اسكندرية يفيدني ولا حد يعرف عن العربية دي حاجة
انا بدأت أحس إني هشتري تكتك

انا مقدرش افيد حضرتك بخصوص ترخيصها ف اسكندرية لكن والله اعلم وانا بعمل صيانة ف التوكيل كذا عربية فان ( توناية ) كانت بتعمل الصيانة بتاعتها وشكلها زيرو ومترخصة ملاكى فعلاً
النقطة الاهم لحضرتك الترخيص يا فندم حسب بطاقة حضرتك ومحل اقامتك فيها وده اجباري

اقتباس:

---

المشاركة الأصلية كتبت بواسطة ahmed_moeaz

انا مقدرش افيد حضرتك بخصوص ترخيصها ف اسكندرية لكن والله اعلم وانا بعمل صيانة ف التوكيل كذا عربية فان ( توناية ) كانت بتعمل الصيانة بتاعتها وشكلها زيرو ومترخصة ملاكى فعلاً
النقطة الاهم لحضرتك الترخيص يا فندم حسب بطاقة حضرتك ومحل اقامتك فيها وده اجباري

---

انا متشكر جدا يا استاذ احمد... كفاية ان حضرتك أول حد يرد عليا في نايل موتورز وفي يوم عيد ميلادى كمان :tumb:

كل سنة وانت طيب وربنا يوفقك

السلام عليكم
شوف يا سيدى الفاضل
انتا هتشترى جديد اوك يبقا وانتا فى المعرض تتفق معاه على ان المندوب من عنده يرخص العربية يعنى انتا هتاخدها معلقه نمر هما ليهم كذا طريقه فى المرور والترخيص بيكون فى محل اقامتك العنوان لى فى البطاقه
بتوفيق ان شاء الله