معايا إلنترا 2010 أوتوماتيك لسه شاريها قريّب وعاوز وفاضل 200 كيلو وأعمل صيانة الـ 75 ألف, بس دلوقتي مش عارف أحط زيت محرك لزوجته كام وكل لمّا أسأل حد كل واحد بيفتي بحاجة مختلفة, عاوز أعرف أيه الزيت المناسب ليها عشان يريّح المكنة ويحافظ عليها ويعمل آداء كويس وميتسببش في صوت عالي, وعاوز أغيّر طقم زيوت كامل بفلاتر ( فرامل وفتيس ) أيه الأنواع الكويسة وأيه أنواع الفلاتر الكويسة, يا ريت تنصحوني لأني لسه جديد في العربيات ودي أول عربية امتلكها بشكل شخصي.
ارجع لكتالوج العربية علشان تعرف مواصفات الزيوت المناسبة اللي تتحط في العربية.. ولو الكتالوج مش موجود.. اطلبه من صاحب العربية اللي باعهالك.
عموما.. بعد ما تعرف مواصفات الزيت اامناسب.. انزل دور على زيت يتطابق مع المكتوب في الكتالوج...
واشتري أي ماركة.. وماتخافش.. مادام الزيت يوفي المتطلبات بتاعت الكتالوج يبقى مؤكد إنه حيبقى كويس للعربية ويحافظ على موتورها.
طبعا.. يفضل إن الزيت يكون تخليقي.. بس مش شرط على فكرة
لو عايز تعرف إزاي تختار زيت الموتور المناسب. . انصحك تقرا الموضوع ده
http://www.nilemotors.net/Nile/341680-a.html
ولو لسه محتار.. ياريت ترفع لنا صورة صفحة الزيت بتاعت الكتالوج وإن شاء الله هنقدر نساعدك .
...