عرض للطباعة
كتب احد الاعضاء المحترمين موضوع يقول ان ظهرت شركة تسويق على نظام كيونت اسمها ليف فري
يا ريت لو اي حد عنده دليل واحد يثبت ان ليف فري نصب و لو بنسبه 1% يقولي دليل دا فين ...
يا ريت بلاش نعيب في الشركات المحترمه و الكيانات الكبيره اللي زي دي بدون اي علم او خبره
ليف فري شركه مصريه ناجحه
ليف فري مش نصب
لو في دليل يثبت انها نثب يا ريت اعرفه:welcome1:
عندي مليون دليل ضد كلامك :angry27::N_no[1]:
طيب ردا على موضوعك وبما انك عضو جديد يعني 10 مشاركات بس
ممكن تشرحلنا ايه هي live free دي ؟
عشان نفهم منك يعني
حتي لو بتبيع منتجات ليها قيمه
يعني ايه اشتري منتج و احاول الزقه لواحد صاحبي عشان يحاول يلزقه لواحد قريبه و هكذا ؟؟؟
لو كل البلد بقت بتبيع جبنه ... مين اللي هيشتري جبنه بعد كده ؟؟؟
ماهو الحرامي لازم في الاول يثبت انه محمد حسان
كيونت نصابين واي حاجة شبهها نصابين برضه
كله نصب فى نصب بداية من qnet , myright, starcapital
مش نصب
ااااااااااا.......نصباقتباس:
المشاركة الأصلية كتبت بواسطة askanas
بحس أساسا إن الفكرة نفسها بعيدا عن نصب ومش نصب بتمشي عكس طبيعة الحياة، يعني حاجة كدا مش على الفطرة :) لما كنت طالب كانت شركة شنيل لسا فاتحة، وكمية ناس رهيبة بتتردد على المكان، وشوفت بعيني طلبة سابوا جامعاتهم وتفرغوا ليها وموظفين استقالوا من شغلهم عشانها، وفي الاخر ضربوا نفسهم مية جزمة عشان جروا ورا سراب اسمه الغنى السريع.
النجاح ليه4 طرق ببساطة
1-اشتغل باجتهاد
2-اشتغل مش باجتهاد اوى بس حظك نار تلاقى فرصة ورا فرصة بتقع فى طريقك
3-مزيج من 1 و 2
4-التجارة فى الحرام يعنى سلاح او مخدرات او ستات او تهريب بشر او او او ..حاجات كتير
المهم فى 4 دى ان البضاعة حاجة حقيقية اودامك مش ماسك الهوا باءديا و حاجة كمان لو مخدرات متحطهاش فى صفايح فى الملاحات عشان كلنا شفنا ايه اللى حصل لنور شريف
التسويق الهرمي كله نصب طول ما هو بيجبرك تشتري اي حاجة في كيس باضعاف تمنها
الموضوع كل شويه بينام و يطلع تانى بأسم جديد و عمره ما ح يموت
اى واحد هيدافع عن النصب ده
اما يكون اتورط فبيحاول يبرر تورطه
او مشترك فى الجريمه ديه وبيجر ناس تانى يتنصب عليها زى مانصب على اصحابه
لان اى حد بيدافع ماعندوش حجه ولا كلام مقنع يقدر يقوله ويواجه بيه الناس
فين صاحب الموضوع ؟
يامصطفاااااااااااااااهااا اااااااااااااااااا !!
مصطفى وصل الحمد لله
خدت بالي من كام واحد غلطو و شتمو و كدا في التعليقات بس ما علينا
انا احب اعرفكم بنفسي انا مصطفي عفيفي 21 سنه من المنوفيه في كلية هندسه
بالنسبه للناس اللي بتتكلم و تقول ليف فري نصب ... سيادتك بتقول نصب على اساس ايه ؟
و انت بتقول زي كيونت !
و انا واحد من الناس دخلت كيونت ... و سبتها طبعا
الموضوع مش باصوره اللي واصله لبعض الناس ان هي واحد لبس و لازم يلبس غيرو ... كل الموضوع ان دي منتجات و دي طريقة بيعها...
اي شركه علشان تشتغل فيها بتحتاج منك شهادات او كورسات او سن معين ... لكن ليف فري مش بتقولك شهادتك ايه او انت منين ...
انت اللي بيحركك في الشغل في اي مجال ان انت محتاج للشغل دا و محتاج فلوس فا مقابل ان انت محتاج الشغل دا و خوفك عليه انت تغيب مثلا و تترفد
بتصحى كل يوم الصبح و تنزل الشغل
طيب دلوقتي انا هشتغل و مليش مدير و مفيش حد يرفدني و مفيش شهادات مطلوبه مني
ايه يكون الدافع القوي اني اشتغل ؟ اني اكون اصلا دافع فلوس
امسك عندك يعني لازم ادفع فلوس علشان اشتغل و اكسب ؟
ارجع تاني اقول ايه الشغل في الحياه اللي مش متوقف على ان يكون في عملاء غيرك ؟
طيب بدفع فلوس مقابل ايه ؟
قبل ما اجاوب هسالكك كام سؤال ..
تعرف طبيعي مبيستخدمش وسائل اتصال ؟ ( مكالمات .. انترنت ... رسايل)
تعرف واحد عمره ما سافر مصيف .. عمره ... راح يقضي كام يوم مع العيله او اصحابه في اي مكان ؟
اكيد لا
طيب ما تخليني اسال كام عيله في مصر مفيهاش واحد بيسافر بره مصر ؟
اكيد في .. بس نسبه قليله اوي اوي
طيب انا بسال الاساله دي ليه ؟
لان دي المجالات اللي ليف فري بتسوقلها
و اظن كلنا متفقين ان الاتصالات و السياحه و الطيران من اكبر 3 صناعات في العالم و انجحهم
طيب اما اقولك انت هتاجر شركة سياحه تكون ليك الحق انك تطلع منها اي رحلات ليك و لاي حد تعرفه بتخفيض يوصل ل 40% .. اظن مشروع جميل !
طيب اما اقولك معاك تخفيض يوصل ل 85% على تداكر الطيران في شركة طيران الاتحاد و الشركه دي رقم 2 في الشرق الاوسط و رقم 5 على العالم
طيب اما اقولك ان ليف فري بتوفرلك باكيدج من اتصالات مستحيل تقدر تلاقي زيها في اي مكان تاني ...
طيب الكلام دا بكام ؟ اسعار تبدا من 3800 جنيه
و لسه الشغل متكلمناش فيه
طيب و الاقتصاد هنوقع اقتصاد بلدنا ... لا الشركه دي شغاله بالجنيه المصري
و اللي احب الناس تعرفه شركة ليف فري لو بالصوره اللي انتو بتتكلمو بيها دي مكنتش هتعمل مقرها في مبنى من اكبر 5 مباني تجاريه في العالم و في عاصمة التجاره العالميه لندن و فرعين في الامارات و فرع في مصر
الشركه دي ليها خط ساخن اظن اول مره نسمع ان شركة تسويق ليها الكلام دا ...
كل دا لان الناس اللي بيقولو الشركه هتقفل .. كل دا كلام من ناس من فاهمين
اللي حابب يفهم اكتر ممكن يبعتلي رساله و انا موجود
مش بقول كدا علشان ناس تبدا او لا ...
الشركه مش مستنيه ال 10 ولا ال 20 ولا حتى ال 100 اللي شافو الموضوع
انا بتكلم علشان تكونو فاهمين بس مش اكتر ..
و دا رقمي لاي استفسار 01097929882
انا قلت مش نصب رغم ان لما اتعرضت عليا رفضت عشان قلتلوا انا مش عايز كدة مش حابب اكلم صحابي مصلحة
مش عايز اكسب فلوس بالطريقة دي
لكن هي مش نصب
هي طريقة تسويقها من غير المحترفين خاطئة فا بيهومك انك هتبقا ثري في خلال مدة قصيرة
هو عنده حق
بس بالمنطق ده كلكوا اتبعتوا نفس المنهج في الاتصال بالناس اللي عندك عالموبايل و دائرة علاقتك و كدة اكيد لو كل الناس عملت زيك هتفشل
لازم تجرب طريقة جديدة يعني مثلا تروح وتسافر و تتعب نفسك في محافظة بعيدى مستمعتش عن الحوار ده و تسوق هناك
انا واحد شغال حاليا في الصعيد لسة التسويق الشبكي حاجة طازة هناك :d
تحس الصعيد القاهرة 2003 كدة
و دمتم للنضال :d ( واحشني الراجل ده ) :d
أستاذ مصطفى
قبل ما أرد على حضرتك أحب أقولك ان الكلام مش موجه لحضرتك أو لذاتك
حضرتك بتبيع سلعه أو خدمه صح
من المتعارف عليه انك لو عايز تنصب على حد بتركز أكتر على الخدمات أو السلع المشابهه للسلع الاصليه
ممكن حضرتك تقول لى على اسم سلعه أصليه شركتك بتبيعها بسعر أقل من سعر السوق (سلعه وليس خدمه)
بخصوص المبنى الادارى والخط الساخن وانهم الأشهر والكلام ده - صدقنى الكلام ده مش بياكل مع اى حد سنه اكتر من 30 سنه
الشركات ديه بتدور على سن 16 الى 25 سنه
يا ترى شركتك بتعمل اجتماعات وكورسات في كافيهات
هل أكدوا عليك انك في النهاية القعده تقلب الترابيزه على اللى قدامك وتتكلم من منطلق انك مش عايزه
هل أكدوا عليك انك لازم تطلع مفاتيح عربيتك وموبايلك الغالى قدام اى حد بتتكلم معاه
هل أكدوا عليك انك لما تلاقى واحد فاهم شويه اقتصاد لازم تهرب منه ولو زنقك لازم تقوله انك لازم تغير طريقة تفكيرك وتفكر بطريقه جديده
أنا أسف ان أقول لحضرتك - ده نصب - واللى بيشتغل فيه نصاب أو بيتنصب عليه
حلم الثراء السريع اللى مودى الناس في داهيه ده عمره ما هاينتهى
عايز تبقى غنى أشتغل يوميا 10 ساعات على الأقل بشكل متواصل وكل 3-6 شهور لازم تطور من نفسك
اشتغل مهندس - سباك - نجار - بتاع روبابيكا - المهم اشتغل يوميا بجد وطور من نفسك وأكيد ربنا مش هايضيع مجهودك ولا تعبك أبدا
يامصطفى يامصطفى
كل اللي قلته يامصطفى
سمعته بدل المره 10
وانا زي اخوك الكبير يامصطفى
بالاضافه لكده اني دارس اقتصاد وبيزنس
فانا مش هكلمك فيه
لأنك بتكرر كلامهم بالظبط
نفس الكلام
نفس الهري معلش يعني استحمل جهلي
سلعه يبقى ليها مكان معروف واسم واللي بيبيع هو صاحب العلامه
انا هكسب من البيع يبقى انا اخد توكيل وافتح محل
انما انا ادفعله في الأول, وقال ايه هو خايف عليا وعايز مصلحتي ؟؟؟
وكمان بتقول انك مهندس ؟؟؟
ولا مهندس ليه ما كيو نت ماقفلوهاش الا اما وقع في الفخ ظباط مباحث واتضحك عليهم :)