الموضوع: نويت اشتري سوفت الجديده وعايز رايكوا

المشاركة الأصلية كتبت بواسطة gomgom3

نوين والنيه لله اشتري السوفت وقريت عنها كتير
بس مش عارف الناس بتقارنها ليه بكيا بيكانتو وi 20
مع اني شايف انها اعلي من كدة بكتيييير
المهم العربيه ديه ثباتها عامل ايه وتسارع بتاعها اخباره ايه واهم حاجه عايز اسئل عليها التكييف
واسعار قطع الغيار
واشرتيها من اين باقل سعر لان انا من طنطا ومعنديش اي مشكله اني انزل اجبها من القاهرة
وهل ينفع اجيب الطابلو بايج في اسود ولا مش هلاقيه

الناس بتقارن بينها وبين البيكانتو والـ i10 عشان السعر تقريباً واحد
انا جربت العربيه من واحد صاحبي مسافه بسيطه بالنسبة للثبات مش هقدر افيدك لاني مجبتش عليها سرعات عالية اخري كان 100 كم/الساعة
التسارع انا حسيت انها كويسه اوي بالنسبة لعربيه 1200 cc تحس انها اعلى من كده وكانت مرضيه جداً بالنسبة ليا
بالنسبة للتكيف صاحبي بيقول انه كويس وبيسقع العربيه تمام جداً
واسعار قطع الغيار بيقول انها معقوله
افضل سعر هيبقى من التوكيل بس هتستني كام شهر لحد ما تستلم عشان بره بيبقى في اوفر برايس