دكاتره الاسنان بيتنكو علينا بفلوسنا

**Bassem Youssef** · 20-04-2015 09:23 PM

الموقف ده اتكرر كذا مره

تتصل بعياده الدكتور عشان تحجز

الممرضه ترد عليك بكل قرف و تناكه ان كل المواعيد محجوزه

ازاي كل المواعيد محجوزه ؟؟؟

مفيش دكتور غيره في البلد و لا البلد كلها سنانها بايظه ؟؟؟

تتصل بعياده دكتور تاني و نفس الرد

و ساعتها بقي يعطوك معاد بعد كام يوم

و الكل عارف وجع الاسنان ازاي

مش كفايه المئات من الجنيهات اللي بياخدوها ؟؟؟

و كمان نتعامل بصوره زباله بفلوسنا ؟؟؟

ابن خالتي طبيب اسنان تحت التمرين

و بيحكي لي ان الكلام ده عشان لزوم البرستيج

ده غير ان المواد زي الحشو و الحاجات دي بتبقي مش غاليه

عشان ياخدو فلوس بالمنظر ده من المريض

عارف ان الدكتور تعب و اتفحت لحد ما وصل

بس ملوش لزمه التناكه

مش لازم تنهب فلوس المريض

ابتسم في وش المريض

مش لازم اجازه في نص الاسبوع

اصل البيه بيتعب اوي من وقفه العياده

**Anaslbda** · 20-04-2015 09:33 PM

د.محمد رأفت في الزمالك, قدّام Aunti Anne بالزبط.
هتغيّر فكرتك ان شاء الله.

**MRBEBO** · 20-04-2015 09:41 PM

مين اللي قال كده كل الحكايه ان الدكتور بيكون عنده عدد معين من الادوات المعقمه لعدد معين من المرضى يوميا ولما بتستخدم مبيقدرش يستقبل حالات زياده

**أبو آسر** · 20-04-2015 09:45 PM

من كام يوم ابني الصغير (أقل من سنتين) سخن وتعب جامد اتصلت على العصر كده على دكتور أطفال جنبنا لقيت الرقم حولني على خدمة اسمها فيزيتا !! بدل ما تتصل بعيادة الدكتور علطول بتتصل بفيزيتا يحجزلك معرفش لازمته ايه الحوار ده ، المهم عايز أحجز كشف علشان الولد تعبان وسخن لقيته بيقولي أقرب معاد ليك الساعة 1 بالليل !!! قلتله شكراااا
معرفش ايه الدكاترة السواريه دول ! ولو الولد بيموت هيستنى لحد 1 بالليل ؟! مبقيتش لا بروح لدكاترة ولا بودي عيالي لدكاترة بقيت بديلهم بالخبرة كده الدوا من نفسي ولما أتزنق بروح للصيدلي أوصفله الحالة وبيوصفلي العلاج والحمد لله العملية ماشية ومحدش يقولي غلط وبتنجان أنا بدأت أوصل لقناعة إن الصيدلي عنده خبرة أكتر من الدكتور اللي بيقعد يجرب في العيانين أي دوا جديد بينزل أو يوصفلهم دوا معين علشان الكوميشن بتاعه !!

**hugan** · 20-04-2015 09:55 PM

المشاركة الأصلية كتبت بواسطة أبو آسر

من كام يوم ابني سخن وتعب جامد اتصلت على العصر كده على دكتور أطفال جنبنا لقيت الرقم حولني على خدمة اسمها فيزيتا !! بدل ما تتصل بعيادة الدكتور علطول بتتصل بفيزيتا يحجزلك معرفش لازمته ايه الحوار ده ، المهم عايز أحجز كشف علشان الولد تعبان وسخن لقيته بيقولي أقرب معاد ليك الساعة 1 بالليل !!! قلتله شكراااا
معرفش ايه الدكاترة السواريه دول ! ولو الولد بيموت هيستنى لحد 1 بالليل ؟! مبقيتش لا بروح لدكاترة ولا بودي عيالي لدكاترة بقيت بديلهم بالخبرة كده الدوا من نفسي ولما أتزنق بروح للصيدلي أوصفله الحالة وبيوصفلي العلاج والحمد لله العملية ماشية ومحدش يقولي غلط وبتنجان أنا بدأت أوصل لقناعة إن الصيدلي عنده خبرة أكتر من الدكتور اللي بيقعد يجرب في العيانين أي دوا جديد بينزل أو يوصفلهم دوا معين علشان الكوميشن بتاعه !!

بالضبط كده
انا عالجت وﻻدي اﻻربعه بنفسي
هو الواد الكبير اللي اتدربت عليه عند الدكاتره
والباقي ربنا توﻻهم عالجتهم بنفسي
ههههه انا هريتهم حقن

**د.محمود صلاح** · 20-04-2015 10:18 PM

زيارة الطبيب المتخصص بالطبع امر هام .. فعنده الخبرة متى يعطيك دواء ومتى يطلب فحوصات واشعات .. الخ

**afndina** · 20-04-2015 10:45 PM

اسوء شئ لما تلاقي واحد حصل علي اعلي الشهادات العلمية فى مصر زي شاهدة الطب ويتاجر بهذه المهنة وياريت كمان بيعمل الحاجة بضمير مقابل الفلوس الكتير اللي بياخدها لا كمان بيبوظلك حاجة
تدخل عند دكتور اسنان معندوش ضمير وتكون دافع دم قلبك وتخرج من عنده عندك فيرس سي ولا مرض معدي بسبب ان البيه مش بيعقم اجهزته عايز يعمل اكبر عدد من المرضي فى اليوم علشان يكسب اكتر
للاسف اخلاق الناس فى مصر من اعلي تعليم لاسفل تعليم زفت
علشان كدا لما بشوف واحد عربجي فى الشارع او بلطجي بقول طبيعي اذا كان الدكتور اللي مفروض يبقي محترم حرامي ومعندوش اي زمه ولا ضمير .
طبعا فى ناس محترمه ولكن قليلة واصبحت نادرة