الموضوع: شداد الكاتينة وطلمبة المياه

أستاذ/محمد ممدوح
انا معايا لانوس مشتريها من سنة كانت عاملة 130 ألف كم (ومكانش عندي أى معلومات عن أخر مرة إتعملها صيانة كان إمتى) وعملت بيها لحد الان 30 ألف كم بالظبط من غير ما أعمل لها أى نوع من أنواع الصيانة .

ومن ساعة ما أشترتها والموتور بيعرق زيت من تحت البلوك الألومنيوم (بيت عمود الكامة) الموجود فوق وش السلندر

انا نويت أروح لمحمد عبده بس ليا سؤالين لو سمحت لإنى عايز أضغط التكلفة بقدر الإمكان:

1-أغير شداد الكاتينة و طلمبة المياه مع تغيير سير الكاتينة ولا هو ممكن يكشف على حالتهم (الشداد والطلمبة) ويقولى اذا كانو محتاجين تغيير ولا لأ

2-أيهما أفضل عمل موضوع تعريق الزيت ده مع تغيير سير الكاتينة فى نفس المرة ولا اعمله فى مرة منفصلة لوحده وقبل ولا بعد
وموضوع سيليكون العضم ده كويس ولا فى حل تانى غيره


وأسف لو كنت طولت علي حضرتك

ولك جزيل الشكر