رعشة عند ضغط الفرامل فى السيارة اللانوس

**abuomar** · 11-11-2008 01:51 PM

السلام عليكم و رحمة الله و بركاته ،

بداية أود أن أعبر عن مدى إعجابى بهذا المنتدى وعن مشاركات الأعضاء فى كافة المواضيع.

لدى مشكلة فى فرامل سيارتى اللانوس 2007 ، هى عاملة 55000 كيلو ، و منذ شهر تقريباً بدأت أشعر برعشة فى السيارة عند ضغط الفرامل ، و باستشارة الميكانيكى قال إن التيل لازم يتغير ، و كشف عن التيل الأمامى و غيره و وكذلك الخلفى , بعد ذلك قال إن الطنابير لازم تتغير فبدأ بالطنابير الأمامى و ثم الخلفى وقام باستخدام تيل و طنابير Gm . و لكن للأسف المشكلة مازالت موجودة ، تشعر بهزة و خشونة فى دواسة الفرامل و كذلك السيارة ككل.

ينصح الميكانيكى بتغيير الصرتين . و أخشى أن تستمر المشكلة بعد التغيير

برجاء الإفادة .

السلام عليكم و رحمة الله و بركاته.

أخوكم
أبو عمر

**Sherif Khalifa** · 11-11-2008 02:34 PM

مبدئيا غير الميكانيكى لان التيل و الطنبير الخلفية ميعملوش هزة عند الفرملة يعنى انت غيرتهم على الفاضى
الى بيعمل الاهتزاز ان الطنبير او الكويتش فية عالى و واطى

بالنسبة للخشونة دى فى الغلب بلى العجل
ممكن تكشف علية بنفسك
ارفع العجل
دور العربية و اديها حارة علشان العجل يلف
امسك السوستة بئيدك و حط و دنك على الرفرف
لو البلى فى مشكلة هتكس بية فى يدك من السوست و هتسمع الخشانة من عند الرفرف

**ahmed1981** · 11-11-2008 02:42 PM

لو فيه هزة مع دوسة الفرامل
فالمشكلة بالتأكيد في الطنابير الأمامية أو الخلفية (في الخلفية في أغلب الأحيان)
وأحياناً تكون الطنابير الجديدة أيضاً تحتاج لضبط في المخرطة
وديهم لميكانيكي كويس يخرطهم في المخرطة خرط على فلانشة

**Sherif Khalifa** · 11-11-2008 02:47 PM

ازاى طنبير جديدة و محتاجة تتخرط ؟!!!!

و الطنبير الخلفى ازاى تعمل هزة مع الفرملة؟!
دى مش دسكات يعنى مينفعش يحصل قيها عالى وواطى

**abuomar** · 11-11-2008 03:38 PM

نا غيرت البلى الخلفى قبل هذا الموضوع ، و كشفت على البلى مرة أخرى ، صوت العجل ما فيهوش خشونة ( الأمامى و الخلفى )

لماذا تظهر هذه المشكلة عن الضغط على الفرامل فقط . على العلم بأن لا توجد هزة نهائياً فى السرعات المختلفة حتى 140 كم /ساعة . ( الزوايات مظبوطة و العجل مترصص)

**ahmed1981** · 11-11-2008 04:02 PM

المشاركة الأصلية كتبت بواسطة Sherif Khalifa

ازاى طنبير جديدة و محتاجة تتخرط ؟!!!!

حصلت معايا
إشتريت طنابير أصلي
وحصل نفس الهزة مع دوسة الفرامل
وكان السبب العجيب أن الطنابير الجديدة محتاجة تتخرط في المخرطة صح يعني تتخرط على فلانشة

المشاركة الأصلية كتبت بواسطة Sherif Khalifa

و الطنبير الخلفى ازاى تعمل هزة مع الفرملة؟!
دى مش دسكات يعنى مينفعش يحصل قيها عالى وواطى

كثير بتعمل هزة مع الفرامل ويكون السبب أن الطنابير الخلفية فيها عالي وواطي وخاصةً لو لسة جديدة
وكذلك الأمامية

وطالما الراجل بيقول إن الهزة والرعشة غير موجودة إلا في حالة الدوس على الفرامل فبالتأكيد المشكلة في الفرامل وليس لها علاقة بالبلي وإحتمال مستبعد وضعيف جداً أن يكون السبب عفشة

**Sherif Khalifa** · 11-11-2008 04:04 PM

انا قلت احتمال البلى علشان بيقول على خشانة بخلاف الهزة

بس لو الطنبير الجديدة محتاجة تتخرط يبقا اكيد فيها مشكلة

**ahmad--ezzat** · 11-11-2008 04:27 PM

انا جبت نوبيرا 2088 زيرو والعربية فيها رجة لما بدوس فرامل بس مش فدواسة الفرامل لا
فى العربية كلها ورحت التوكيل قالولى طنابير خلفية (وكمان عند سرعة 120 فى رجة خفيفة مع انى مرصص وعامل ظبط زوايا فى صيانة الالف )
مش عارف دى مشكلة اية بالظبط؟

**abuomar** · 11-11-2008 04:35 PM

يعنى الصرة الأمامية للعجلتين مش محتاجة تتغير

**khaledazizeg** · 11-11-2008 07:54 PM

انا ان شاء الله هروح اركب مصمار التنابير لان مش متركبة والى انا مستغربة ان الميكانيكية بيقولوا ان مالهاش لزمة لكنى بشك فيها لان هيا الى فاضلة انا غيرت طنابير وتيل ونفس المشكلة موجودة

الموضوع: رعشة عند ضغط الفرامل فى السيارة اللانوس

LinkBack

أدوات الموضوع

عرض

-

-

-

-

-

-

المواضيع المتشابهه

رعشة مع الفرامل في الدواسة

رعشة فى اللانوس 2011 بعد 110 ك/ س لحد 120

رعشة في دواسة الفرامل

رعشة في الفرامل

رعشة فى السيارة عن استخدام الفرامل

الكلمات الدلالية لهذا الموضوع

المفضلات

المفضلات

ضوابط المشاركة