أنا مالك للشيروكي موديل 2011 والعربيه مش بطاله بس سمعت قريب من اتنين اصحابي مالكين للسياره إن في مشكله في الجير بوكس وراحوا غيروا البادي فالف عند أبوغالي ب خمستاشر ألف جنيه, هل دي مشكله معروفه عن العربيه؟
عرض للطباعة
أنا مالك للشيروكي موديل 2011 والعربيه مش بطاله بس سمعت قريب من اتنين اصحابي مالكين للسياره إن في مشكله في الجير بوكس وراحوا غيروا البادي فالف عند أبوغالي ب خمستاشر ألف جنيه, هل دي مشكله معروفه عن العربيه؟
انا مسمعتش حاجه عن الفتيس فى الـ KK زى كده - كل اللى اعرفه ان الفتيس لو تم استخدامه بصورة خاطئة ممكن يسخن ويبوظ - زى مثلاً تكون غارز وعاوز تطلع من الغرز على وضع 4auto وتفضل تقرص على العربية حتلاقى رسالة سخونة الفتيس ظهرت لأن المفروض فى الغرز تطلع بوضع الـ4low وكمان ساعات ناس بتمشى على الـ 4low بسرعات عالية اكتر من ٤٠ كم/ساعة - سبب تانى كمان هو عدم صيانة الفتيس من تغيير الزيت والفلتر بتاع الفتيس وكمان لو نقص ومحدش واخد باله - وطبعاً لما تيجى تفتح طبة مقاس الـ KK مش حتلاقى مقاس زى الموتور (دى علامة مميزه من علامات الـ KK ) فاللى انا باعمله إنى باقيس زيت الفتيس بواسطة مقاس زيت الموتور والطريقة كالتالى :
١- تسخن العربية لحرارة التشغيل العادية
٢- تنقل بالفتيس على الـ D والـ N والـ R وتحرك بيهم العربية أو لو كنت راجع من مشوار يبقى خلاص ماتعملش الخطوة دى .
٣- تجيب الفتيس على الـ N وتسيب العربية دايرة
٤- تمسح مقاس زيت الموتور كويس وبعدين تقيس بيه زيت الفتيس
٥- تقيس بالمسطرة مستوى الزيت فى المقاس بيكون حوالى ٧ سم من نهاية المقاس السفلية
٦- لو ناقص تزوده وتقيس تانى
٧- ولو زايد حاول تنقصه بطلمبة يدوية إسمها ماصة كابسة
وطبعاً اكبر سبب هو لما تغير زيت الفتيس عند حد مش فاهم ممكن يطنش على الفلتر بتاع الفتيس ويقولك انه نضيف - كمان ممكن يستعمل اى زيت اوتوماتيك والسلام - لازم تستعمل زيت موبار ATF+4
م. أحمد
تحياتي لك دايما معلوماتك و اضافاتك قيمه جدا"...... جزاك الله خيرا"