استشارة في السفر للكويت

hh · 21-04-2015 05:02 PM

أنا كتبت الموضوع ده في الاجتماعي بس للأسف مفيش غير أخ كريم واحد رد عليا, ففكرت اكتبه هنا

جوزي معروض عليه شغل في الكويت و محتاجة خبراتكم بخصوص الحياه هناك. بالنسبة للسكن سمعت ان السكن العائلي ب 350-400 دينار، هل ده يجيب حاجة نضيفة في مكان حلو و لا نص نص؟ و بالنسبة لمصاريف أسرة معاها طفلين في الشهر كام عشان نبقى عايشين مستريحين و بنتفسح و نصرف براحتنا مش ماسكين على نفسنا؟ وبالنسبة للمدارس الانترناشيونال أسعارها ايه؟ و بما اننا في منتدى عربيات أخبار أسعار العربيات الجديدة ايه و أنظمة التقسيط؟ المفروض انه فيه تأمين صحي للأسرة كلها بس انا قلقانة من النقطة دي. هل التأمين الصحي بيبقى حاجة حكومية و لا شركات زي عندنا في مصر؟

انا جوزي خبرة 11 سنة في بنك أجنبي و معاه mba, يا ترى الراتب المعقول بالنسبة للمؤهلات دي ايه؟

معلش انا عارفة ان الأسئلة كتير بس الموضوع محير و انا محتاجة كل رأي عشان الواحد ميتسرعش.

**Nistelrooy** · 27-05-2015 01:42 AM

بالنسبة للمدارس الاسعار متفاوتة بس هو المتوسط 2500 - 3000 دينار

بالنسبة للسعر 400 دينار ده يجيب سكن نضيف في مكان كويس..
العربيات رخيصة بس المشكلة دلوقتي الرخصة صعب تطلع الا لو الراتب اعلي من 600 دينار واقامة في البلد علي الاقل سنتان
وفي استثناءات لبعض المهمن زي المحاسبيين مهندسيين مدراء اطباء ...

التامين الحكومي مش قد كدا والتامين الخاص يفضل تسالي الشركة بتوفرة ولا لاء؟

بالنسبة للمرتبات لحد خبرة 11 سنة و mba اتوقع علي الاقل 850 دينار(لو السكن غير متوفر من الشركة) ولو جوزك كفء في مكانة الحالي وماسك منصب ممكن المرتب يكون فوق الالف ...

بالتوفيق

**رحالة** · 30-05-2015 09:07 PM

لو على كلام اللي قبلي
الدخل = 1000x 12 = 12000 KD
السكن 400x 12 = 4800
مدارس ولدين 5000

يتبقى 2200 دينار قبل التامين والاكل والبنزين او المواصلات
هي الكويت غالية قوي كده !!!