ليه ما ينفعش أركب جنوط عريضة وأنا بشوفها على النت بعيني؟
يا جماعة بما إني ميح في العربيات
وبما إني بتعلم من سيادتكوا
ممكن تفهومني ليه مينفعش أركب جنوط عريضة على بعض العربيات وإحنا بنشوفها راكبة على نفس العربيات على النت
يعني مثلاً
يقال إن عربيتي مينفعش يركب عليها جنط أكبر من 14 عشان لو كده هتبتدي تعاكس مع المساعدين وتسبب مشاكل
انا مش عايز أركب جنوط 15 ولا حاجة وممكن أعيش حياتي كلها بالجنط الأصلي بس نفسي أفهم ليه الناس بتقول مينفعش ولما أعمل بحث على جوجل ألاقي كل المقاسات راكبة على نفس العربية ونفس الموديل هيا الناس دية لما بتركب الجنوط مش بتمشي بالعربية وبتاخد ملفات ولا بتركن العربية عشان الفرجة يعني وبس ممكن تفهموني أرجوكم
ولكم جزيل الشكر
سؤال تاني ملوش علاقة بالموضوع بتاع الجنوط ده بس عشان مروحش أفتح موضوع جديد وكده
دلوقتي هعمل فرش تفصيل لعربيتي عند واحد كويس وشغله شوفته بنفسي على عربية شاهين وكان تقفيله وتفصيله ممتاز جداً الراجل إسمه الأسطى محسن وهوا في منطقة الضاهر من تحت كبري غمرة كده في المنطقة ديه يعني
بعد الفصال هيعملي فرش العربية كلها مع الأبواب جلد أحمر في بيج فاتح للعلم عربيتي حمرا بـ700 جندي
هل كده غالي وتنصحوني بالجلد ولا لأ علماً بأن العربية مكيفة وللعلم أيضاً أنا ملقيتش كسوة جاهزة لا في سبير كار ولا في التوفيقية وعموماً الأسعار بتاعت الجاهز غالية غير ما كنت بقرأ في المنتدى يعني مفيش 50 جنية والكلام ده
أول النضيف 200 أو 300 جنية وقماش مش جلد إيه رأيكوا
