"الرى" تخطر "الإسكان" لوقف محطات الشرب بعد غرق 500 طن فوسفات فى النيل

أبلغت وزارة الموارد المائية والرى، وزارة البيئة، وجهاز حماية البيئة، ووزارة الإسكان، والشركة القابضة لمياه الشرب والصرف الصحى، ووزارة الداخلية ممثلة فى شرطة المسطحات المائية بغرق ناقلة نيلية محملة بـ500 طن فوسفات نتيجة اصطدامها بأحد أعمدة كوبرى دندرة العلوى بمدينة قنا مما تسبب فى غرقها. وكلف الدكتور حسام مغازى وزير الموارد المائية والرى المصرى، مساعده للوجه القبلى ووكيل وزارة الرى فى قنا وجميع وكلاء الوزارة فى الوجه القبلى بالتوجه إلى موقع الحدث، وإخطاره بالمستجدات أولاً بأول، وتحريك معدات حماية النيل بكل محافظات الوجه القبلى لمساعدة أجهزة المحافظة، كما تم إخطار الشركة القابضة لمياه الشرب والصرف الصحى، لاتخاذ اللازم نحو محطات الشرب . ووقف العمل بمحطات الشرب. وكان اللواء عادل عبد العظيم أيوب مدير أمن قنا قد تلقى إخطاراً يفيد بأنه أثناء مرور ناقلة نيلية قادمة من أسوان ومتجهة إلى القاهرة ومحملة بـ500 طن فوسفات اصطدمت بأحد الأعمدة الخرسانية الخاصة بكوبرى دندرة العلوى مما نتج عنها سقوط الكمية بمياه النيل، وتمكن سائقها وشخصان كانوا برفقته من النجاة.

https://www.youm7.com/story/2015/4/2...4#.VTavl_BGXCM

بروفة قطع المياه

ا*ا

يعني بلاش نشرب كمان ؟؟؟ طب استنو لما سد النهضه يتبني -_-

و هو احنا بنشرب ميه من النيل؟ مش فى محطات مياه بتفلتر و تصفى ميه النيل كلها بلاوى اصلا و مش بتوصل عشان بتفلتر فى المحطات المفروض بقى المحطات دى يبقى عندها القدره تفلتر الفوسفات ده و لا ايه ؟؟

نتكلم بطريقة علمية شوية فى موضوع الفوسفات الحجرى اللى غرق من على صندل فى قنا.

أنا مهندس كيميائى شغال فى معالجة المياه، يعنى الكيماويات و قدرتها على الذوبان و التركيزات بتاعتها دى لعبتى. فاسمعوا الكلمتين دول.

أولا. الفوسفات الموجود فى الحجر غير قابل للذوبان فى الماء. لأن الحجر ده بيتم إستخلاص الفوسفات منه فى مصانع بطرق صناعية و كيميائية معقدة وتتصنع منه أسمدة بعد كده.

ثانيا. نسبة الفوسفات فى الحجر حوالى 20% والباقى صخور كلسية مفيش منها أى خطر. يعنى ال 500 طن دول فيهم 100 طن فوسفات غير قابل أصلا للذوبان. طب لو فرضنا جدلا أنهم قابلين للذوبان؟ يبقى الفوسفات الموجود على سطح الحجر بس هو اللى هيدوب، وده نسبته أقل كمان.

ثالثا. النيل بيعدى فيه 200 مليون متر مكعب مياه فى اليوم. لو فرضنا ذوبان الطن فوسفات بالكامل فى يوم واحد وهو شيء مستحيل عمليا، يبقى تركيز الفوسفات فى المياه سيصل لمعدل قليل جدا جدا لا يسبب أى ضرر فعلى، حيث سيحتوى كل متر مكعب من الماء على نصف جزء من مليار.

كده نقدر نقول إن الفوسفات اللى فى الحجر ده مفيش منه خطر فعلى. طب اليورانيوم؟ أيوه الحجر ده فيه نسبه يورانيوم حوالى 0.4% يعنى حوالى 2 طن. برضو غير قابل للذوبان. و المروقات فى أى محطة مياة قادرة تماما على التخلص من المعادن الثقيلة بمنتهى البساطة.

الأكيد إن كمية الحجر دى مش هتفضل غرقانه كتير لأنها غالية. مصر حاليا بتعتمد على الحجر لإنتاج السماد و اليورانيوم كمنتج ثانوى.

عملية الانتشال ممكن تاخد وقت حسب صعوبة الوضع طبعا انا مش هناك ف معرفش، بس الأكيد إن الموضوع فعلا مش كارثة و مش محتاج هياج ولا تخويف للناس.


الكلام منقول عن المهندس احمد اشرف

الغريب ان فيه واحد ( مُعين ) كان قال ان مصر مفيش فيها فوسفات و ان الذهب المصرين القدماء خلصوا عليه !!
كيف ومتى تفسفتنا ؟؟!!

انا بعتبر الكهربا والمياه من الرفاهيات عشان استمتع بالنهضه اللي عايشينها.. شويه فوسفات يعني دي مقويات يا جماعه

مش كفايه ان في كهربه بتيجي كام ساعه في اليوم

عايزين تشربوا كمان ؟؟؟ شعب طماع ... سحيح :d

وزير البيئة: دول أخرى تلقى الفوسفات فى المياه لفوائده.. ولا داعى للقلق

وزير البيئة: دول أخرى تلقى الفوسفات فى المياه لفوائده.. ولا داعى للقلق |اليوم السابع

http://www.montcairo.com/images/arti...9vK5pmta06.jpg