رجاءا ساعدوني مشكلة في أول يوم ليا بعد شراء شارك 2015

السلام عليكم
الحمد لله إشتريت شارك من يومين ولكن حصلت مشكلة وهي
أخدت من المعرض مفتاحين العربية وإداني معاهم قطعة معدن صغيرة عليها كود
الحقيقة ما أهتمتش أقرأ الكود أو حتى أسأل دي إيه
المهم إنها ضاعت ضاعت

وقريت في الكتالوج إنها مهم وإنها عليها كود مفتاح العربية
فإتصلت بالتوكيل وبعد عدة تليفونات بنت ردت عليا(المهندسة) قالتلي المفاتيح هتتبرمج تاني قولتلها بكام قالتلي هحول للصيانة وهما يقولك

المهم كلمت الصيانة وحكيت القصة قالي مفيش حاجة زي كده حتة المعدن دي بيبقى رقم بيتعلق في العربية وهي على الساطحة مالهاش علاقة بالمفتاح

لكن الكتالوج بتاع العربية بيقول غير كده أصدق مين وأعمل إيه لو حبيت أطلع نسخة كمان؟؟ أنا محتار خايف لو المفاتيح ضاعت أو كده يقولي لازم تغير كونتاك ومفاتيح بكام ألف وكلام من ده؟؟؟

ده كفتجى
الرقم ده بتحتاجه لو مفاتيح عربيتك ضاعت فبتروج التوكيل بالرقم ده ويطلعلك نسخه من المفتاح

بالظبط فعلا ده كلام الكتاوج طيب الحل الرقم ده أعرفه منين؟؟!!!
ولو معايا المفتاح هيطلعلي عليه عادي ولا هيقولي بردو عايز الرقم ده

دا كود المفتاح عند فقد احد المفاتيح بتديله الكود دا وهو بيخرط مفتاح جديد ويرجع يكوده علي العربيه
وطبعا رقم الشاسيه يغني عنه لانه عليه تفاصيل السياره
وبردو من غير الكود ال ضاع دا ومن غير رقم الشاسيه ممكن تطلع واحد جديد بنسخ مفتاح جديد علي احد مفاتيح السياره
يعني متشغلش بالك

ولا ليها اى لازمه ماتشغلش بالك بيها

هو الرقم دة رقم المفتاح بتاع السيارة بس احب اقولك ان المفتاح بيتباع فى التوكيل ب650 جنية لاغير وحتقوم بتغير البيموبليزر ال موجود فى السيارة ب 100 ج لا غير لو المفتاح ضاع مثلا مش اكتر

انا اسف يا جماعة ال فى الجروب الخط كبر منى مرة واحدة انا اسف فعلا ليكوا كلكوا

ممكن تقولنا على المميزات والعيوب فى السيارة ومتحرمناش من كام ضصورة للسيارة من الداخل والخارج خصوصا الشنطة ان اسمع انها ضيقة حبتين الاثنين 7 شعبان 1436

أستاذ محمد بيومي
العربية بصفة عامة كويسة لكن في بعض الملاحظات اللي ممكن تعصبك وتنرفزك خاصة إن كنت شخص حنتوف في حاجتك
1-الشنطة ضيقة فعلا ضيقة بمعنى الكلمة وهتقرفك خاصة لو كنت زيي حاطت فيها الغطاء
2-ناشفة في المطبات خاصة من ورا ناشفة جدا وبتتهبد على المطبات رغم إن الكاوتش عندي على 32 فبضطر أهدي جدا في المطبات لكن لو مطب ناشف بردو بتتهبد
3-كمالبات العربية: أنا معايا الفئة التانية وكيل ودي مستفزة جدا يعني كان علشان أجيب الفئة اللي فيها إنذار كان لازم يبقى فيها سبويلر ولا شاشة ولو عايزها بسينسور لازم يكون معاها أي هبل تاني يعني بيلحملك حاجة أساسية بحجات تافهة وفرعية ويزود في السعر 10 و20 أو حاجة قرب كده دي إسمها وسا.....(سوري)
4-صيانة الألف عدت الحمد لله على خير في التوكيل ومرعوب طبعا من صيانة ال10 ألاف لإنه توكيل دايموند مشهور عنه إنه سيء جدا جدا جدا جدا....جدا ويمكن وقتها أطنش الضمان وأروح أعملها بره قدام عنيا
5-السنتر مابيقفلي أوتوماتيك بعد ما بتعدي سرعة 20 كيلو زي عربيات تانية إلا لو إنت هتقفله بإيديك
6- أكيد طبعا سمعت عن صوت الموتور إبن الو.....(سوري) والكاوتش إبن الو....(بردو) ودي حاجة قولت هتعود عليها لكن بعد سواقة وقت طويل او سفر دماغك بتصدع
7-الصاج ضعييييف جدا جدا خصوصا السقف كلب طلع دقيقة واحدة طبقه من عند إريال السقف ومهما خبط على السقف من جوا مفيش فايدة عربية زيرو وسقفها معروج (عيب عليكي يا ميتسوبيشي الله يرحم زمان)
8-معرفش ليه ؟ مع أني جايب الفئة التانية لكن حتى الكنبة مفيهاش مسند في النص والرفارف مفهياش صدادة طين
9-آخر حاجة مخوفاني طبعا هو سعر قطع الغيار فواحد كان بيقول مراية الجنب في التوكيل ب 3500 جنيه ومش موجودة معرفش الكلام ده صح ولا غلط بس حاجة وس.....(سوري) إنك تبقى راكب ولا راكن عربية وخايف حد يلمسها لا يلبسك في مبلغ وقدره
10- سيبك من كل ده أكتر حاجة مضيقاني من العربية دي دلوقتي وهتخليني أفكر أتخلص منها لو ملقيتلهاش تفسير وحل هتلاقي في موضوع لسة كاتبه من شوية عن بوية العربية
http://www.nilemotors.net/Nile/471119-2015.html

لكن لو إنت مش موسوس زي حلاتي هتلاقي العربية كلها مميزات هي بصفة عامة حلوة لكن واضح إن الحاجة اللي بتنزل مصر بيعتبروا إنهم منزلينها لبلد و...... وحسبي الله ونعم الوكيل

نصيحة أخيرة لو حد بيشتري ياريت يجيب هونداي أو أي حاجة تانية أو بومة مستعملة نضيفة لو لقيت

طبعا ده كود المفتاح والريموت
مهم جدا عشان لو ضاعت المفاتيح وخاصة لو فيه ايمبوليزر في العربيه يبقى لازم الكود ده
عموما مش مشكلة
لان كده كده كل بيانات العربيه متسجلة في التوكيل ورقم شاسيه وكله ومعروف مين اللي اشتراها ومعاك الرخصة باسمك
فهتبقى سهلة جداااا من رقم الشاسية يقدر يطلع لك المفاتيح بتاع العربيه
بس السؤال الاهم هو المفاتيح بكام
مش هتقل باي حال من الاحول عن 2000 الى 2500 في التوكيل !!

سألت واحد بتاع مفاتيح له محل في ش الطيران قالي هعملولك