الموضوع: مقارنة صعبة شوية

السلام عليكم و رحمة الله و بركاته
اعضاء المنتدى القيم ارجوكم افيدونا افادكم الله
عاوز اشترى عربية نفسى و الله اشترى عربية
اولا انا موظف حكومة و هاشترى بالتقسيط بدون مقدم عن طريق البنك الاهلى المصرى فرع المعاملات الاسلامية
و انا لسه معنديش عربية و لسه بتعلم جديد فهل اشترى عربية مستعملة احسن و لا اشرتى عربية جديدة علما بانى خايف من المستعمل فى كل شوية عند الميكانيى و مصاريف و كده و انا يدوب اب هاقدر على القسط و خايف من الجديد من قسطها العالى علما بان اخرى فى القسط 1500
و لو هاجيب جديد فى 3 عربيات قصادى الفيرنا 2015 و الكيا بيكانتو 2015 و الرينو اللوجان 2015
فياريت حد يفدنى يا جماعة لانى فى حيرة شديدة و لكم جزيل الشكر و التقدير