عرض للطباعة
عندى بى ام مو 89 فئة تالتة 1600 سى سى
صالونها طبعا مش كبير كنت بفكر اغيرها بواحدة فئة خامسة نفس الموديل او مو90
ياترى تفكيرى صح ولا اخلينى فى اللى معايا وخلاص
مع العلم انى مش بشتكى من اى حاجة غير ضيق الصالون
وياترى الفئة الخامسة مو 89 او 90 سعرها كام دلوقتى وياترى فيها اى مشاكل؟؟؟؟؟؟؟؟؟
افادكم اللة
هو انت هتلاقى الصالون اوسع و قطع الغيار اغلى
نادر لما تلاقى واحده 518 معظم الموجود 520 و 523 و 525 و طبعا كلها 6 سليندر
فحتفرق معاك فى البنزين
هى عربيه حلوه بس حاول تلاقى واحده نضيفه
اشكرك على الاهتماماقتباس:
المشاركة الأصلية كتبت بواسطة link7200
هى كل الفئة الخامسة 6 سلندر؟ ولا فى منها 4؟
وياترى فى فرق فى سعرها عن عربيتى ولا السعر قريب؟
انا بشوف ناس بتطلب فى عربيتى 55 الف وناس بتطلب 65 بنفس الحالة
وبشوف ناس برضو بتطلب فى الفئة الخامسة 60 الف وناس بتطلب 70 الف
ياترى ايى السعر المظبوط؟؟؟؟؟؟
سوق المستعمل مفتوح جدا ( عرض و طلب ) و فى ناس كتير جهله بأسعار البى ام
فالى بيغلى قوى دا عايز يصيد زبون
ممكن اقول لو موديل 90 مثلا 320 بحاله حلوه كبيرها 50 الف
لو 318 من نفس الموديل تلعب فى 45 لو نضيفه
انا شارى واحده موديل 86 كوبيه ب 15 الف بس المكنه خفيفه شويه و موصى على قطع غيار معينه بتيجى من بره و لما اجهزها ابيع الى بتحرك بيها دلوقتى ... ما علينا خلينا فى الموضوع و الفئه الخامسه كلها 6 سليندر ما عدا 518 الى هى مش نادره شويه
فعلا ال518 موجود منها 4 سلندر بس نادرة قوى
كنت سمعت انها كانت بتنزل ايطاليا واسرائيل بس ال4 سلندر دى معرفش اشمعنى يعنى
بس بالرغم من انها 4 و 1800 والعربية تقيلة زى الداهية بس ما شاء الله مقولكش يعنى
عن تجربة سنين لل518 توكل على الله مش هتندم خالص بس المهم تقع على حاجة حلوة متكونش طلعان روحها
لكن سعرها مش عارف كام الصراحة دلوقتى
لو عرفت ابقى قولى