قول رأيك فى مشروع السوزوكي الفان8راكب

**ابوسفيان** · 22-04-2015 10:13 PM

محتاج رائ الاخوة الاعضاء في موضوع شراء سيارة سوزوكي فان 8راكب وتشغيلها طلابات او ابونيهات مدارس من حيث مشكلها مع المرور فعلا كتير مع العلم اني مش هشتغل بيها اجرة في المواقف ومن حيث السيارة جيدة ام لا ومميزتها وعيوبها ولا عربية ملاكي صغيرة افضل وحاول بردو اشغلها ارجو من الجميع الرد لاني محتار جدا

**ابوسفيان** · 22-04-2015 11:18 PM

طب مشاركة وحدة يا اهل الخير

**yassin_samir** · 23-04-2015 01:36 AM

ضبط مع مصنع ملابس او موظفين توديهم الصبح و ترجعهم بعد الضهر مثلا و مع حد معاه نفس العربيه يديللك شغل اللي بيجيلوة و هوا بالصدفه بيكون في شغل تاني و تتفق معاة انك هاتعمله بالمثل تديله المشاوير اللى هاتجيللك و انتا تكون طلعت شغل اصل الشغل مش بيجي الا اول ما تطلع شغل اولاني تلاقي الناس تطلبك في شغل تاني بتكون انتا التزمت خلتص في معاد مع حد طبعا بالاتفاق ان يكون الشغل دا من ناس صقه و سبق التعامل معاهم قبل كدة بالنسبه ليك و ليه وبلاش شغل الشارع و الدايرىو الكلام دا و بلاش سبقات الموت بالعربية ملعون ابو الشغل لو مستعجل

**sherifahmed** · 23-04-2015 10:34 AM

اولا ياباشا هى مروريا غلط. العربية ترخيصها ملاكى و انت شايل ناس باجرة
ممكن تتحول لقضية تهرب ضريبى عشان دا شغل و مفيش ضرايب عليه رخامة بس حقهم
دا طبعا الموقف القانونى و اللى انت و حظك
نيجى على ارض الواقع العربيات دى شغالة بنزين و دا ميه فى الميه فى سبيله لرفع الدعم و العربيات التانية شغالة جاز و دا خطة تحريره اطول من البنزين
هاتحولها غاز؟ تمام كدا . تفتكر الموقف هايبأه عامل ازاى فى المحطات دى بعد حركة البنزين؟
المشروع مربح على المدى القصير بس متأملش عليه انه يكمل على المدى الطويل

**ابوسفيان** · 23-04-2015 01:06 PM

يعني تفتكرو ياجماعة لوجبت عربية زي دي وراكب معايا علتي مثلا بردو المرور هيرخم عليا ولا اريح نفسي واجيب الاوبل كورسا الي نفسي فيها ورزقي على الله يمكن القلها شغل بسيط على ادها

**sherifahmed** · 23-04-2015 01:16 PM

المشاركة الأصلية كتبت بواسطة ابوسفيان

يعني تفتكرو ياجماعة لوجبت عربية زي دي وراكب معايا علتي مثلا بردو المرور هيرخم عليا ولا اريح نفسي واجيب الاوبل كورسا الي نفسي فيها ورزقي على الله يمكن القلها شغل بسيط على ادها

لا انت و عيلتك فى السليم
المشكلة فى الاجرة

**ابوسفيان** · 23-04-2015 02:35 PM

محتاج رأي باقي الاعضاء وجزاكم الله خير

**amr011111** · 23-04-2015 04:46 PM

أعتقد لو جبتها ووصلت بيها موظفين ووقفت فى لجنه فعادى زمايلك ورايحين الشغل مع بعض
انما موضوع الطلبه مش عارف

**ابوسفيان** · 23-04-2015 07:31 PM

سألت بعض السائقين الي معاهم سوزوكي فمنهم قال لومش اجرة فعادي بس ممكن يتلككلك ويقلك مصلحة حتى لو ممعكش ركاب هيطلعلك اي حجة ياخد بيها فلوس يقلك كهرباء زيادة (اضاءة) ويقلك العتب في مشكلة مثلا
فدا الي مخوفني منها ومخليني متردد ففكرت اني اجيب ملاكي صغيرة وحاول اشفلها مجال شغل فارجو منكم انكم تدلوني الى ما فيه الصلاح ان شاء الله