كيف يتم تنظيف الرشاشات

**Abo_Mazen** · 24-04-2015 11:16 AM

المشاركة الأصلية كتبت بواسطة tasaka

الميكانيكى بتاع الدخيله بينضف الرشاشات

لأ ..معتقدش إنه عنده تنظيف رشاشات ..وللأسف معاييش تليفونه ..بس هو مكانه سهل جدا جدا جدا ..أول ما تعدي محكمة الدخيله اللي على البحر ..وده طبعا وإنت رايح العجمي إسال أي حد قوله العيسى بتاع الإسبرانزا فين ..ده شهرته تخليك ممكن تسأل عليه من أي حته في إسكندرية ..بس زي ما قلتلك اول لما تعدي المحكمه بتاعة الدخيله وإنت على البحر إسأل أي حد ..هو على البحر برضه خلي بالك ..بس إنت إسال عشان ممكن تعدي من قدامه ومتاخدش بالك منه ...وبعدين معدل إستهلاك البنزين اللي حضرتك بتقوله ده عجيب قوي ..اللي هو 180 كيلو ..معنى كده إن ال 11 لتر يمشوك 100 كيلو ..طب إزاي ؟؟؟...لما العربيه اللي معايا 800 سي سي تلاتة سلندر واللتر يمشيني 17 كيلو ..يعني الخمسة لتر وشوية يمشوني 100 كيلو ...يبقى حضرتك 2000 سي سي وعاوز تمشي بال 11 لتر 100 كيلو ..؟؟!!!!!!!..طيب هقولك على حاجه كويسه وتقطع الشك باليقين ..عشان في ناس للأسف لما بتسألها على معدل الإستهلاك في عربياتها بيفكر إنه لما بيقولك إن اللتر بيمشيه 100 كيلو إن هو كده عربيته إيه ..فبريقه بقى وبتاع ..حاول تشوف الكتالوج بتاع العربيه دي مع أي حد ..أو حاول تسأل في التوكيل عموما عن معدل الإستهلاك ..يعني سيبك من الناس اللي راكبينها ..أنا أعرف معاه لوجان بيقولي إن اللتر بيمشيه 18 كيلو ..ده في اللوجان ال 1600 سي سي ..

**tasaka** · 24-04-2015 09:18 PM

اللى قالوا الكلام ده ركيبه .. موش مبتدئين .. و كمان شفت الاستهلاك فى عربيه صاحبى ( معاه من الزيرو لمده 8 سنين )

الكتالوج عندى ..
7 لتر لكل 100 كم سفر بسرعه 90 كم \ س
9 لتر لكل 100 كم سفر سرعه 120 كم \ س ( على ما اتذكر )
يعنى وسط البلد حا يزيد شويه

عموما تنظيف الشاشات حا يفرق و لا على الفاضى .. موش عايز العب فى العربيه بدون داعى

**carrier** · 25-04-2015 10:43 PM

المشاركة الأصلية كتبت بواسطة tasaka

عموما تنظيف الشاشات حا يفرق و لا على الفاضى ..

لأ

الرشاشات واضح انها مش السبب

نضف البوابة واخواتها
والاهم المانيفولد

http://www.nilemotors.net/Nile/103773-a.html

https://www.youtube.com/watch?v=cCjO8JThVpo

https://www.youtube.com/watch?v=ZMa0nom1iwc

**tasaka** · 26-04-2015 01:09 AM

المشاركة الأصلية كتبت بواسطة carrier

لأ
الرشاشات واضح انها مش السبب

نضف البوابة واخواتها
والاهم المانيفولد

http://www.nilemotors.net/Nile/103773-a.html

شكرا لردك
و شكرا للرابط للموضوع اللى فى المنتدى و لكن هو استعمل منظف كربيرتير .. المفروض يكون throttle Body Cleaner موش منظف كربيرتير .. و انا دورت كتير و لم اجد الا منظف كربيرتير فقط و هذا خطأ استعماله للانجكشن حسب علمى

و برضه حساس الايدل لا اظن انه من الصح ان نضع بداخله زيت باور او ان نستعمل بداخله منظف كربيرتير

انا بأفكر جديا بأستعمال الطريقه دى .. تنظيف بالماء .. و لكن بعد ما أقرأ عنها كويس !! توجد مخاطر لاستعمالها لو استعملت خطأ بسبب ان الماء لا ينضغط ( عوج صبابات .. تجيب وش سلندر .. بساتم .... )

يجب ان يكون المحرك ساخن قبل البدء .. رش الماء ( بكميات صغيره ) حتى يتغير صوت الموتور و لحظتها يجب ايقاف الرش فورا حتى يعود صوت الموتور للانتظام .. يتم تكرار ذلك لعده دقائق ( من 2 الى 5 دقائق )

الفكره ان الماء يتمدد لحوالى 1500 ضعف ( حسب ما اتذكر ) و يقوم بتفكيك الكربون و طرده

بعد الانتهاء يتم ياده السياره قليلا للتخلص من بقايا الكربون و التكثيف

[youtube]https://www.youtube.com/watch?v=nOoIuBu5xO4[/youtube]

[youtube]https://www.youtube.com/watch?v=bv4a3k-6Z4w[/youtube]

[youtube]https://www.youtube.com/watch?v=eZDISp2pdSo[/youtube]

تحياتى و تقديرى

**tasaka** · 26-04-2015 01:30 AM

و فيديو آخر

[youtube]https://www.youtube.com/watch?v=bv4a3k-6Z4w[/youtube]

**tasaka** · 26-04-2015 01:49 AM

لما العربيه اللي معايا 800 سي سي تلاتة سلندر واللتر يمشيني 17 كيلو ..يعني الخمسة لتر وشوية يمشوني 100 كيلو ...يبقى حضرتك 2000 سي سي وعاوز تمشي بال 11 لتر 100 كيلو

ال 2000cc هى مرتين و نصف ال 800cc
بنفس طريقه حسابك 800 cc بتعمل 400 كم فى الصفيحه
تبقى بنفس طريقه حسابك ال 2000 cc تعمل 160 فى الصفيحه ( بالنسبه للمرتين و نصف ) .. موش 115 كم و 120 كم اللى كانت بتعملهم ( ده ال 6 سلندر حتعمل احسن من الرقم ده )

**moody professo** · 30-04-2015 03:38 PM

بص يا باشا ..مش قدامك اي حل غير بيبو روحله وادعيلي
https://www.facebook.com/groups/696916790391037/

**tasaka** · 30-04-2015 06:13 PM

المشاركة الأصلية كتبت بواسطة moody professo

بص يا باشا ..مش قدامك اي حل غير بيبو روحله وادعيلي
https://www.facebook.com/groups/696916790391037/

شكرا .. و ندعى لك من غير ما نروح لبيبو .. كفايه اهتمامك

انا ليس لدى حساب فيسبوك .. ممكن تضع عنوانه او تليفون هنا

مع الشكر

الموضوع: كيف يتم تنظيف الرشاشات

LinkBack

أدوات الموضوع

عرض

-

-

المواضيع المتشابهه

تجربتى مع حساس الأيدل فلتر البنزين تنظيف البوابه تنظيف التانك تنظيف الرشاشات بالكلينر

اماكن تنظيف دورة التبريد و تنظيف الرشاشات

هل سائل منظف الرشاشات وقاية ام علاج فى حالة احتياج تنظيف الرشاشات ؟؟

هل منظف الرشاشات وقاية ام علاج فى حالة احتياج تنظيف الرشاشات ؟؟

تنظيف الرشاشات

الكلمات الدلالية لهذا الموضوع

المفضلات

المفضلات

ضوابط المشاركة