الموضوع: كيف يتم تنظيف الرشاشات

المشاركة الأصلية كتبت بواسطة m_m_sh_a

ثرموستات الكوع متشال ولا لأ ؟؟؟...وصدقني وعن تجربة ..ثرموستات الكوع بيفرق تماما في إستهلاك البنزين ..ممكن تقعد تنظف رشاشات وتصرف قد كده وبرضه الإستهلاك مش هيعجبك ..إتأكد إن ثرموستات الكوع ركب

في طريقة تنظيف عن طريق المنظفات اللي بتتحط في تنك البنزين وفي طريقة بالألترا سونيك دول المكانين اللي أنا عرفتهم في إسكندرية

مركزين اتنين واحد في ميامي والتاني في فلمنج
1- مركز الدكتور اسامه في ميامي اخر شارع يمن من خالد ابن الوليد حتخش الشارع وتسال والف مين حيدلك الفك والتنظيف والتركيب ب150 جنيه
2- مركز المهندس محمد علي في فلمنج اخر شارع يمين في مصطفى كامل قبل ما تحصل الشارع اللي يطلعك على شبايك وسوبر ماركت بسام حتخش الشارع تاني شارع شمال حتلاقي المركز في اخر الشارع الفك والتنظيف ب 100 جنيه

شكرا لاهتمامك

1- ثرموستات الكوع راكب .. و الحراره كويسه و المياه مبرده و ليست حنفيه ( و انا عمرى ما اشيل ثرموستات كوع نهائى من اى عربيه )

2- جربت المنظفات ( للدوره كامله بما فيها الرشاشات ب 65 جم )

3- اى المركزين دول احسن فى الشغل ميامى او فليمنج ( انا شايف فرق سعر 100 و 150 جم )

4- هل ممكن ميكانيكى عادى بيشتغل عربيات حديثه ينضفهم و لا لأ

5- هل سبب الاستهلاك الزايد رشاشات ام شيئ آخر من وجهه نظرك .. و هل التنظيف حيفرق ؟؟؟؟

تحياتى

ايه علامات احتياج الرشاش للتنظيف

معايره استهلاك البنزين زى ما بيقول الكتاب .. و طول عمرى بأعمله .. من نفس البنزينه ( موبيل ) و كمان من نفس الطلمبه .. حتى خروج البنزين من الزور ( و احيانا حتى تكه الطلمبه فقط ) و تصفير العداد

مفيش اعراض للرشاش .. لا برجله و لا صوت و لا هباب

بس العربيه كان فيها بوجيهات مرطبه و استعمال شهر فى السنه و كنت بأشم رائحه بنزين نى .. و بعد تغيير البوجيهات ( شمعه واحده حسب مواصفه العربيه ) عرقت ميه فى الحال ( بارده او سخنه ) و برده الاستهلاك لم يتحسن كثيرا عن الاول يعنى بدل 120 كم بقت 130 كم فى الصفيحه

انا سمعت عن الدكتور بتاع ميامى قبل كده .. بس على انه ميكانيكى كويس

هل تكون كونت كربون مثلا و لا ما تلحقشى بسبب البوجيهات .. احترت

.بس برضه في نظريه بتقول إن الرشاشات بتنضف نفسها بنفسها

ممكن التوضيح اكثر لو سمحت مع مراعاه ان العربيه عامله 12 الف يعنى الرشاشات لسه عليها كتير على ما اعتقد

.مش العربية 2000 سي سي؟؟؟ ..يعني هي بحساباتك بتعمل 15 لتر في ال 100 كيلوا ..طيب حضرتك عايز إيه ..أنا آسف في اللفظ ومع إعتذاري ..هتنهب يعني زي ما بيقولوا ..ما المعدل ده كويس مش وحش على 2000 سي سي

العربيه واحد كامه و انجكشن .. واحد صاحبى جايبها زيرو من 2007 .. و عربيته عامله 150 الف كيلو و الاستهلاك معاه دلوقتى 140 فى الصفيحه بالتكييف و مقيم فى سموحه يعنى عز الزحمه .. كل الزملاء فى موضوع " كل شيئ عن 620 " الاستهلاك عندهم 180 كم فى الصفيحه جوه البلد و اثنين منهم على الاقل مقيمين فى القاهره

و انا معظم طريقى كورنيش ( 95% من الوقت ) و مواعيد طريق قاضى و مشى هادئ بدون قرص .. يعنى ده مشى اشبه بالطوالى موش مشى جوه البلد .. طبعا فيه مشكله ( 130 كم من غير تكييف )

و كل صنايعى اقابله يستغرب و يقول لى العربيه دى اقتصاديه ( و انا بصراحه بأستغرب من كلامهم و ايضا من رقم 170 او 180 جوه البلد برضه !! ) .. لكن الكل شبه مجمع على الارقام دى

عموما لو عايز حد بتاع اسبرانزا فيه واحد في الدخيله إسمه العيسى ..مشهور وعامل شغل كويس .وفيه واحد في السلطان حسين بس مش عارف إسمه واحد قريبي كان بيروحله ..لكن بتاع الدخيله ده كويس وسهل مكانه وواحد قريبي بيروحله برضه ..بس أنا عارف مكانه عشان بعدى من عليه وأنا مروح بيتي في العجمي .

ياريت لو تعرف تليفوناتهم خصوصا بتاع الدخيله اللى انت بتشكر فيه ده

تحياتى