الإعتراف بالكليات الخاصة بين النقبات المهنية والتعليم العالي!

بسم اللَّه الرحمن الرحيم:
في تنسيق السنة الي فاتت التعليم العالي عمل حد أدنى للقبول بكليات الاسنان و الصيدلة الخاصة ٨٥٪
بمعنى إن الي معاه ربع مليون ممكن يخلي ابنه دكتور ويساويه باللي جايب ٩٧٪.
طيب المشكلة إن المبدأ غلط من أساسه. وللأسف نقابة أطباء الأسنان ونقابة الصيادلة صلحوا الغلط بغلط أكبر
وهو *شرط ال٥٪* يعني عشان حضرتك تاخد كارنيه النقابة لازم تقل ٥٪ عن أدنى كلية حكومية لنفس التخصص(أسنان-صيدلة). يعني مثلا لو أقل صيدلة أو أسنان نسبتها ٩٧٪ يبقى لازم ابقى جايب ٩٢٪ .الكلام ده بيتم احتسابه طبقا لسنة الحصول ع الثانوية العامة.
ولمن أراد التأكد المؤتمر موجود ع النت .
وهتشوف في المؤتمر أن النقابة واثقةة في نفسها وبتقول أن التعليم العالي ميقدرش يتدخل بين النقابة وأعضائها.ده غير تطاولهم ع الكليات الخاصة(تعليمهم فاشل-دكتور ٨٥٪-بيضحكوا ع أولياء الأمور ..إلخ)
عضو نقابة الصيادلة بيقول"حتى لو رفعوا قضية هنحترم القضاء ونديله إذن مزاولة المهنة لمدة يومين وبعدين نسحبه منه!!) "يعني إنتوا بتدفعوا ربع مليون -ده إذا الطالب نجح لأن معظمهم بيسقط والمبلغ بيزيد-عشان يبقى معاكم ورقة لا تودي ولا تجيب البكالريوس يعني)
من الواضح أن النقابة رافضة التعليم الخاص !
واحنا اللي واقعين في النص بين النقابة و التعليم العالي!
أنا كتبت الموضوع ده عشان الناس تاخد فكرة عن الحرب بين النقابة والتعليم العالي!

اكون صريح معاك

انا لو عيان مش هاروح لدكتور خريج جامعة خاصة ....

اكون انا كمان صريح معاك و اقولك انا لا أثق فى خريج الجامعة الخاصة.

طب المشكله ان المريض هايعرف ازاي ان الدكتور
خريج جامعه خاصه وﻻ حكوميه
مش كل اﻻطباء بيعلق شهاد التخرج في العياده

هههه عنصرية الشعب المصري
انا خريج جامعة خاصة اسنان
انا لو عيان مش هروح لدكتور جامعة حكومية
يليه بقى ؟؟؟؟؟؟
الاسنان مثلا لازم تصرف كتير جدا عشان تبقى دكتزر محترم وده لا اعتقد ان دكتزر جامعة حكومية ممكن يكون معهوش فلوس عشان يجيب material يتعلم بيها

كلمه في ودنك براحه كده (( الطبيب المصري حكومي سئ جداا والخاص سئ بس ))

هههه عنصرية الشعب المصري
انا خريج جامعة خاصة اسنان
انا لو عيان مش هروح لدكتور جامعة حكومية
ليه بقى ؟؟؟؟؟؟
الاسنان مثلا لازم تصرف كتير جدا عشان تبقى دكتور محترم وده لا اعتقد ان دكتور جامعة حكومية ممكن يكون معهوش فلوس عشان يجيب material يتعلم بيها

كلمه في ودنك براحه كده (( الطبيب المصري حكومي سئ جداا والخاص سئ بس ))
دكتور الاسنان محتاج 1000 شهريا مواد خام عشان يتدرب لو انت تثق في دكتور جامعه حكومية ممكن يكون والده موظف ب 1500 شهريا يقدر يوفر المبلغ ده يبقى نكلم

بره في الدول العالمية المحترمة مفيش حاجة اسمها دكتور بمحموع عالي وواطي زي عندنا


كلمه على جنب (( نقابة الصيادلة ايه اللي جيه تتكلم دي دي بتخرج بقالين **

هي معركة بين النقابات والتعليم العالي.
يؤسفني أقولك ان النقابات هي الخاسر في النهاية. كل اللي بيعملوه ده أسلوب ضغط على أمل انه يجيب نتيجة مستقبلاً.
لكن واحد معاه بالكوريوس مُعتمد من التعليم العالي ويقولّه مش هتتقيّد عندي وملكش مزاولة مهنة؟ دي عمرها ماهتحصل.

التعليم الخاص في مصر .. نشأ في رحم التحالف .. بين مهنيين ارادوا بابا خلفيا لتوريث عياداتهم و مكاتبهم .. و اساتذة جامعيون فتشوا عن الثراء في اكشاك البيزنس .. مسكينة هي هذه النقابات المهنية .. ستتعرض لضغوط جبارة .. و الخيانة من داخلها .. فكم من اعضائها يشقيهم غلق مثل هذه نوافذ امام اولياء العهد !

الامر بسيط جدا ....سواء تعليم خاص او جامعة حكومية ...اعملوا امتحانات صح ....امتحانات موحدة.....بحيث محدش ينجح غير الشاطر........الدكاترة اللي بيدرسوا في الجامعات الخاصة منتدبين من الجامعات الحكومية و تابعين للنقابات ...ليه بينجحوا من لا يستحق النجاح ثم يرجعوا يشتكوا.....لو هم واثقين في الدكاترة الحكوميين اللي بيدرسوا المفروض يثقوا في الخريجين
كلمة اخرى من يسمع هذا الحديث يظن ان الجامعات الحكومية تقترب من اكسفورد او هارفارد....محدش واخد باله ان معظم الجامعات المصرية خارج التصنيف العالمي
ثم ان فرق ال5% ليس هو الذي سيصنع زويل اخر
موضوع طب و صيدلة و اللي معاه ربع مليون حايخلي ابنه دكتور......بيفكرني بايام الستينات و عبارة كليات القمة التي قاربت على الاندثار
خلاصة القول و بعيدا عن التعصب لو النقابات تريد الخير من غير تعصب اعمى و استعلاء.... عليها ان توجه طاقتها الى الحرص على ضمان اختبارات موحدة...و عليها الرقابة اللاحقة بعد التخرج سواء من الحكومي او الخاص فلم نسمع عن نقابة حاسبت احد مهنيا.....رغم المهازل اللي بنسمعها

[
لا يلزم ان يكون طالب الحكومى ممعهوش فلوس لكن فى الغالب طالب الجامعة الخاصة بيكون مجابش مجموع الحكومى فاشتراها بفلوسه
و بحكم انه اشتراها بفلوسه و بحكم ان مستواه مش مستوى دخول الكلية ففى الغالب بيكون مستواه اقل

اقتباس:

---

المشاركة الأصلية كتبت بواسطة samyyousef

الامر بسيط جدا ....سواء تعليم خاص او جامعة حكومية ...اعملوا امتحانات صح ....امتحانات موحدة.....بحيث محدش ينجح غير الشاطر...

---

مشكلتنا مفيش نظام بجانب الفساد و المحسوبية
المشكلة مش امكانيات انت بالامكانيات المتاحة ممكن تصنع اشياء مهولة
تأييدا لكلامك امتحان زمالة الكلية الملكية للباطنةmrcp
ما شرط دخول الامتحان؟
فقط ان تكون خريج كلية الطب
بتشتغل اشسعة بتشتغل نسا بتشتغل بلا ازرق ملناش دعوة
بس ادخل الامتحان و لو جدع انجح
هم نفسهم كاتبين كده(الى هيدخل الامتحان يختار اجابات بالحظ مش هيجيب اكتر من 20% يعنى هيسقط بالثلث)
عشان كده شهادتهم محترمة على مستوى العالم

طب سؤال للشباب اللي رافضين الجامعات الخاصة
ايه الفرق بين الجامعة الخاصة والمدارس الخاصة اللي اولياء الامور بيقفوا طوابير قي بداية كل سنة دراسية من اجل التقديم لاولادهم
انا وجهة نظري ان مثلما التعليم الخاص من الحضانة الى الثانوية افضل من التعليم المتخلف الحكومى يبقى اكيد التعليم الخاص في الجامعة افضل من الحكومي


يكفي الجامعات الحكومية ان من يقال عنهم دكاترة يعاملون الطلاب معاملة العبيد في سوق النخاسة


ومن سنحت له الفرصة لكي يحصل على ماجستير او دكتوراه من خارج مصر سوف يعلم مستوى الانحطاط الاخلاقي والمهني في الجامعات الحكومية

وبعدين من المعلوم بالضرورة ان اي خدمة يقدمها القطاع الخاص افضل من الحكومي بداية من ؟...... الى_(((((

اقتباس:

---

المشاركة الأصلية كتبت بواسطة subhimust

طب سؤال للشباب اللي رافضين الجامعات الخاصة
ايه الفرق بين الجامعة الخاصة والمدارس الخاصة اللي اولياء الامور بيقفوا طوابير قي بداية كل سنة دراسية من اجل التقديم لاولادهم
انا وجهة نظري ان مثلما التعليم الخاص من الحضانة الى الثانوية افضل من التعليم المتخلف الحكومى يبقى اكيد التعليم الخاص في الجامعة افضل من الحكومي


يكفي الجامعات الحكومية ان من يقال عنهم دكاترة يعاملون الطلاب معاملة العبيد في سوق النخاسة


ومن سنحت له الفرصة لكي يحصل على ماجستير او دكتوراه من خارج مصر سوف يعلم مستوى الانحطاط الاخلاقي والمهني في الجامعات الحكومية

وبعدين من المعلوم بالضرورة ان اي خدمة يقدمها القطاع الخاص افضل من الحكومي بداية من ؟...... الى_(((((

---

الفرق انك ممكن تختار المدرسة الحكومى لكنك تذهب للمدرسة الخاصة
لكن فى الجامعات العكس مش هتدخل الجامعة الخاصة الا لو مضطر
يعنى مش هتبقى جايب مجموع الحكومى و تروح الخاصة
بالنسبة لمستوى التعليم فهو زفت فى الجميع
بالنسبة للدكاترة الذين يعاملون الاطباء معاملة العبيد هم هم نفس الدكاترة الذين يدرسون فى الجامعات الخاصة فان تغير اسلوب معاملتهم فهذا مؤشر على المحاباة
و حضرتك عارف ان نسبة النجاح و السقوط بتتأثر بمزاج الاستاذ الدكتور و سياسة الجامعة
يعنى ممكن دكتور بيسقط نصف الدفعة فى الحكومى هو نفسه ينجح الدفعه كلها فى الخاص
الحل هو امتحان صعب محترم موحد على الجميع
و مش مهم مين يدخله ان شا الله واحد من جامعة فى تنزانيا
نجحت يبقى انت وصلت للمستوى المطلوب سواء كنت ابن استاذ او من جامعه خاصة او حكومى
سقطت يبقى انت لسه

اقتباس:

---

المشاركة الأصلية كتبت بواسطة subhimust

هههه عنصرية الشعب المصري
انا خريج جامعة خاصة اسنان
انا لو عيان مش هروح لدكتور جامعة حكومية
ليه بقى ؟؟؟؟؟؟
الاسنان مثلا لازم تصرف كتير جدا عشان تبقى دكتور محترم وده لا اعتقد ان دكتور جامعة حكومية ممكن يكون معهوش فلوس عشان يجيب material يتعلم بيها

كلمه في ودنك براحه كده (( الطبيب المصري حكومي سئ جداا والخاص سئ بس ))
دكتور الاسنان محتاج 1000 شهريا مواد خام عشان يتدرب لو انت تثق في دكتور جامعه حكومية ممكن يكون والده موظف ب 1500 شهريا يقدر يوفر المبلغ ده يبقى نكلم

بره في الدول العالمية المحترمة مفيش حاجة اسمها دكتور بمحموع عالي وواطي زي عندنا

---

اول ما اخترعوا الكليات كانت حكومية .الكليات الخاصة دي بدأت تنتشر من كام سنة؟كمان الكليات الحكومية بها طلبة قادرون و كان مجموعهم عالي فوفروا و دخلوا كليات حكومية و تفوقوا و بيشتروا ال material اللي حضرتك ذكرتها . و معظم طلبة الكليات العملية مش بيعتمدوا علي اللي الكلية بتوفره بس و بيشتروا علي حسابهم حاجات كثيرة. طبعا مش هافتي في حاجة مش تخصصي لكن المهم ان الناس زمان كانت بتروح للدكاترة و تتعالج و بردة فيه دكتور شاطر و دكتور مش شاطر خريج نفس الجامعة .و كانت الناس برده بتروح لدكاترة الاسنان و تتعالج و انا واحدة منهم و الحمد لله اتعالجنا . المهم الدكتور و شطارته و خبرته و ضميره بغض النظر عن الكلية خاصة او حكومية.
الي بيخاف من خريج الجامعة الخاصة بيكون لسبب واحد مش مجموعه في الثانوية العامة لان ده مش شرط تفوقه في مجال معين وكمان الكليات الخاصة لها حد ادني يعني مفيش كلية عملية هتقبل مثلا 70 و لا 60 % .انما الخوف من ان اللي داخل بفلوسة انه يكون بينجح برده بفلوسه . ده خوف و مجرد شك غير مؤكد، لكن الواقع ممكن يكون غير كدة و الادارة تكون شديدة مع الطلبة مثل الجامعات الحكومية.

اقتباس:

---

المشاركة الأصلية كتبت بواسطة subhimust

هههه عنصرية الشعب المصري
انا خريج جامعة خاصة اسنان
كلمه على جنب (( نقابة الصيادلة ايه اللي جيه تتكلم دي دي بتخرج بقالين **

---

نقابة الصيادلة بتخرج بقالين ؟. انت شايف خريجي صيدلة بقالين ؟؟؟ رغم انك دكتور اسنان و برده بتقول كده؟
انت تعرف ايه عن منهج كلية الصيدلة؟ تعرف ايه عن خمس سنين نظري و عملي و شفوي و نظري العملي.
طب لما هما بقالين منقفلها بقي و ابقي روح اشتري الدواء من البقال .و لما هما بقالين ليه لازم مجموع عالي في الثانوية العامة .متخليها بعد الاعدادية احسن.
لما بتوصف لمريض مسكن ولا مضاد حيوي ولا حتي غرغرة ، بتعرفه ازاي و ازاي بتعرف الاحدث في السوق مش من ال medical representatives اللي هما الصيادلة البقالين بيعدوا علي حضرتك يعرفوا حضرتك الجديد او حتي القديم في السوق ؟
و مين اللي بيصنع الدواء ده و فين . مش في مصنع الادوية اللي بيشتغل فيه البقال الصيدلي في ال production؟ و مين اللي بيحلل الدواء ده عشان يتأكد من التركيبة و كمية المواد الفعالة ؟. البقال الصيدلي اللي في ال quality control اللي بيتعرض لكيماويات عشان يحلل الدواء.
ونرجع للاول مين اللي اخترع الدواء اساسا و مين اللي بيطور فيه و بيجربه علي المتطوعين عشان يكون في التركيبة النهائية و يحدد الجرعة السليمة ؟ البقال الصيدلي.
لا صحيح بقالين!!!!!

اقتباس:

---

المشاركة الأصلية كتبت بواسطة subhimust

هههه عنصرية الشعب المصري
انا خريج جامعة خاصة اسنان
انا لو عيان مش هروح لدكتور جامعة حكومية
ليه بقى ؟؟؟؟؟؟
الاسنان مثلا لازم تصرف كتير جدا عشان تبقى دكتور محترم وده لا اعتقد ان دكتور جامعة حكومية ممكن يكون معهوش فلوس عشان يجيب material يتعلم بيها

كلمه في ودنك براحه كده (( الطبيب المصري حكومي سئ جداا والخاص سئ بس ))
دكتور الاسنان محتاج 1000 شهريا مواد خام عشان يتدرب لو انت تثق في دكتور جامعه حكومية ممكن يكون والده موظف ب 1500 شهريا يقدر يوفر المبلغ ده يبقى نكلم

بره في الدول العالمية المحترمة مفيش حاجة اسمها دكتور بمحموع عالي وواطي زي عندنا


كلمه على جنب (( نقابة الصيادلة ايه اللي جيه تتكلم دي دي بتخرج بقالين **

---

لا و الله جديدة دي

يعني حضرتك شايف ردي عنصري لاني شايف ان كفاءة خريج الجامعة الخاصة اقل

في حين ان حضرتك شايف قطاع مهني كامل بقالين ..... و دي مش عنصرية من وجهة نظرك

أرجوكم يا جماعة القصة مش اننا نقول دي وحشة و دي حلوة
سبب الموضوع حاجتين
١-تحذير
٢ لو حد يقدر يفيدنا بحاجة

لنكن حياديين الكليات الحكومية بيخشها فعلا ناس المفروض مستواهم اعلى من الكليات الخاصة وده الغالب الا مع بعض الحالات الى بالبلدى بتحفظ مش بتفهم ولكن برضه فى ناس بتحصلها اى ظروف ومش بتلحق كليات حكومية وبتضطر تخش خاص وبيقبى مستواهم عالى وحلو وكان ممكن يخش حكومى لولا الظروف الى حصلت ولكن برضه فى الكليات الخاصة مستويات متستهلش انها تخش الكلية ولكن برضه فى الحكومى ناس داخله بالغش مثلا وهكذا يعنى ممكن الى مستواه حلو كان يخش الحكومى ولو حصله ظروف ميلحقش حكومى يخش خاص وممكن واحد مستواه مش حلو يغش ويلحق حكومى او حتى بلاش يغش ممكن مكنش ثانوى عام كان دبلومه امريكية على سبيل المثال وممكن يخش خاص دى او نقطة تانى نقطة بقى هى مستوى التعليم الى اكيد فى الخاص اعلى من الحكومى والمعامل والادوات وووو الى اكيد موفرينها ومهتمين بيها اكتر فى الخاص ولكن حته النجاح والسقوط دى حاجة جانبيه بالنسبة ليا لاكثر من سبب اهما انك فرضا ان مستواك مش حلو وهتقعد تسقط كتير بس فى الاخر هتتخرج برضه الفكرة بس انا على فكرة فى كليه حكوميه ان الى فى كليه حكومية بيبقى متضايق من الى فى خاصة لانه شايف انه بينجح بالمحاباة ودى نقطة ممكن تكون صحيحة وانه واحد تعب فى ثانوى علشان يلحق كلية حكومى وواحد مذاكرش ودخل بفلوسه جامعة وفى الاخر الاتنين هيتساوو ببعض وممكن كمان خريج خاصة يعرف يشتغل اسرع او احسن من بتاع حكومى وانه بياخود فرصته مثلا

يعنى بطريقة بسيطة
واحد مستواه حلو ودخل حكومى وذاكر واتخرج
وممكن تبقى مستواك حلو تخش حكومى ومعتش تذاكر و تتخرج بعد كتير بالعافية
واحد مستواه حلو مجبش حكومى دخل خاص وذاكر واجتهد واتخرج
واحد مستواه وحش دخل حكومى بالغش او باى طريقة واتخرج بالعافية
واحد مستواه وحش دخل بالفلوس خاص واتخرج برضه بالعافية
فمش لازم تحكم على واحد علشان خريج حكومى او خاص

عنصرية ايه !!!!
انا شغال فى مجالى بقالى 15 سنة لم ارى خريج جامعه خاصة على المستوى المطلوب.
بلاش دى.
ليا صديق بعد تخرجه اشتغل فى معهد من المعاهد الخاصة و هو مستواه العلمى ممتاز بعد 6 اشهر سابه و السبب طبعا" معروف لما يحدث داخل هذه الكيانات.
حضرتك فتحت موضوع و احنا قولنا رأينا بصراحه.

اقتباس:

---

المشاركة الأصلية كتبت بواسطة exelence

عنصرية ايه !!!!
انا شغال فى مجالى بقالى 15 سنة لم ارى خريج جامعه خاصة على المستوى المطلوب.
بلاش دى.
ليا صديق بعد تخرجه اشتغل فى معهد من المعاهد الخاصة و هو مستواه العلمى ممتاز بعد 6 اشهر سابه و السبب طبعا" معروف لما يحدث داخل هذه الكيانات.
حضرتك فتحت موضوع و احنا قولنا رأينا بصراحه.

---

يا فندم مش أنا اللي بتكلم عن العنصرية :)
بس افهم من كلامك ان الجامعات الحكومية هي اللي بتعلم صح؟
اكيد لا :)
ثم ايه الغرض اني احدد نسبة 5% اشمعنا يعني ؟
مهو انا ممكن ادخل علوم بنفس النسبة دي وعلوم في قيم "bio"!
يعني فرقت في ايه؟
وليه اعذب اولياء الامور الي دخلوا اولادهم كليات خاصة عشان الحرب السخيفة دي ؟!

اقتباس:

---

المشاركة الأصلية كتبت بواسطة محمود حسن

يا فندم مش أنا اللي بتكلم عن العنصرية :)
!

---

خلاص يا افندم نبعد عن موضوع العنصرية و خلينا فى موضوع الجامعات الحكومية انا مش باقول انها بتعلم صح لكن الطالب فى الجامعة الحكومية عارف و متاكد انه لو ما ذاكرش كويس هيسقط و عمر ما حاجه هتخليه ينجح الا بالتعب و الشقاء. فدى بتخليه مقبل على انه يتعلم و يفهم.

لكن طبعا" فى الخاصة الطالب أولا" بيحس ان فيه عامل مساعد ليه وهو فلوسه ده بالاضافة ان الدكاتره بتبقى واخده توجيهات بان المادة تبقى سهله إن لم تكن تافهه و المنهج يكون صغير بقدر الإمكان علشان الطالب ما يكرهش المكان و الحاجات دى انا شفتها بنفسى.

فى الآخر عاوز اقول بردو للحق ان صوابع ايدك مش زى بعضها لأن فيه طلاب بتبقى داخله الجامعات الخاصة و حاسس إنه أخيرا هيحقق حلمه فبتلاقيه مقبل على المذاكرة لكن للأسف بردو النظام هناك بيخليه يقلب على الوش التانى.

ا ول مره اشارك ف موضوع من سنين ... بالنسبة بس للكلام عن الجامعات الخاصه انا اعرف ناس جابت مجموع يدخلها كليات قمه حكومه و راحوا للخاصه بمزاجهم عشان فرق كبير ف المعامل تبقى حاجتك انت اللي شغال عليها غير اما يبقى عليها 50 واحد انا ف جامعه خاصه بنزل من السبت للخميس من الساعه 9 ل 5 3 ايام و ف الاسبوع و الباقي من 9 ل 3 غير امتحانات يوم الجمعه غيابك عليه درجات 4 محاضرات غياب تتحرم من الامتحان مشوفتش حد ف دفعتي نجح واسطه او فلوس مذاكر بتجيب تقدير مش مذاكر بتسقط و بتدفع تمن الماده تاني كفاية عندي كلمه من صحابي اللي ف حكومه " احنا كده مدلعين بالنسبالكو " يا ريت بلاش استفزاز بس عشان اللي دخل حكومه كان حافظ بيت شعر دخله حكومه و انا دخلت خاصه عمرها ما كانت بمجموع الثانويه العامه