فى واحد صاحبى نصحنى و قالى أغير مية الريداتير من مية عادية لمية خضرا عشان يبقى التبريد أحسن و كمان عشان الريداتير مايتسدش من البلاوى الى فى مية الحنفية يا ترى إيه رأيكوا فى الحكاية دى و إيه فرقها المية دى عن العادية
عرض للطباعة
فى واحد صاحبى نصحنى و قالى أغير مية الريداتير من مية عادية لمية خضرا عشان يبقى التبريد أحسن و كمان عشان الريداتير مايتسدش من البلاوى الى فى مية الحنفية يا ترى إيه رأيكوا فى الحكاية دى و إيه فرقها المية دى عن العادية
طبعا مهم جدا تغيرها بالمياه الخضراء زى ماقلت
لانها هى بتساعد على تبريد الموتور اكثر من مياه الحنفيه
هذا ناهيك على انها بتمنع تكوين الصدأ والرواسب
ويمكنك شراء زجاجه مياه خضراء وتزويد الرادياتير بها او ممكن تزود بمياه خضراء + مياه حنفيه بنسبه1 : 2
إيه يا جماعة محدش رد ليه؟؟؟؟؟؟؟؟؟؟؟؟؟؟؟؟
كل التحية و التقدير ليكم و لل المياه الخضراء:k49:
هي يا جماعة ممكن تكون خضرا او حمرا مش مهم اللون
المهم ان الماده دي بيكون اسمها إيثلين جلايكول ودي كويسة جدا لانها ذات صفات فيزيائية وكيميائية تمنع ارتفاع درجة حرارة سائل التبريد وكمان بيمنع حدوث صدأ في دورة التبريد
واللي أعرفه انه بيكون كمية السائل في دورة التبريد نصها مياه عادية ونص مية خضر او حمرا او اي لون
بس خلي بالك انه في انواع كتير مضروبة في السوق يعني مية ولون وخلاص ولا جلايكول ولا سحلول :smilielol5:
اشتري نوع نضيف من مكان محترم وانا أنصح بالنوع الموصى به في عربيات فولكس ودي بيكون لونها أحمر مش أخضر بس أسمع انها ممتازة وبتعيش فترة طويلة بس بشرط مايكونش في تسريب في دورة التبريد عندك او المية بتنقص باستمرار لانه في الحالة استخدام السائل المبرد هيكون مضيعة فلوس.
ولو جبته متحطهوش على المية الموجوده حالياً في الرادياتير لازم تصفيه وتغسله بمية نضيفة وتصفيه تاني وبعدين تحط المبرد + الميه
في ناس معاها فلوس زياده حبتين وبتستخدم مع المبرد ميه مقطرة (بتاعة البطارية) لضمان ان دورة التبريد ليس بها اي نوع من الأملاح اللي بتكون في مية الحنفية العادية وده بالتأكيد بيدي نتائج تبريد أفضل وتيان الحكاية دي في الصيف أكتر وكمان مع تشغيل التكييف.
أرجوأ اني اكون افدتك ...
تحياتي.....
سعرها كام دى يا شانكوسى وبتتجاب منين بالظبط؟ ، وياترى أعرف منين إنى محتاج أغير المياه؟.