هل تغيرت سياسات مودرن موتورز؟

**scientist9508** · 23-04-2015 05:07 PM

بسم الله الرحمن الرحيم

الاخوه الافاضل

لقد اخذت قرار بالتوقف عن التعامل مع مودرن موتورز بعد شجارات متعدده و خلافات كثيره ثم تحرير محضر ضد الشركه فى جهاز حماية المستهلك ثم تصعيد المحضر للجنة الخبرا بالجهاز.

سمعت من بعض الاخوه حديثاً بانهم قد اجروا تغيرات كثيره. . . . . . فهل التغييرات للافضل ام للاسوا؟

السلام عليكم و رحمة الله و بركاته

**ahmed_moeaz** · 24-04-2015 04:38 PM

توكيل القباري ف اسكندرية الناس كلها محترمة فيه عن تجربة وحالياً هما فصلوا السوزوكى عن النيسان فالاهتمام باة افضل خصوصا ان السوزوكى ما شاء الله ف انتشار مبهر بكل موديلاتها بس المشكلة ان فيه عربيات صينى واخدين توكيلها ضموها لصيانة السوزوكى بس اكيد ضغط النيسان غير الصينى ده فالاهتمام افضل اكيد

**scientist9508** · 25-04-2015 03:57 PM

بسم الله الرحمن الرحيم

الأخ الفاضل أحمد معاذ

أشكرك فبل أى شىء على ردك . . و لكن هلا ذكرت من فضلك أى أخبار عن الكفاءه الفنيه . . المماطله فى تصليح الأعطال التى تدخل تحت جناح الضمان . . الأمانه فى تغيير قطع الغيار (عدم إستنزافك بدون داعى)

أكرر شكرى لك

هداك الله لأرشد أمرك و أقومه

السلام عليكم و رحمة الله و بركاته

**ahmed_moeaz** · 25-04-2015 09:44 PM

والله انا لسه محتكتش ف حاجة كبيرة معاهم بس كان كذا واحد معايا بيعمل صيانة واصلاح ومحدش كان بيشتكى بصراحة منهم

**Dr_Smart** · 25-04-2015 10:37 PM

عليكم السلام ورحمة الله وبركاته

الحقيقه انا بتعامل معاهم في ابو رواش من ٢٠٠٩

وفعلا زمان ماكنش فيه اهتمام بسوزوكي والتركيز مع نيسان اكتر

لكن بقالهم حوالي سنه في تحسن في المستوى بشكل عام بعد مافصلو ورشة السوزوكي وده في الغالب سياسه جديده هدفها زيادة الاهتمام والمبيعات لسوزوكي لتشجيع الموديلات الجديدة. المطروحه

ولو قارننا بين توكيل سوزوكي وكيا مثلا ( اللي يعتبر من احسن التوكيلات ) وانا ماتعاملتش في مصر غير مع الاتنين دول
فعايز اقول ان مفيش فرق كبير لا على مستوى الحرفية المهنية ولا خدمة العملاء
ربما يكون توكيل كيا افضل قليلا في توفير قطع الغيار وتغييرها في الضمان اذا لزم الامر
ولكن توكيل سوزوكي افضل في اسعار المصنعيات وقطع الغيار

وبالمقارنة بين تكلفة الصيانه ( شامله القطع والمصنعيات ) بين عربيتي السوزوكي اللي كانت ب ١١٢الف زيرو وياباني وعربية اخويا الكيا اللي كانت ب ٩٠ الف زيرو وكوري .. هتلاقي عربيتي تكلفة صيانتها ارخص

اللي عايز اقوله ان معظم التوكيلات في مصر متوسطه والفروق بينها بسيطه .. والافضل البعد عن التوكيلات اللي سمعتها فعلا سيئة زي توكيل عز العرب بروتون على سبيل المثال ( وده من خلال السمع على المنتدى ولم اجربهم شخصيا )

وربنا يوفق الجميع للاصلح ويستر طريقنا

**scientist9508** · 25-04-2015 11:59 PM

ىسم الله الرحمن الرحيم

الاخ الفاضل د. سمارت

تحيه طيبه منى لك معطره بالشكر لمشاركتك.

اننى اتعامل معهم منذ عام 2009 وهو العام الذى اشتريت سيارتى فيه. . . و الحقيقه اننى رايت منهم فضايح. . . وهى اكبر بكثير من وصفها اخطا. . . . ليس على مستوى التعاملىالشخصى بل حتى على مستوى المهنيه و الكفاه الفنيه. . . . ولولا اننى اخشى عليك من الملل لشرحت لك بالتفاصيل. . . يكفى ان اخبرك انه فى مرة من المرات خرجت من عندهم و سافرت طول الطريق (700 كم و المحرك يسرب زيت)

حقيقة اننى ابحث عن تحسن حالهم من عدمه لاننى احذر كل من يسالنى عنهم.

السلام عليكم و رحمة الله و بركاته