السلام عليكم ورحمة الله وبركاتة
انا عندى استفسار لو حجزت تذكرة طيران وحصل ظرف ومش قدرت اسافر
اية نوع التذكرة الى اقدر استرد بيها الفلوس لو مش سافرت؟
عرض للطباعة
السلام عليكم ورحمة الله وبركاتة
انا عندى استفسار لو حجزت تذكرة طيران وحصل ظرف ومش قدرت اسافر
اية نوع التذكرة الى اقدر استرد بيها الفلوس لو مش سافرت؟
و انت بتشتريها قبل ما تشتري تشوف حاجة اسمها fare conditions
بيبقى مكتوب cancellation شروطه ايه و مسموح لحد قبل السفر بقد ايه و بيتخصم كام و الفلوس بترجع و لا بتاخد كوبون تقطع بيه تاني بعدين
استاذ احمد انا دخلت اشيك لقيت دى الجملة الوحيدة الى موجودة فى سياسة الاسترجاع
The ticket is refundable without fee. In case of partial use, only the residual amount will be refunded.
متهيالى كدة التذكرة قابلة للاسترداد
يا ريت حضرتك تتأكد كويس عشان دة مش طبيعي في التذاكر العادية وعادة بيكون سعر التذكرة غالي.
انا بالفعل مختار اغلى تذكرة موجودة على نفس الطيارة علشان مهمة جدا عندى خاصية الاسترجاع
يعنى السعر العادى الاقتصادية ب 2500 مصر انا مختار اغلى حاجة بحوالى 6000 التذكرة
كده ممكن الاسترجاع
لو استخدم جزء منها هيرجعله الجزء اللى ماستخدموش
التريك هنا (و شرحها لي وكيل سياحة مخضرم من شركة سياحة دولية في مصر) ان الايرلاين بيقيم كل جزء على مزاجه
يعني احيانا بعد ما تستخدم الذهاب في تذكرة زي دي تيجي ترد العودة يقول لك ticket has no value
لان ممكن تبقى التذكرة اجمالا مثلا ب 3000 و تيجي تسترد العودة يقول لك مفيش لان الايرلاين كان عامل خصم عالتوتال و الذهاب تكلفته عليهم 4000
او يبقى درجة التذكرة (و الدرجة هنا المقصود بيها الدرجة الفرعية من الاقتصادي مش المقصود بيها اقتصادي و بزنس مثلا ....... لا .... الاقتصادي مثلا هتلاقيه متقسم H, Y, T, S .....الخ) ....... تلاقي اللي فاضل في التذكرة كلام فاضي (300 و لا 400 جنيه) لان الذهاب كان على درجة فرعية اعلى بكتير من العودة
فعادة استعمال التذكرة جزئيا (نصها مثىلا) مش ضمان ان يرجع لك نص الفلوس و لا حتى اي فلوس
ممكن فعلا !