الموضوع: تقريرعن شراء باسات 2015

ربنا يباركلك فيها ويديك خيرها ويكفيك شرها

الف مليون مبروك وربنا يبترك لك فيها و يكفيك شرها

ربنا يبارك لك فيها

اول فرصة للتجربة على طرق مفتوحة كانت امس..مشيت على 140 حد اقصى يسمح بة طريق اسكندرية ليﻻ .. جربت اشغل مثبت السرعة وظبطة على 112 ورفعت رجلى من البنزين والفرامل وسبتها تمشى نفسها حوالى 100 كيلو تقريبا..التعليق كان ناعم لكن كنت اتمنى يكون احسن من كدة خصوصا عالسرعات العالية..حبيت السواقة على سبورت مود اكتر لانة بيدى النسبة الخامسة من السرعات وانتا ماشى على 120 فى حين ان الدرايف مود بيدى النسبة السابعة وانا شايغها كتير على السرعة دى. الباور ناعم زى المرسيدس.. الوﻻد كانوا بردانين من التكييف الخلفى حتى بعد ماوطيتة .. مخارج الكهربا 12 فولت ومدخل ال aux موجودين بين المقعدين اﻻماميين يعنى مفيش اسﻻك نازلة من التابلوة ورايحة ناحيتك.. الانوار بتتحكم فى زاويتها حسب سرعتك والمدى الى عاوز تكشفة من الطريق ..زجاجات المياة تقدر تحتفظ ببرودتها بوضعها فى ثﻻجة درج التابلوة ..صندوق اﻻمتعة شال كتير اتنين ايس تانك 15 لتر وشنطتين 3 قدم فى اتنين قدم وشنتطتين صغار هاند باج مع غطا العربية ومراية كبيرة 70 فى 50 بكرتونتها .. والكنبة جلس عليها الوﻻد بأريحية بجانبهم شنطة كبيرة واتنين اسكوتر و كورة سلة وكام كيس رفايع..الصوت هادى عالطريق وانت مقفل السيارة لكن فلتر التكييف لم يحجب الروائح السيئة..و لما بتشد فى المنورات للتجاوز معدل التسارع مقبول الى حد ما وكل دة ببنزين 92..السيارة متشال منها كماليات كتير عشان تنزل بسعر منافس يخلص استوك ال b7 زى حساسات الركن و ليدات المصابيح وضم المرايات و نواكل اﻷبواب وبعض نواكل الاكصدامات والفرش قماش مخملى مش جلد ومستقبل البلوتوث والusb و حامل الاكواب بالمخدع الخلفى متشالين..ونبهونى ان الكوريك مش كويس جبتلها كوريك تلسكوبى تويوتا.اﻻرتفاع عن اﻻرض مش كبير ومش صغير يعنى المطبات العريضة بتعدى والمطبات الرفيعة العالية ممكن تحك بسيط اﻻتفاع عن اﻻرض مع كامل الحمولة حوالى 12 سم ودة قليل على طرقنا وبالنسبالى العيب الرئيس فى هذة السيارة عدم وجود مصفحة سفلية زى البيجو والبى ام وياريت لو اعرف معلومة عن مكان بيركب المصفحة زى ما اماكن بتركبها لسيارات سكودا اوكتافيا..

لمشرف القسم المحترم أرجو التثبيت بعد تخطى فولكس صدارة مصنعى السيارات للمرة الأولى خﻻل النصف الأول من عام 2015

تقدمت بطلب لتثبيت الموضوع لزيادة الفائدة خصوصا بعد انتشار السيارة خﻻل الشهور الاخيرة وحصول مجموعة فولكس على المركز الأول لمصنعى السيارات بالعالم خﻻل النصف الاول من 2015

متشكر يا بشمهندس بس لو اعرف الآلية .. ﻻأنى حاسس انها مسألة تقديرية ..