تقريرعن شراء باسات 2015

**عﻻء سالمان** · 13-09-2015 03:41 AM

رحت التوكيل بالعبور بعد ماحجزت موعد صيانة الزحام كان كبير بس حسن اﻹدارة للموظفين سيطر على الموقف ..بيحاولو يمتصوا غضب الستات الى مش عاوزة تتأخر والشباب الفافى الى مش بيحبوا يلتزموا بالدور.. بيلطفوا الجو ويستحملو الناس على قد ما يقدروا ..اﻹستقبال فى قاعة مكيفة فيها شو رووم كان فية التيجوان والجولف والبولو ..الباسات والجيتا كانوا خلصانين.. بيقولوا الجيتا مابقتش منافسة سعريا ﻻنها متجمعة فى امريكا الجنوبية يعنى خارج مظلة تخفيض الجمارك على المنتج الأوروبى .. والباسات عليها ضغط شراء بس فى دفعة او اتنين نازلين منها واحتمال السعر يوصل ربع مليون مقفول بعد آخر زيادات الدوﻻر.. الصيانة اتكلفت 720 جنية وكانت غالية شوية زيت توتال وفلتر وغسل موتور باسبراى خاص ومصنعيات حوالى 150 وضريبة وصلوا التكلفة للمبلغ دة .. بيظبطوا عداد الصيانة على 10000 كيلو او ست شهور ..فهمتهم ان استهﻻكى مبيعملش حتى 2000 كيلوا فى الست شهور وحرام اجى زيارتين كل سنة على الفاضى قالولى خﻻص اتجاهل الرسالة الى هتظهر كمان 6 شهور وهنخليها تسعة؟ قلتلهم 11 شهر ..قالو مفيش مشكلة .. يعنى الضمان سارى ..قالولى سارى طبعا ..خدنا هناك حوالى 4 ساعات عى شغﻻنة متستاهلش نص ساعة بس الىسﻻنا اننا ركبنا البولو والتيجوان والجولف وفحصنا تفاصيلهم الدقيقة ورحنا توكيل كيان للسيات فى ضهرهم وشفنا التوليدو والليون بالتفصيل وخدنا وقت فى الكافى روم بنراجع علة الكتالوجات ونقارن ونبص على اﻹكسسوارات فمحسيناش بالوقت ..الميدالية الأوريجينال كانت خلصانة وتمنها 142 جنية بالضريبة .. وكان فى دواسات تقريبا ب 750 ملقيتهاش مستاهلة وفى فى السوق بربع التمن .. وقالولى ممكن تركب سناسر خلفى ب 4800 وبلوتوث ب 5000..الفوانيس الليدات والمرايات الضم مستحيل ..ﻻنهم عاوزين تغيير الفوانيس بالكامل والضفيرة الكهربية .. والمرايات تتشال بمرايات جديدة فيها مواتير ضم و دى تكاليف فوق اﻹحتمال.. العربيات المركونة هناك مستنية قطع غيار كتير غير عربيات حوادث اللهم احفظنا.. لكنهم على قدر من الكفاءة يخلصوا صيانة 1000 ل 1200 عربية يوميا من غير اى تجاوز او تطاول فى حق اى زبون يتعصب من التأخير.. الى هيشترى جديد يحاول يفاوضهم يشيلوا الراديو سى دى الى فيها rcd 310 ويركبوا الأحدث rcd 510 شكلة احلى وشاشتة اكبر ونفس النسخة الى بتنزل فى الباسات الهاى ﻻين ..

**عﻻء سالمان** · 13-09-2015 04:04 AM

.. والجنوط اﻹسبور ممكن برضة ياخدها بتبديل الجنوط الى عندة فى العربية بفرق 5000 جنية.. وفى تﻻت موديﻻت يختار الى يعجبة ولو حب مقاس 17 او 18 انش هيغير اﻹطارات ..بس الجنط ال 16 احسن من التانيين وسبيكة الجنط العادى افضل من الرياضى ﻻنها معمولة عند صانع المانى محترف ولة اسم كبير.. دا غير ان مصر مش بلد السرعات والغرز..وبالنسبة للفتيس الشغل الشاغل والهديك لأى حد بيفكر يشترى.. الفتيس دة اختراع صممة مهندس شهير لسيارات البورشة الرياضية عشان سباقات الرالى الدولية الى فيها القيادة على مدار 24 ساعة وبيتجرب 2 مليون كيلومتر .. فهو مفهوش مشاكل على الطرق الطوالى لكن مشاكلة وحساسيتة داخل المدن انة عاوز يجرى ومش قادر.. فتﻻقية بيبدل النقﻻت لحد السرعة السابعة وانتا ماشى على الدائرى على خمسين وكل شوية تهدى..فالدرايف مود مش كويس لطول عمر الفتيس داخل المدن وعلى السرعات البطيئة والوقوف المتكرر.. وفى حلين احلى من بعض لتجاوز المشكلة..الأول انك تسوق على اﻹسبورت مود ..هتﻻقى الفتيس بينتقل من خاصية رفع مستوى التسارع لخاصية رفع مستوى الأداء .. يعنى هتﻻقية مبينقلش كتير زى الدرايف مود وبيدى كل غيار حقة قبل ما ينقل للى بعدة يعنى امبارح وانا ماشى على الدائرى بالليل كنت على سرعة 80 وكان مدينى السرعة الخامسة ولو هديت سنة بينزل للرابعه بس عيبة تﻻت حاجات اولها ان صوت الموتور بيعلى لأن النقﻻت بتتغير على 3000 الى 3200 rpm بعكس الدرايف مود الى بينقل على 1500 rpm ومبتحسش بصوت الموتور خالص..لكن السبور مود بيبسطك لو غاوى متعة الأصوات الرياضية .. والتانى ان استهﻻك البنزين بيزيد بس محسبتهاش بالظبط محتاج احسبها على كمبيوتر العربية خدت متوسط استهﻻك وقود كام فى المائة كيلو مثﻻ لكل مود .. فى سفرية متقلش عن 300 كيلو ..والأخير ان تسارع المحرك والتيربوا بالشكل دة مع بنزين مصرى غير النقى ممكن يضر على المدى البعيد.. والحل التانى هو المانوال مود ودة سهل جدة ﻻنك عندك مسند ذراع قابل للضبط على اﻻرتفاع الى يريح ايدك ويادوب تلمس الفتيس لمسة للأمام ياخد الغيار الأعلى ..ولو هديت السرعة بينزل الغيار اوتوماتيك..

**Off-roader** · 13-01-2016 01:46 PM

كان فيه استفسار عن طريقه قفل السيارة. نفرض ان السياره كانت مقفوله و جيت حضرتك عملت unlock , و فتحت الشنطه مثلا تاخد حاجه ثم اغلقت شنطة السياره يدويا. هل فى هذه الحاله العربية بتعمل lock لوحدها و لا محتاج تعمل lock عن طريق المفتاح.

لان انا مره عملت unlock للسيارة بدون ما افتح اى باب او شنطه، رجعت عملت lock لوحدها بعد اقل من دقيقة.