ايهم افضل سوزوكي سويفت ام دايهاتسو شاريد ام اكسيل (تسعينات )

**mif** · 23-04-2015 09:31 PM

يا ريت يا جماعة مقارنة عن خبرة
من ناحية
1- توافر قطع الغيار و منشأها و اسعارها
2- الاعتمادية هل يمكن تستخدم لمسافة 50 - 100 كم يوميا ستة ايام اسبوعيا
3- اعادة البيع
4- استهلاك الوقود و نوعيته 80/92
5- الافضل للركوب

**mif** · 23-04-2015 09:59 PM

**adel_edrees** · 23-04-2015 11:33 PM

انت رايح تشترى عربية مستعملة صح صح يبقى أهم حاجة قطع الغيار صح يبقى أحسن حاجة هى الأكسل

**Abo_Mazen** · 24-04-2015 12:07 AM

أنا هكلمك على أساس الوضع في إسكندرية
السويفت والإكسيل مفيش أي مشكله في قطع غيارهم
الشاريد ..هتتعب في حاجات عشان تجيبها ..ولسه في مشاركه لواحد هنا مش لاقي قاعدة موتور أماميه للشاريد بتاعة صديق ليه وأهو في القاهرة كمان مش في إسكندرية

بالنسبة للسويفت موديل 93 و 94 كانت ياباني ومن 95 لغاية 99 كانت مصري ..يعني أحمد مرعي هو اللي مجمعها ..السويفت من أول ما نزلت لغاية ما إنتهى الشكل القديم اللي هو كان آخره 99 كانت مكيفه فقط بدون باور ولا أي أوبشن تاني

الإكسيل كانت 94 و 95 كوري ..ومن 96 لغاية 98 كانت مصري..ودي كانت آخرها 98 ..يعني غبور هو اللي مجمعها

الإكسيل نزلت من أولها لأخرها بفئتين ..كامله ..ودي كانت بمحرك 1500 سي سي وتكييف وباور وشنطه تفتح من الداخل وغطا تانك يفتح من الداخل وإزاز كهربا وسنتر وسبويلر ..أصل السبويلر أيامها كان يعتبر أوبشن برضه..ومساند رأس مصمته ..يعني متنجده زي الكرسي ..ونزلت فاضيه ..يعني لا تكييف ولا باور ولا أسبويلر ولا مساند رأس متنجده ..كانت مساند الرأس بتاعتها عامله زي مساند الرأس بتاعة الماروتي .. وكانت بمحرك 1300 سي سي

بالنسبه للشاريد ..أنا مش حاططها في المقارنه أصلا عشان موضوع قطع غيارها ده عموما وخصوصا في إسكندرية

بالنسبه بقى للبنزين ...الإكسيل من أولها لآخرها كاربراتير ..السويفت من أولها لغاية آخر الشكل القديم اللي كان آخره 99 مش متأكد بصراحه كانت كربراتير كهربا ..يعني رشاش واحد ولا كانت كربراتير عادي ..لكن عموما هما الإثنين يمشوا معاك بنزين 80

شوف إنت بقى وفكر

**medo5th** · 26-04-2015 01:29 PM

شوف .. انا ماعيا شاريد 1990 اتوماتيك تيربو
العربية فى الاداء تهبل
بس مشكلتها ف قطع غيارها و الاسوء ان مش كل الناس بتشتغل فيها و اما ان الصنايعى بيرفض يشتغل اصلا او بيقعد يجرب حظة و ف الاخر تنتهى ببوظان العربية
من وجهة نظرى المتواضعة
السويفت لانها وسط بين الشاريد و الاكسل ....السويفت متوفرة و اداء اليابانى و مش متواضعة زى الاكسل
تبقى محظوظ لو عرفت تجيب سويفت هاتشباك اتوماتيك او سيفروليه سبرنت ... هيا هيا السويفت هاتشباك اتوماتيك
يبقى انت كدا فى التماااااام

**mohamed_rhem** · 26-04-2015 08:46 PM

سويفت

**upaupa** · 29-04-2015 08:31 PM

المشاركة الأصلية كتبت بواسطة abokoko

الترتيب
اكسنت - اكثرهم انتشارا واسهلم فى توافر قطع الغيار واسرعهم فى اعادة البيه باقل الخسائر
سويف - عربيه يابانى سواء يابانى يابانى او يابانى متجمعه فى مصر لكن اعادة البيع قطع الغيار الانتشار - الاكسنت تكسب
الشاريد - جودة وكفاءة و اعتمادية - بس للاسف مش هتلاقي قطع غيار بسهولة وهتكون غالييه واعادة بيع فى الارض

مش فاهم ازاى السويفت الاوتوماتيك الهاتشباك تسعينيات انتشارها اكتر من الشاريد الاوتو الهاتش تسعينيات ...اى حد يعمل بحث فى معدل تداول السيارتين بيع على مواقع بيع السيارات هيكتشف بسهولة ان الشاريد اوتو متداول اكثر بكثير من السويفت
انا عملت بحث على دوبيزول فاظهر لى البحث ان هناك 17 سيارة شاريد هاتشباك اوتو عرضت للبيع من بداية السنة حتى اليوم مقابل ستة سيارات سويفت هاتش اوتو فقط .... وعشرة سيارات اكسنت مانيوال يبقى ازاى السويفت والاكسنت اكثر انتشارا ....ربما يكون الكلام صحيحا فى حالة المانيوال فى السويفت التى تكتسح الاكسنت والشاريد أما الاوتو فالشاريد اكثر شعبية بفارق كبير ...ولا شك ان هذه الشعبية لم تاتى من فراغ ....ربما بسبب قوة تحمل فتيس الشاريد الاوتو واعتماديته ورخص ثمنه او ان هناك شىء فى السويفت الاوتو والاكسنت يحد من انتشارها ....ما هو هذا الشىء ؟؟؟

**abou-yahia** · 29-04-2015 09:13 PM

الاكسيل
فيها 1300 و نزلت فاضيه من غير تكييف او باور
ونزلت بيهم ايضا
كاربراتير 4 غيار

العربيه الاكسيل عموما ميزتها انها واسعه ارتفاعها عن الارض معقول جدا
تسارع معقول و ثبات معقول برضه لو اتغير مقاس الكاوتش و العفشه

عيبها اتاكد ان البطاحات بتاعتها سليمه
تكييفها الاصلي بيبوظ بسرعه
ولما بيتغير بيكون ممتاز

الصاج في النسخ المصري بيريج جامد خصوصا في الكبوت
ودلوقت في كبوت تيواني محمل اكتر

العربيه بتدي احساس سواقه معقول
واستهلاكها للبنزين ممتاز

شنطتها ممتازه

قطع غيار ببلاش

-

الموضوع: ايهم افضل سوزوكي سويفت ام دايهاتسو شاريد ام اكسيل (تسعينات )

LinkBack

أدوات الموضوع

عرض

-

-

-

-

المواضيع المتشابهه

مطلوب دايهاتسو شاريد سيدان 1300 تسعينات

ايهم افضل سوزوكي سويفت ام دايهاتسو شاريد ام اكسيل (تسعينات )

هيونداي اكسيل & سوزوكي سويفت

مطلوب دايهاتسو شاريد سيدان 1300 تسعينات

مطلوب دايهاتسو شاريد سيدان 1300 تسعينات

الكلمات الدلالية لهذا الموضوع

المفضلات

المفضلات

ضوابط المشاركة