يا ريت يا جماعة مقارنة عن خبرة
من ناحية
1- توافر قطع الغيار و منشأها و اسعارها
2- الاعتمادية هل يمكن تستخدم لمسافة 50 - 100 كم يوميا ستة ايام اسبوعيا
3- اعادة البيع
4- استهلاك الوقود و نوعيته 80/92
5- الافضل للركوب
يا ريت يا جماعة مقارنة عن خبرة
من ناحية
1- توافر قطع الغيار و منشأها و اسعارها
2- الاعتمادية هل يمكن تستخدم لمسافة 50 - 100 كم يوميا ستة ايام اسبوعيا
3- اعادة البيع
4- استهلاك الوقود و نوعيته 80/92
5- الافضل للركوب
متابع للعلم
أنا هكلمك على أساس الوضع في إسكندرية
السويفت والإكسيل مفيش أي مشكله في قطع غيارهم
الشاريد ..هتتعب في حاجات عشان تجيبها ..ولسه في مشاركه لواحد هنا مش لاقي قاعدة موتور أماميه للشاريد بتاعة صديق ليه وأهو في القاهرة كمان مش في إسكندرية
بالنسبة للسويفت موديل 93 و 94 كانت ياباني ومن 95 لغاية 99 كانت مصري ..يعني أحمد مرعي هو اللي مجمعها ..السويفت من أول ما نزلت لغاية ما إنتهى الشكل القديم اللي هو كان آخره 99 كانت مكيفه فقط بدون باور ولا أي أوبشن تاني
الإكسيل كانت 94 و 95 كوري ..ومن 96 لغاية 98 كانت مصري..ودي كانت آخرها 98 ..يعني غبور هو اللي مجمعها
الإكسيل نزلت من أولها لأخرها بفئتين ..كامله ..ودي كانت بمحرك 1500 سي سي وتكييف وباور وشنطه تفتح من الداخل وغطا تانك يفتح من الداخل وإزاز كهربا وسنتر وسبويلر ..أصل السبويلر أيامها كان يعتبر أوبشن برضه..ومساند رأس مصمته ..يعني متنجده زي الكرسي ..ونزلت فاضيه ..يعني لا تكييف ولا باور ولا أسبويلر ولا مساند رأس متنجده ..كانت مساند الرأس بتاعتها عامله زي مساند الرأس بتاعة الماروتي .. وكانت بمحرك 1300 سي سي
بالنسبه للشاريد ..أنا مش حاططها في المقارنه أصلا عشان موضوع قطع غيارها ده عموما وخصوصا في إسكندرية
بالنسبه بقى للبنزين ...الإكسيل من أولها لآخرها كاربراتير ..السويفت من أولها لغاية آخر الشكل القديم اللي كان آخره 99 مش متأكد بصراحه كانت كربراتير كهربا ..يعني رشاش واحد ولا كانت كربراتير عادي ..لكن عموما هما الإثنين يمشوا معاك بنزين 80
شوف إنت بقى وفكر
اعتقد اكسل افضل --لان السويفت موتورها بيسخن وكمان الميكانيكيا مش كلهم بيشتغلو فيها واعاده بيع الاكسل اسرع بكتير
مع إستبعاد الشاريد ..يبقى هختار اللي هتيجي في سكتي الأول وتكون حالتها كويسه ..سواء إكسيل كامله أو إكسيل فاضيه أو سويفت ..وخلي بالك مش هيبقى شاغلني قوي السويفت ياباني ولا مصري والإكسيل كوري ولا مصري ..لإن كل حاجه ليها سعرها ..يبقى اللي هييجي في سكتي الأول وحالته كويسه وسعره كويس ..هخلص فيه ..في حاجات كده فرصه ..ما تضعيهاش
السلام عليكم
انا جربت الاكسيل جميله ويمكن احسن من الفيرنا فى الوسع والفخامه عن تجربة
لكن لاحظت ان اغلب قطع غيارها بتكون استيراد او توفقلها من الاكسنت او حتى الفيرنا
وانا جربت ده لما غيرتلها دينامو
وغيرتلها دونجل خلفي للعفشه كان استيراد وبتوع الاستيراد بيخترعوا فى الاسعار
فى رايي المتواضع ممكن تدخل الاكسنت فى الاختيارات وتكون موتور 1500 مش 1300 افضل
وكله بيمشي ب بنزين 80 بس المشكله نلاقيه ربنا يسترها
والاهم مش اسم الماركة
الاهم حالتها واساسيتها وقطع غيارها واعادة بيعها وراحتك النفسيه طبعا
واستخير ربنا قبل اى شئ
وربنا يدلك للخير باذن الله تعالى
وشكرا