-
مش فاهم حاجه
السلام عليكم
انا عندي مشكله في العربيه في الكهربا ابتدت بعد ما عملت طقم شنبر
واول حاجه حصلت ان عداد الحراره مش مظبوط يعني لو شغلت العربيه 10 دقائق المؤشر يعدي النص بتاع الحراره
ومينفعش اشغل النور العالي والكاسيت مع بعض ولو مشغل نور الصالون نور العدادات يطفي
ولو مشغل الزرار بتاع السريه لما حد يجي يفتح الكبوت تلاقي النور اللي ورا طفا اللي هو بيشتغل مع النور العالي
ولو اديت اشاره تلاقي موشر الدينامو بيلعب
مش عارف اعمل ايه
-
و مؤشر البنزين بيلعب برضو معاهم
-
الله يكون في عونك واضح ان الصنايعية بوظوا لك الضفيرة الكهربائية لعربيتك ولو انها المفروض يعني من المحفوظات عند الصنايعية الكويسين
-
انت مش هتقدر تعمل حاجة
المطلوب منك تكتب انت ساكن فين او اقرب مكان ليك فين عشان الناس تقولك على افضل كهربائي محترم فاهم شغله كويس جدا جدا يظبط ليك الدنيا الملخبطة دي
نصيحة لوجه الله : بأسرع وقت ممكن صلح الكهرباء لا قدر الله ف عربيات اصحابها ينزلو منها بعد شوية بتكون حتة فحمة بسبب ماس كهرباء او سوء عزل ((انا شفت الموضوع دا بنفسي كتير)) ربنا يكيفها جميعا الشر ويكتب لينا الخير ان شاء الله
-
طيب يا جماعه انا ساكن في امبابه في ارض الجمعيه
حد يعرف كهربائي كويس حتي ولو بعيد اروحله مش مهم
-
المشكله انا انا كمان لما روحت لكذا كهربائي
الاقيه يقيس لي شحن الدينامو ويقولي كويس والبطاريه كويسه
اطمن اقوله ازاي يعني
يقولي عادي العدادات بتخرف
-
اتصل بمحمد طلبه هو يعرف كهربائى تخصص لادا كويس،واظن فيه واحد فى الوراق جنب شركة الغاز بيقولوا كويس
Content Relevant URLs by
vBSEO 3.6.0 PL2