مقارنه بين مصاريف الموتسيكل و السياره

بحثت كثير و سالت كتير فى هذا الموضوع ... يا ريت حد يفيدنى اكتر فى المقارنه
انا بعمل فى اليوم حوالى ٩٠ - ١٠٠ كم فى اليوم بيساره ١٦٠٠ سي سي بتكلف حوالى فى الشهر ٥٠٠ جنيه بنزين ٩٢ اللى ٢.٦ جنيه و حنقول صيانه و زيت بحوالي ٦٠٠ كل ٣ شهور اى تقريبا ١٠،٠٠٠ كم يعنى بنزين + صيانه = ٧٠٠ جنيه فى الشهر ... ده بدون تأمين او فلوس انتظار جراج... الخ
الموتسيكل الزيز اللى بحاول أقرر أشتريه يكون سكوتر و ميزدش عن ١٠الف مستعمل او جديد
هيكلف لنفس مشاويره بنزين ٩٢ حوالى ١٦٠ جنيه
المشكله اللى قلقان منها هى مصاريف الزيت و الصيانه الوقائية الصح ... مش صيانه اتركها حتى تهلك
هتكلفنى كام ؟ الزيت بكام مع العلم ان هستخدم سرعات عاليا للحركة من أكتوبر المعادى ... هل الزيت هيكلف ٣٠٠ جنيه فى الشهر + ١٦٠ بنزين يبقى = ٤٦٠ فى الشهر ؟
فى اى مصاريف صيانه دوريه تانيه ؟ من نحيه اقتصاديه بحته
ل٣ الف كم فى الشهر ؟
من نحيه اقتصاديه بحته السياره ٧٠٠ و ٤٦٠ الموتسيكل اللذيذ ؟

انا جبت موتوسيكل صيني اسمه هانكو 150 سي سي و بعمل بيه 100 كيلو يوميا… و بيكلفني في الاسبوع 8 ليتر 92
و كل الف كيلو بحطله كيلو زيت موبيل ..
و كمان بركب المعدية ببلاش مزتين في اليوم ( العربية ب 10 رايح جاي ) ..
فرق كبير جدا بين العربية و الموتوسيكل في الاستهلاك ..
تعالي بقي للمشاكل…
كل شهرين بروح للميكانيكي يعيد تربيط المكنة ( لو ماركة محترمة اظن مش هحتاج كده ) ، القعدة متعبة جدا ( كولي 180 ووزني 130 ) ، الهوا متعب في الشتا حتي لو لابس الدولاب كله ..
خطر الحوادث زي العربيات مش اكتر…

انا كنت فاكر طول الفترة اللى فاتت ان الموتوسيكل بيمشي بببنزين 80 موش 92 , أومال حلاوة بيمشي بالجاز وللا ايه ؟

اقتباس:

---

المشاركة الأصلية كتبت بواسطة mazagangee

خطر الحوادث زي العربيات مش اكتر…

---

انت عايز تشبه حادثه موتوسيكل بحادثه عربيه

اقتباس:

---

المشاركة الأصلية كتبت بواسطة ahmed tarek 00

انا كنت فاكر طول الفترة اللى فاتت ان الموتوسيكل بيمشي بببنزين 80 موش 92 , أومال حلاوة بيمشي بالجاز وللا ايه ؟

---

انا مشفتش بنزين 80 خالص طول ال4سنين اللي فاتوا… ولو ظهر بلاقي طوابير عليه… بريح نفسي و اجيب 90 او 92 و اصلا استهلاك المكنة قليل مش كتير…

اقتباس:

---

المشاركة الأصلية كتبت بواسطة rotanamasoud

انت عايز تشبه حادثه موتوسيكل بحادثه عربيه

---

انا اقصد احتمال ان حد يعمل حادثة بعربيته زي احتمال انه يعمل حادثة بمكنة ..
مش قصدي علي اضرار الحادثة نفسها… طبعا المكنة منك للارض وش .. غير العربية حواليك هيكل يحميك

اقتباس:

---

المشاركة الأصلية كتبت بواسطة tselgammal

من نحيه اقتصاديه بحته السياره ٧٠٠ و ٤٦٠ الموتسيكل اللذيذ ؟

---

الموتوسيكل ميصرفش 460 في الشهر خالص ..
و السكوتر هيكون اقل كمان من الموتوسيكل…

عن تجربتي بقي
انا معايا فيسبا صباب
مشواري كل يوم من 50 الي 80 كيلو
بفول كل 3 او 4 ايام ب 10 جنية بنزين 92
بغير زيت كل شهر تقريبا او 3 اسابيع ب 15 جنية
الصيانة المعتادة كل مده كبيره
تيل فرامل كل 3 او 4 شهور ب 25 جنية
سلك دبرياج كل شهر تقريبا ب 3 جنية
بس كده :)

اقتباس:

---

المشاركة الأصلية كتبت بواسطة HeMa_LanCeR

عن تجربتي بقي
انا معايا فيسبا صباب
مشواري كل يوم من 50 الي 80 كيلو
بفول كل 3 او 4 ايام ب 10 جنية بنزين 92
بغير زيت كل شهر تقريبا او 3 اسابيع ب 15 جنية
الصيانة المعتادة كل مده كبيره
تيل فرامل كل 3 او 4 شهور ب 25 جنية
سلك دبرياج كل شهر تقريبا ب 3 جنية
بس كده :)

---

الله علي اسعار اللي تشرح القلب:E_braces[1]:

انا كمان والحمد الله معايا موتسيكل صينى ماركة حلاوة استهلاك بنزين قليل جدا بالنسبة لاستهلاك عربية والزيت بيتغير كل شهر او على حسب المشاوير بالنسبالك هايكون كل 15 يوم بحد اقصى عشان المسافة الطويلة يوميا والصيانة بتاعته وقطع غياره رخيصة وسهل جدا فى الحركة عن العربية.
مشاكله فى خطورة الحوادث ربنا يكفيك ويكفينا شرها .
بس للنصيحة من اخوك اشترى فيسبا هندى جديدة او استعمال نظيف هاتكون غالية شوية لكن هاتستحمل المسافة الطويلة دى كيلوا يوميا . الى سايق نفسه هايهنج
الفيسبا تستحمل شوية وده غير انها شياكة وقيافة وامنة شوية عن الموتسيكل الصينى .

صدقنى راكن عربية اوتو ماتيك واثنين مانيوال وماشى بموتسيكل بسبب الزحمة هاتحس بفرق كبيررر

طيب لو هوندا cbr 600 ؟ الوضع هيفرق

100 كم يوميا بالموتوسيكل
حرام عليكم صحتكم
الموتوسيكل حلاوته فى المشاوير الصغيره البسيطة 20 - 30 كم بالكتير

نصيحه من واحد معاه موتوسيكل وبيمشي بيه نفس المسافه .. انت بتشتري حياتك بفرق المصاريف دي ، مهما وفرت مش هتساوي حغدثه واحده انت والارض فيها واحد !!

المشكلة فى خطورة حوداث الموتسيكل