العربية و انا ماشي بتفصل و لما بتيجي تدورها تاني مش بتدور بونتو 2002

السلام عليكم
انا معايا فيات بونتو 2002 , المشكله ان العربية و انا ماشي بيها بتفصل و لما بتيجي تدورها تاني مش بتدور , لو استنيت عليها شويه و شلت المفتاح و حطيته تاني تيجي تدورها مدرداش بردو و تطلعلك علامه المفتاح في التابلوه اكني بحاول ادورها ب مفتاح مش مفتحها , الحل الوحيد علشان تدور تاني هو اني افصل البطارية و احطها تاني , المشكله دي كانت بتحصل كل فتره لاكن دلوقتي بقت كل يوم .
و مش عارف اوديها لمين و خايف اوديها لكهربائي ميفهمش فيها و خصوصا اني مش عارف ايه المشكله و مش بتبان غير مع الاستخدام
يا ريت حد يفيدني و يقولي اعمل ايه


تم تعديل العنوان ليتناسب مع المحتوى
م.ع 7

متابع علشان عندي نفس المشكلة
وكمان المشكلة عندي لما العربية بتدور اجي افتح النور بتبطل مني وبردوا بتعذبني علشان تدور تاني

البونتو عايزه ميكانيكي فيات ..بس هي العربيه دي فيها إيموبلايزر؟؟؟؟

الموضوع اتحل عندي الحمد لله
الخطوات الي انت المفروض تعملها بايدك علشان تعرف العيب فين ومفيش حد يشتغلك
هتنزل تحت العربية وتكشف علي السلوك الي تحت في الضفيره والي رايحه الفوانيس وتتأكد ان مفيش حاجه عامله قافله
وتبص علي علبه الكتاوت الي جنب البطارية لان مشكلتي كانت في كتاوت ال Start هيا دي كانت ضعيفه مش مقومة العربيه غيرتها بواحده تانيه اشتغلت معايا تمام وابقي طمنا عملت ايه

اقتباس:

---

المشاركة الأصلية كتبت بواسطة m_m_sh_a

البونتو عايزه ميكانيكي فيات ..بس هي العربيه دي فيها إيموبلايزر؟؟؟؟

---

اه فيها إيموبلايزر الي هو مش بيدور العربية غير بالمفتاح بتاعها

اقتباس:

---

المشاركة الأصلية كتبت بواسطة anubies

الموضوع اتحل عندي الحمد لله
الخطوات الي انت المفروض تعملها بايدك علشان تعرف العيب فين ومفيش حد يشتغلك
هتنزل تحت العربية وتكشف علي السلوك الي تحت في الضفيره والي رايحه الفوانيس وتتأكد ان مفيش حاجه عامله قافله
وتبص علي علبه الكتاوت الي جنب البطارية لان مشكلتي كانت في كتاوت ال start هيا دي كانت ضعيفه مش مقومة العربيه غيرتها بواحده تانيه اشتغلت معايا تمام وابقي طمنا عملت ايه

---

االي بتقولو منطقي بس ليه مش بتردا تدور بالمفتاح بعد كده حتة لو سبتها فتره عير لما افصل البطارية ؟ هل كانت عندك نفس المشكله دي ؟ و شكره يا رب فعلا تكون على قد كده

ممكن يكون حساس الكرنك بيهرتل مع الحرارة، و ممكن يكون فيه مشكلة في الدابل ريلاي (كتاوت الستارت).

الموضوع محتاج try and test في الحاجات دي. لو مجابوش نتيجة للأسف هاتضطر تشوف حاجة تانية.

طبعاً دا كله بعد ما تكشف عليها كمبيوتر.