دايملر الألمانية تعتزم الانسحاب من شركة مشتركة لتجميع السيارات فى مصر

**Omar Sarray** · 29-04-2015 11:47 PM

تعتزم طب مخلاص هيا اعتزمت وسحبت مكانها من التجميع فى مصر المشكله ان الالمانى ينزل فى مصر غالى جدا وبرا تلاقيها اسعار رخيصه مش عارف ليه كده لا هيا جمارك لا هيا رسوم تنميه لا هيا دوله واقعه لنا الله يامصر

**MaZaGAngeE** · 01-05-2015 08:25 PM

المشاركة الأصلية كتبت بواسطة dede_dodo88

موضوع منطقي جداً يتماشى مع خطة الدولة لتخفيض جمارك السيارات الاوروبية, فبالتالي ملهاش معنى ان العربية تتجمع في مصر طالما ممكن تستوردها كاملة على بعضها من اوروبا بنفس السعر..
الشركة مكملة عاااادي جداً في مصر, و مصر لمرسيدس تعتبر من الاسواق الناجحة و المربحة..
فالموضوع في حقيقته هو عكس كل الهري اللي الناس بتتكلم فيه عن تدهور الاحوال الاقتصادية و هروب الشركات الاجنبية و ما الى ذلك..
الشركة "ناتكو" نشاطها الرئيسي في مصر هو المبيعات و التوزيع, و ده مكمل بشكل طبيعي مع نشاط تصنيع قطع الغيار.. تجميع العربيات محلياً هو اللي هيتوقف..

اول حاجة مصر مش سوق عربيات خالص… .
اجمالي مبيعات مصر من كل انواع و احجام العربيات 250 الف محلي و مستورد لبلد عدد سكانه 90 مليو.… قدام بلد زي السعودية سكانها بالوافدين 30 مليون و حجم مبيعات 2 مليون عربية… و قارن بلد زي النيجر او افريقيا الويطي هتلاقي مبيعاتهم تكبر من ضعف مبيعات مصر…

تاني حاجة بلد بتستلف كل يوم ملبار جنيه و داخله علي اعلان افلاس و كل كام يوم شركة تغلن انها هتوقف شفلها في مصر… .
تالت حاجة الجمارك بتقل و الضرايب بتزيد ر ده طبقا لاتفاقية التجارة الحرة اللي بتسمح للدول بفرض ضرايب لحماية الصناعة المحلية… يعني اللي بيتشال جمارك بيتحط ضرايب… يبقي الجمرك مش السبب في وقف الشركة… .

**سموحة** · 02-05-2015 02:56 PM

بسم الله الرحمن الرحيم
أولا هحاول اتكلم في الموضوع بشكل موضوعي شوية مصر وقعت مع الاتحاد الأوربي إتفاقية الأورومتوسطية وبمقتضاها هتكون الجمارك مع الاتحاد الأوربي مع بداية عام 2019 زيرو جمارك
الشركات التي كانت بتوزع او ليها توكيل هنا في مصر وخاصة الأوربي بتعيد دراسة السوق دلوقتي لسببين
الأول دراسة نفسية المشتري المصري يعني لو قالولك هنديك عربية اوربي تجميع مصري ولا عربية اوربي 100% اي حد هيختار الاختيار الثاني طالما ان الفرق هو قيمة الشحن وبالتالي الشركات التي هتشتغل هنا هتتحمل مرتبات واماكن وتأمين وغيره يعني خسارة بالنسبة ليها يبقا الحل انها تنسحب من السوق اكتفاء بالمنتج الاوربي او تشوف انواع اخري من السيارات مش داخله في الاتفاقية وتكون واسعة الانتشار في مصر او تفتح بيها سوق جديد تقدر تنافس بيه خاصة من حيث السعر والجودة ودا نص كلام الشركة اللى يؤكد الرآي السابق "أعلنت شركة دايملر الألمانية للسيارات، الجمعة، انسحابها من الشركة المصرية الألمانية للسيارات (إجا)، في مايو المقبل، وقالت المتحدثة باسم «دايملر»، إن قرارها يرجع إلى أنه من المتوقع انخفاض الرسوم الجمركية على الواردات بشكل أكبر في المستقبل، فيما تتطلع إجا للتوسع في تجميع أنواع أخرى من السيارات" كذلك "بعد 4 سنوات سيتم استيراد السيارات الأوروبية إلى مصر دون جمارك، طبقاً لاتفاق الشراكة المصرية الأوروبية، ورأت «مرسيدس» أن التوريد لمصر سيكون أقل تكلفة من التصنيع المحلى".
ثانيا في حل تاني ان الشركة تبتدي تعمل تجميع حقيقي للسيارات وتبتدي تنافس وتعمل عربية مصر زي ما رينو عاملة في المغرب والجزائر (ودا غالبا اللى هيحصل مع الهيئة العربية للتصنيع اللى ممكن تعمل شراكة تطوير مع شركات اوربية )
وعلى كل الأحوال خفض الجمارك هيكون في مصلحة المستهلك المصري لأن السيارات المفضلة في مصر هي الاوربي والياباني وبما ان الاوربي هيكون بسعر اقل دا هيخلى الياباني اما يزود في امكانات السيارات وتطويرها او يقلل في السعر عشان يخلق منافسة للاوربي

**Abo_Mazen** · 02-05-2015 03:26 PM

المشاركة الأصلية كتبت بواسطة mazagangee

اول حاجة مصر مش سوق عربيات خالص… .
اجمالي مبيعات مصر من كل انواع و احجام العربيات 250 الف محلي و مستورد لبلد عدد سكانه 90 مليو.… قدام بلد زي السعودية سكانها بالوافدين 30 مليون و حجم مبيعات 2 مليون عربية… و قارن بلد زي النيجر او افريقيا الويطي هتلاقي مبيعاتهم تكبر من ضعف مبيعات مصر…

تاني حاجة بلد بتستلف كل يوم ملبار جنيه و داخله علي اعلان افلاس و كل كام يوم شركة تغلن انها هتوقف شفلها في مصر… .
تالت حاجة الجمارك بتقل و الضرايب بتزيد ر ده طبقا لاتفاقية التجارة الحرة اللي بتسمح للدول بفرض ضرايب لحماية الصناعة المحلية… يعني اللي بيتشال جمارك بيتحط ضرايب… يبقي الجمرك مش السبب في وقف الشركة… .

وهي دي الواقعيه في أوضح صورها ,,,مش تقولي توجيه إستثمارات

**Batman372** · 02-05-2015 04:17 PM

المشاركة الأصلية كتبت بواسطة mr_green

معلش مع إحترامى للجميع بلاش نتكلم بدون أرقام عشان يكون الكلام موضوعى و سليم

هاضرب مثال ب e250 سعرها برها يبدأ من 51.800 $ يعنى حوالى 400000 مصرى بتتباع هنا بداية من 738000 مصرى
ممكن حد يشرح جمارك إيه إللى قلت ؟؟

2015 mercedes-benz e-class specs, price, trim levels, user reviews, photos & buying advice

mercedes-benz cars: 2015 mercedes-benz prices, reviews, specs

ممكن نراجع الروابط أعلاه فيها كل الأسعار و لمن عنده رأى آخر ياريت يشرح و يذكر مصدره !!
ده غير إن سعر العمالة فى مصر و الضرائب و الكهرباء للمصنع أقل بكثيـــــر من أماكن أخرى بره مصر

بعد التحيه ...
سعرها ٧٣٨ الف لانها كانت متجمعه محليا ....

لو استيراد كانت حتعمل وقتها بعد جماركها الى هى ١٣٥٪ + ض مبيعات ١٥ ٪ حوالى مليون و ١٠٠ الف جم

علشان كده التجميع كان ناجح و مربح للشركه ... لكن مع تخقيض الجمارك على الاوروبى الفرق ده حيقل كتير بحيث بعد تكاليف التجميع وضخ استثمارات جديده ... الموضوع مش حيجيب همه اقتصاديا و الاستيراد حيبقى افضل ...

ارجو ان اكون وضحت ...

تحياتى ...